Ol Ripot Bilong Autim Tok Long Longwe Teritori
Lukim lista daunbilo na bai yu inap skelim ol wok yumi bin mekim long longwe teritori long yia 1991 wantaim yia 1990.
1990 1991
Ol ripot mipela i kisim 37 41
Tilim:
Ol Buk 459 348
Ol Buklet 772 1,001
Ol Magasin 1,828 2,049
Wok:
Ol Pablisa 497 677
Ol Aua 3,537 3,804
Ol Gobek 198 251
Mipela i amamas long kisim dispela ripot bilong Bogenvil olsem: “I no longtaim i go pinis na 56 brata na sista wantaim ol pikinini bilong ol i bin kam long Rabaul bilong ‘Ol Man i Laikim Pasin Bilong i Stap Fri’ Kibung Distrik. As tok bilong kibung i stret long ol, long wanem, spirit holi bilong Jehova i opim rot bilong ol na ol inap i kam.”
“Kongrigesen long Arawa long Sentral Bogenvil i gat 15 pablisa. I no gat rot bilong salim tok long ol, olsem na long yia i go pinis mipela i no inap makim longwe teritori bilong ol i go autim tok long en. Tasol ol brata long dispela hap ol i save mun Julai em taim bilong autim tok long longwe teritori. Ol i mekim wanem? Long 1990 ol i autim tok long longwe teritori long Wakunai. Na long 1991 ol i autim tok long longwe teritori long hap bilong Siwai.”
“Long dispela hap ol i bungim sampela man i laik harim tok na ol i go lukim ol long olgeta taim—ol i laik kamapim tupela grup long dispela hap i stap longwe long kongrigesen. Ol brata i tok, maski ol i gat hevi, ol i save autim tok long olgeta taim, na tu, ol i save lukautim dispela tupela hap teritori i stap long longwe hap.”
This article is repeated in km 6/93.