Ol Miting Bilong Helpim Yumi Long Kamapim Ol Disaipel
WIK I KIRAP LONG EPRIL 1
Singsing 71 (25)
(10 min) Ol toksave bilong kongrigesen.
(20 min) Strongim Ol Wanblut Bilong Yu long Wara Bilong Tok i Tru. Wanpela brata i ken lukim Wastaua bilong Septemba 1, 1990, pes 28-31, na mekim dispela tok. Toktok gut wantaim kongrigesen long ol gutpela pasin ol i ken bihainim taim ol i autim tok long ol wanblut o wantok bilong ol.
(15 min) Sampela Stori long Wok Bilong Kingdom. Gutpela sapos yu wokim gutpela mep long blekbot, na bai ol brata sista inap save gut olsem wok bilong autim tok i kamap long olgeta hap bilong graun. (Sapos yu no save gut ol kantri i stap we, orait lukim Ripot Bilong ol Witnes Bilong Jehova long Yearbook. Lukim leta na namba bilong ol dispela kantri yu laik painim, na nau lukim dispela leta na namba long mep i stap insait long skin bilong Yearbook, na bai yu ken save ol dispela kantri i stap we.)
BABADOS: Lain pablisa long dispela kantri i go bikpela inap 1,800 long mun Septemba.
AIVORI KOS: Inap 12-pela mun lain pablisa i go bikpela, na long Septemba 1990, inap 3,465 pablisa i autim tok. Ol i helpim tu ol brata sista i ranawe lusim Laibiria, long wanem i gat pait long dispela hap na ol i bin kisim bikpela hevi.
JAPAN: Lain pablisa i go bikpela inap 148,452, na i gat 3,582 nupela painia long mun Septemba. Long dispela mun inap olsem 165 Skul Bilong Wok Painia i kamap long 111 sekit na inap olsem 3,920 painia oltaim i insait long ol dispela Skul na ol i amamas long ol tok ol i bin lainim.
KENYA: Lain pablisa long dispela hap i go bikpela inap 5,610 long mun Septemba. Inap olsem 11,027 manmeri i bung long ol bikpela de kibung bilong ol na inap 172 i kisim baptais.
MORISAS: Long Septemba lain pablisa long dispela hap i go bikpela inap 907.
NAIJIRIA: Lain pablisa i go bikpela inap 146,703 long Septemba, winim lain i bin autim tok long mun Ogas inap 4,600.
SEN VINSEN: Long dispela hap long mun Septemba lain pablisa i go bikpela inap 14 pesen na 208 pablisa i autim tok. Ol wan wan pablisa i autim tok inap 14.2 aua samting.
Singsing 211 (4) na beten.
WIK I KIRAP LONG EPRIL 8
Singsing 206 (111)
(10 min) Ol toksave bilong kongrigesen.
(20 min) “Bihainim Savepasin—Bihainim Ol Tok Yu Kisim Save long En.” Wanpela elda i mas lukautim dispela hap. Paslain long miting makim wanpela brata i save gut long kaunim tok, na em i ken redi long kaunim ol paragraf. I gat soim bilong helpim ol pablisa, em ol i no amamas moa long autim tok na mekim ol narapela wok bilong spirit. Redim gut dispela soim, na mekim long pasin sori na pasin isi na bai em inap helpim ol pablisa em ol i no stap amamas, long wanem, ol i bihainim pasin bilong olpela bel na ol i no bihainim ol gutpela pasin em spirit holi i kamapim.
(15 min) Stori Bilong Dispela Mun. Toktok wantaim ol brata long Stori Bilong Dispela Mun na helpim ol long save olsem wanem dispela tok inap helpim ol man long nau. Planti manmeri ol i tok ol i gat Baibel, tasol olsem wanem? Ol i save long as bilong ol tok bilong en? Ol i save bihainim ol tok bilong en? Yumi amamas long helpim ol long kisim save long ol tok bilong Baibel. Man i bihainim tok bilong Baibel em inap long kisim laip oltaim.
Bilong Wanem Yumi Mas Stadi long Baibel?
2 Ti 3:16, 17—Tok bilong God i gutpela bilong helpim yumi
Jo 17:3—Tok bilong God em i rot bilong kisim laip oltaim
Tokim narapela narapela pablisa long mekim ol dispela soim. I no hatwok long toktok wantaim ol man long Stori Bilong Dispela Mun. Redim gut ol dispela soim, bambai ol inap helpim gut olgeta pablisa, na taim ol i autim tok, ol i ken tingim ol tok bilong ol dispela soim na mekim wok long en.
SOIM 1: (Pablisa i autim tok wantaim pikinini man o pikinini meri bilong em. Man bilong haus tu i gat sampela pikinini.)
Pablisa: Moning tru! Yu mekim bikpela wok long gaden, a? Asde mi tu mi bin mekim olsem, tasol nau mi wantaim pikinini bilong mi i raun bilong toktok wantaim ol man long tok bilong Baibel. Nem bilong mi . . . na nem bilong pikinini bilong mi . . . . Mi wanpela Witnes Bilong Jehova na mi stap long . . . .
Man Bilong Haus: Nem bilong mi . . . na nem bilong pikinini bilong mi . . . .
Pablisa: Pasin raskol i kamap bikpela long nau, a? Long wik i go pinis long hap bilong mipela ol raskol i mekim planti pasin nogut.
Man Bilong Haus: Wankain samting i bin kamap long hap bilong mipela tu.
Pablisa: Mi tingim dispela na mi kisim pikinini bilong mi i kam wantaim mi taim mi raun toktok wantaim ol man long tok bilong Baibel. Olsem na mi save pikinini i stap we, na long dispela rot mi inap lainim em long bilip tru long ol tok bilong Baibel. Mi pilim olsem i bikpela samting mi mas mekim, long wanem yumi stap long taim nogut.
Man Bilong Haus: Taim yupela ol Witnes i kam lukim mi, mi no save harim tok bilong yupela, tasol yu mekim gutpela pasin pren long mi, olsem na mi laik harim tok bilong yu. Wanem as tru na yu kam?
Elda: Sapos yumi tingim gut ol man bilong haus, planti taim dispela i opim rot bilong yumi ken autim gut tok long ol.
SOIM 2: Pablisa i autim tok wantaim pikinini bilong em.
Pablisa: (Em i tokim pikinini long paitim dua.)
Man Bilong Haus: Sapos yu wanpela Witnes Bilong Jehova, mi mas tokim yu mi wanpela Katolik na mi no laik senisim lotu bilong mi!
Pablisa: Tru yumi gat lotu bilong yumi yet, tasol i gat wanpela samting yumi wanbel long en!
Man Bilong Haus: Em wanem samting?
Pablisa: Mi lukim haus bilong yu i gat strongpela banis, na haus bilong mi tu i gat banis. Long nau yumi mas mekim planti samting bambai ol raskol i no ken brukim haus, a?
Man Bilong Haus: Tru tumas. Tasol sampela raskol i manki tasol. Sapos papamama bilong ol i tingim gut ol, bai ol i no larim ol i raun nating long rot.
Pablisa: Yu tok stret. I olsem planti papamama i no pas gut wantaim pikinini bilong ol, olsem pren gut wantaim ol. Tru lotu bilong yumi i narapela narapela, tasol mi save ol Katolik i bilip long tok bilong Baibel, na mi tu mi bilip long en. Baibel bilong yu i stori long ol pasin nogut i kamap nau long taim bilong yumi. Olsem wanem? Yu gat liklik hap taim na yu ken kisim Baibel bilong yu na yumi ken lukim dispela tok?
Man Bilong Haus: Mi gat taim. Yu wet na mi go kisim. (Em i kam bek wantaim Baibel.)
Pablisa: Opim Baibel long 2 Timoti 3:3. Em i stori long wanpela taim bai kamap na ol man “i no save long pasin bilong i stap pren bilong ol arapela.” Tasol olsem wanem long ol pikinini? Lukim ves 2. Em i tok ol pikinini “bai i sakim tok bilong papamama”!
Man Bilong Haus: Tru ya!
Pablisa: Nau lukim ves 1. Em i tok ol dispela samting bai kamap long “taim bilong las de.” Olsem wanem? Yu bilipim dispela tok bilong Baibel bilong yu, olsem yumi stap long “taim bilong las de”?
Man Bilong Haus: Yes, mi bilip olsem.
Pablisa: Tasol nogut mi pulim bikpela hap taim moa. Tenkyu tru yu bin toktok wantaim mi long ol dispela samting. Gutpela sapos narapela taim yumi ken toktok moa long dispela “taim bilong las de” em Baibel bilong yu i stori long en.
Elda: Olsem yumi lukim long namba wan soim, sapos yumi mekim gutpela pasin pren na tingim gut ol man bilong haus, planti taim dispela i opim rot bilong yumi ken autim gut tok long ol.
Singsing 207 (112) na beten.
WIK I KIRAP LONG EPRIL 15
Singsing 152 (82)
(10 min) Ol toksave bilong kongrigesen.
(20 min) “Jehova i Save Wok long Mekim Gut long Lain Bilong Em.” Makim sampela bilong kaunim ol paragraf na ol tok bilong Baibel. Taim brata i kaunim pinis wanpela paragraf, kamapim askim bilong en.
(15 min) “Sapos Yumi ‘Bihainim Pasin Bilong Spirit Holi’ Bai Yumi Kisim Laip Oltaim.” (Em namba 2 hap bilong dispela soim yumi lukim long wik i go pinis. Gutpela sapos dispela tupela brata i mekim soim long wik i go pinis ol i ken redi long mekim dispela soim tu.) Sampela brata i no strong moa long ol samting bilong spirit, long wanem ol i save lusim bikpela hap taim long raun wantaim ol wanblut na ol narapela i no insait long tok i tru. Ol i no kisim dispela amamas ol inap long kisim insait long oganaisesen bilong Jehova, na ating ol samting ol i mekim na tok bilong ol i bagarapim bel bilong ol narapela brata sista na ol tu i no amamas. Olsem na ol elda i mas givim sampela tok long ol na bai ol i bihainim gutpela save bilong God long olgeta wokabaut bilong ol na kirap ‘bihainim pasin bilong spirit holi.’ Gutpela sapos yumi putim gut yau long ol tok em elda bai givim long dispela brata.
Singsing 6 (4) na beten.
WIK I KIRAP LONG EPRIL 22
Singsing 98 (91)
(10 min) Ol toksave bilong kongrigesen. Ripot bilong ol akaun.
(20 min) “Ol Samting Mi Kisim long Jehova Inap Helpim Mi Olsem Wanem?” Wanpela brata i ken toktok wantaim kongrigesen long dispela askim. Kirapim ol brata sista long lukim ol tok bilong Baibel i gat taim bilong kaunim, na kamapim gut insait bilong ol dispela tok.
( 5 min) Askim. Wanpela brata i ken stori long dispela askim.
(10 min) Stori Bilong Ol Painia Haptaim. Brata i lukautim dispela hap i ken tokim sampela brata sista i mekim wok painia haptaim long mun Epril long stori long sampela samting i mekim ol i amamas.
Singsing 212 (110) na beten.