Ol Miting Bilong Wok Bilong Oktoba
Wik i Kirap long Septemba 30
Singsing 63 (olpela 32)
(10 min) Ol toksave bilong kongrigesen.
(20 min) “Helpim Ol Man Long Lusim Tudak na Kam Long Lait.” Paslain long miting makim wanpela brata i save gut long kaunim tok na bai em i ken kaunim ol paragraf. Kaunim pinis paragraf, orait kamapim askim bilong en. Taim yu kamapim tok bilong paragraf 6, tupela brata o sista i ken sindaun tasol long sia bilong ol na stori liklik long olsem wanem Wastaua i bin helpim ol yet o famili bilong ol.
(15 min) “Olsem Wanem Mi Bin Kam Insait Long Tok i Tru.” Sampela ekspiriens. Wanpela elda i ken singautim tupela o 3-pela pablisa i kam antap long pletfom na ol i ken stori long olsem wanem Tok bilong God na oganaisesen bilong em i bin helpim ol long kamap strong na dediket na kisim baptais. Stori long olsem wanem tok i tru i bin helpim gut ol.
Singsing 42 (olpela 108) na beten.
Wik i Kirap long Oktoba 7
Singsing 162 (olpela 89)
(10 min) Ol toksave bilong kongrigesen. Kamapim sampela tok long ol nupela magasin na bai ol pablisa i ken mekim wok long en taim ol i autim tok long rot o long maket long dispela Sarere o Sande.
(20 min) “Givim Bel Long Wok Autim Tok—Namba 1 Hap.” Wasman bilong wok autim tok i ken mekim dispela tok na kamapim sampela askim. Paslain long miting, makim sampela brata o sista bilong kaunim sampela skripsa i stret tru long dispela tok, na wasman i ken stori long olsem wanem kongrigesen i ken bihainim ol tok bilong en. Em i mas kirapim tingting bilong ol brata na sista na bai ol i amamas long harim dispela tok i gat 5-pela hap bilong en.
(15 min) Ripot Long Wok Bilong Kingdom. Wanpela brata i save mekim gut tok em i ken lukim Wastaua bilong Oktoba 1, 1990, pes 29, na mekim wanpela tok long “Spirit i Kirapim Ol Long Mekim Wok Long Meksiko.” Stori long ol tok bilong dispela ripot na skelim ol wok ol i mekim long Meksiko wantaim ol wok ol kongrigesen bilong yumi yet long Papua Niugini i mekim.
Singsing 173 (olpela 15) na beten.
Wik i Kirap long Oktoba 14
Singsing 32 (olpela 10)
(10 min) Ol toksave bilong kongrigesen. Ripot bilong ol akaun.
(20 min) “Autim Gutpela Tok—Long Gutpela Tingting.” Paslain long miting makim wanpela brata i save gut long kaunim tok na bai em i ken kaunim ol paragraf. Kaunim pinis paragraf, orait kamapim askim bilong en.
(15 min) Autim Tok Long Kain Kain Taim na Ples Em i Bikpela Samting. Wanpela brata i ken stori long olsem wanem i bikpela samting ol brata i autim tok long kain kain taim na ples. Em i ken toktok wantaim tupela o 3-pela pablisa i bin kisim tok i tru long dispela rot. Kirapim ol brata sista long autim tok long kain kain taim na ples.
Singsing 67 (olpela 38) na beten.
Wik i Kirap long Oktoba 21
Singsing 210 (olpela 80)
(10 min) Ol toksave bilong kongrigesen.
(20 min) “Buk-Stadi Bilong Kongrigesen—Namba 1 Hap.” Wanpela elda i save gut long mekim wok elda i ken toktok wantaim wanpela o tupela narapela elda o wokman bilong kongrigesen em ol i holim wok bilong lukautim ol Buk-Stadi. Kamapim gut tupela o 3-pela samting bilong helpim kongrigesen, olsem bekim tok long toktok bilong ol yet, na bihainim ol tok ol i stadi long en.
(15 min) Sampela Tok Bilong Helpim Kongrigesen. Ol elda yet i ken redim sampela tok bilong helpim kongrigesen. Wanpela elda i ken lukautim dispela tok. Em i ken kamapim sampela tok bilong Baibel long ol samting bilong helpim kongrigesen, em wasman sekit i bin kamapim taim em i kam lukim kongrigesen long laspela raun bilong em.
Singsing 152 (olpela 82) na beten.