Ol Miting Bilong Wok Bilong Mas
Wik i Kirap long Mas 2
Singsing 169
10 min: Ol toksave bilong kongrigesen.
20 min: “Wok Strong Oltaim Long Mekim Wok Bilong Jehova.” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en. Taim yu kamapim pinis ol tok bilong paragraf 7, orait nau wanpela famili, olsem papamama na tupela pikinini, i ken mekim liklik soim na mekim wok long kalenda bilong 1992. Papa i toktok wantaim meri pikinini long sedyul ol bai bihainim long mun Mas, olsem ol de ol bai makim bilong i go autim tok na ol samting em yet bai mekim na bai em inap autim tok wantaim olgeta wan wan long famili.
15 min: Askim. Wanpela elda i ken lukautim dispela hap.
Singsing 161 na beten.
Wik i Kirap long Mas 9
Singsing 197
10 min: Ol toksave bilong kongrigesen.
20 min: “Nambawan Man Tru i Winim Olgeta Narapela Man.” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en. Bihain long paragraf 4, mekim liklik soim long pasin bilong tilim nupela buk. Kirapim ol brata sista long kaunim dispela nupela buk na lainim ol tok bilong en.
15 min: Pasin Bilong Man Inap Senis. Wanpela brata i ken stori long ol tok i stap long pes 4-6 bilong Wastaua bilong Ogas 1, 1991. O brata i ken redim sampela tok bilong helpim kongrigesen.
Singsing 100 na beten.
Wik i Kirap long Mas 16
Singsing 168
10 min: Ol toksave bilong kongrigesen. Ripot bilong ol akaun. Tokaut long ol kontribusen em kongrigesen i bin salim i go long Sosaiti.
20 min: “Autim Gutpela Tok—Mekim Wok Long Buk Nambawan Man Tru i Winim Olgeta Narapela Man.” Brata i lukautim dispela hap i ken kamapim sampela askim. Mekim tupela soim. Long namba wan soim, kolim ol tok olsem i stap long paragraf 3. Mekim namba 2 soim long pasin bilong mekim wok long nupela buk bilong kirapim Baibel-stadi.
15 min: “Helpim Wok Bilong Kingdom i Go Bikpela.” Wanpela wik paslain long miting, makim wanpela brata long kaunim ol paragraf na bai em i ken givim bel long kaunim tok na ol brata inap pilim tru olsem wok bilong Kingdom i go bikpela long nau. Kaunim pinis paragraf, orait kamapim askim bilong en.
Singsing 53 na beten.
Wik i Kirap long Mas 23
Singsing 166
10 min: Ol toksave bilong kongrigesen. Stori long ripot bilong kongrigesen bilong mun Februeri. Mekim gutpela tok amamas long ol gutpela samting bilong ripot, na givim sampela tingting long kongrigesen bilong helpim wok i kamap gutpela moa. Olsem wanem? I gat sampela pablisa long kongrigesen i no save autim tok long olgeta mun? Wasman bilong Buk-Stadi i ken mekim wanem bilong helpim ol?
20 min: “Wok Painia—Wanpela Wok i Gat Planti Blesing.” Makim wanpela brata i save gut long kaunim tok bilong kaunim ol paragraf. Toktok wantaim tupela painia. Givim ol dispela askim long ol: Wanem samting i laik pasim ol long mekim wok painia na ol i winim pinis dispela hevi? Wanem samting i bin kirapim ol long mekim wok painia? Wanem samting i bin helpim ol long mekim gut wok painia? Kirapim olgeta brata sista long beten na skelim ol wok bilong ol, ol inap mekim wok painia o olsem wanem.
15 min: Wanem Pasin i As Bilong Lotu Kristen Tru? Wasman bilong Skul i mas lukautim dispela hap. Em i ken stori long ol tok i stap long pes 20-22 bilong Wastaua bilong Oktoba 1, 1991.
Singsing 152 na beten.