Ol Miting Bilong Helpim Yumi Long Kamapim Ol Disaipel
WIK I KIRAP LONG JULAI 1
Singsing 14 (nupela) 6 (olpela)
(10 min) Ol toksave bilong kongrigesen.
(20 min) Nupela Stori Bilong Mun.
Olsem Wanem? Klostu Bai Gutaim i Kamap long Olgeta Hap?
Lu 21:10, 11, 26—Ol samting i kamap i truim tok bilong Baibel
Lu 21:28, 31—Klostu bai Kingdom bilong God i kamapim gutaim
Kamapim tok bilong nupela Stori Bilong Mun. Pablisa i mas redim gut na mekim dispela soim hia:
Pablisa: Moning tru! Nem bilong mi . . . Mi kam lukim yu long wanem, mi laik kamapim wanpela askim.
Man Bilong Haus: Em i gutpela. Wanem dispela askim?
Pablisa: Yu ting olsem wanem? Gutaim tru inap kamap long graun long dispela taim nau yumi stap long en?
Man Bilong Haus: Sapos olsem, em bai gutpela ya! Tasol ating i no inap.
Pablisa: Tru tumas, sapos yumi skelim ol samting i bin kamap bipo ating gutaim i no inap tru long kamap. Tasol ol samting i kamap pinis i truim ol tok bilong Baibel. (Kaunim Luk 21:10, 11, 26. Opim buklet Stap Amamas na soim piksa 28 long em, o piksa i stap long pes 24 long buklet “Harim!”) Ol dispela samting i bin kamap bihain long Namba Wan Pait Bilong Olgeta Hap. Tasol i gat ol gutpela samting yumi ken wetim i kamap. Ol samting nogut i kamap long nau i makim olsem, klostu bai Kingdom bilong God i pinisim ol pasin nogut bilong graun na kamapim gutaim tru bilong i stap oltaim. Jisas i tok olsem long ves 28 na 31. (Kaunim) Olsem na ol hevi bilong nau i makim olsem, klostu tru bai gutpela senis i kamap, olsem piksa hia i makim. Em i gutpela samting, a? (Soim piksa long em i stap long skin bilong buklet na stori liklik long en. Tilim buklet long dispela man na tokim em yu laik kam bek lukim em.)
(15 min) Wok Bilong Ol Atendan. Brata i lukautim dispela hap i toktok wantaim brata bilong bosim ol atendan. Toktok long ol wok bilong ol atendan na olsem wanem kongrigesen i ken wok gut wantaim ol. (Lukim buk Lo, pes 63, 64.) Sapos pikinini i pairap o krai o mekim nabaut, atendan i ken tokim papa o mama long kisim pikinini i go ausait bambai ol brata sista inap harim gut ol tok. Ol atendan i mas helpim ol man long sindaun gut na harim tok, na ol i mas save hamas manmeri ol i kam bung, na ol i mas painim sia bilong ol lapun na sikman na sindaunim ol gut.
Singsing 181 (nupela) 74 (olpela) na beten.
WIK I KIRAP LONG JULAI 8
Singsing 43 (nupela) 11 (olpela)
(10 min) Ol toksave bilong kongrigesen.
(20 min) “Bihainim Pasin Marimari Bilong God.” Wanpela elda i ken lukautim dispela hap. Lukim pepa yu kisim wantaim Wok Kingdom bilong Julai, “Bihainim Pasin Marimari Bilong God long Nau,” paragraf 1-6. Paslain long miting makim wanpela brata, olsem wanpela elda o wokman i save gut long kaunim tok na bai em i ken kaunim ol paragraf. Kaunim pinis paragraf, orait kamapim askim bilong en.
(15 min) Mekim Gutpela Wok long Ol Liklik Nius. Holim 4-pela kain liklik nius long han na ol brata i ken lukim. Stori long kain kain rot ol brata i ken mekim gutpela wok long ol dispela nius. Tokim ol brata sista long stori long pasin bilong ol long mekim wok long ol liklik nius na ol samting i bin kamap long dispela wok ol i mekim. Wok Kingdom bilong Februeri i bin toktok long pasin bilong kirapim Baibel-stadi long rot bilong ol liklik nius. Sapos sampela pablisa i bin kirapim Baibel-stadi long dispela rot, ol i ken mekim liklik stori long dispela.
Singsing 100 (nupela) 6 (olpela) na beten.
WIK I KIRAP LONG JULAI 15
Singsing 191 (nupela) 70 (olpela)
(10 min) Ol toksave bilong kongrigesen. Ripot bilong ol akaun.
(20 min) “Bihainim Pasin Marimari Bilong God.” Wanpela elda i ken lukautim dispela hap. Lukim gen pepa yu kisim wantaim Wok Kingdom bilong Julai, “Bihainim Pasin Marimari Bilong God long Nau,” paragraf 7-15. Paslain long miting makim wanpela brata, olsem wanpela elda o wokman i save gut long kaunim tok na bai em i ken kaunim ol paragraf. Kaunim pinis paragraf, orait kamapim askim bilong en.
(15 min) “Mekim Gutpela Wok long Ol Buk Samting Bilong Yumi.” Wanpela brata i ken toktok wantaim kongrigesen. Gutpela sapos brata i holim ol wan wan buk samting em i laik stori long en na ol brata i ken lukim.
Singsing 158 (nupela) 85 (olpela) na beten.
WIK I KIRAP LONG JULAI 22
Singsing 152 (nupela) 82 (olpela)
(10 min) Ol toksave bilong kongrigesen. Ripot bilong wok autim tok.
(15 min) Askim. Wasman bilong Skul Bilong Wok Autim Tok i ken toktok wantaim kongrigesen long dispela askim.
(20 min) “Bihainim Pasin Marimari Bilong God.” Wanpela elda i mas lukautim dispela hap. Lukim gen pepa yu kisim wantaim Wok Kingdom bilong Julai, “Bihainim Pasin Marimari Bilong God long Nau,” paragraf 16-22. Paslain long miting makim wanpela brata, olsem wanpela elda o wokman i save gut long kaunim tok na bai em inap kaunim ol paragraf. Kaunim pinis paragraf, orait kamapim askim bilong en.
Singsing 59 (nupela) 31 (olpela) na beten.