Ol Toksave
● Samting bilong tilim long Februeri: Ol olpela buk i gat 192 pes long en, olsem buk Nau Tasol o buk Yangpela o buk Bel Isi long 40 toea. O yu ken tilim “Tripela Wantaim” long K1.00.
● Samting bilong tilim long Mas: Ol olpela buk i gat 192 pes long en, olsem buk Nau Tasol o buk Yangpela o buk Bel Isi long 40 toea. O yu ken tilim “Tripela Wantaim” long K1.00.
● Samting bilong tilim long Epril: Sabskripsen bilong Wastaua.
● MEMORIAL: Em bai kamap long Sarere, Mas 30, 1991, taim san i go daun pinis. No ken mekim narapela miting long dispela de. Ol wasman sekit i ken tingim Memorial bai kamap long Mas 30, na ol i ken wokim sedyul bilong ol i stret long dispela. Yumi bai mekim wok gen long autlain yumi bin mekim wok long en long 1990. (S-31MP 1/90)
● BIKPELA PABLIK-TOK: Bikpela pablik-tok bai kamap long Sande, Epril 7, 1991. Het-tok bilong dispela tok em olsem: Krais i Stap King na Em Bai Bosim Ol Man. Sapos wasman sekit bai kam lukim kongrigesen, o ol i makim kibung sekit o kibung bilong wanpela de i kamap long Epril 7, orait yupela i ken mekim bikpela pablik-tok long wik antap, olsem long Epril 14, 1991.
● SEDYUL BILONG BUK-STADI: Kirap long Me 13, 1991 long ol Buk-Stadi, bai yumi mekim wok long buk Abrusim Bagarap.
● TOKSAVE BILONG KISIM OL BUK: Long mun Me, bai yumi mekim wok long buk Abrusim Bagarap long ol Buk-Stadi bilong kongrigesen. Brata bilong lukautim ol buk i mas putim oda nau bilong kisim dispela buk na bai kongrigesen i no sot long ol dispela buk long mun Me.
● Ol buk samting yu no inap kisim:
Buk Baibel Stori—Tok Inglis
Buk Stap Oltaim—Tok Pisin
Liklik Nius T-13 I Gat Wanem As na Yu Inap Bilip Tru long Baibel?—Tok Pisin
Liklik Nius T-15 Gutpela Sindaun long Nupela Taim—Tok Pisin na tok Motu
Liklik Nius T-16 I Gat Gutpela Samting Bai Painim Ol Man i Dai Pinis?—Tok Pisin
Buk Stap Oltaim (Bikpela)—Tok Inglis
Buk Life-How Did It Get Here? By Evolution or By Creation? (Bikpela)—Tok Inglis
Buk Revelation—Tok Inglis
● Ol nupela buk yu inap kisim:
Buk Mankind’s Search For God—Tok Inglis
Buklet How Blood Can Save Your Life—Tok Inglis
Buklet Skelim Sampela Tok Bilong Baibel long Olgeta De 1991—Tok Pisin, tok Motu, tok Inglis
Buk Mekim Singsing long Jehova—Tok Pisin