Ol Miting Bilong Wok Bilong Oktoba
Wik i Kirap long Septemba 28
Singsing 165
10 min: Ol toksave bilong kongrigesen.
20 min: “No Ken Lusim Wok Bilong Skulim Ol Manmeri.” Paslain long miting, makim wanpela brata i save gut long kaunim tok na em i ken redi long kaunim ol paragraf.
15 min: Bilong Wanem Mi Mas ‘Bihainim Tok Bilong Papamama’? Wanpela brata i ken mekim tok na kamapim sampela askim long ol tok i stap long pes 11, par. 1 i go inap pes 13, par. 2 long buk Sampela Askim Bilong Ol Yangpela—Ol Gutpela Bekim.
Singsing 157 na beten.
Wik i Kirap long Oktoba 5
Singsing 86
10 min: Ol toksave bilong kongrigesen.
20 min: “Autim Gutpela Tok—Spirit Bilong Jehova Bai Helpim Yu.” Paslain long miting, makim sampela brata sista i save gut long kaunim tok na ol i ken redi long kaunim ol paragraf. Kaunim pinis paragraf, orait kamapim askim bilong en.
15 min: ‘Bihainim Tok Bilong Papamama,’ Maski Pasin Bilong Papamama i No Gutpela. Wanpela brata i ken mekim tok na kamapim sampela askim long ol tok i stap long pes 13, par. 3 i go inap long pinis bilong pes 17 long buk Sampela Askim Bilong Ol Yangpela—Ol Gutpela Bekim. Stori long tupela askim i stap long pes 17, olsem: (1) Sapos papamama i gat sampela pasin i no gutpela, yu mas daun long tupela o nogat? Bilong wanem yu mas mekim olsem? (2) Sapos sampela taim yu bel nogut long papamama, yu ken mekim wanem na bai gutpela samting i kamap? Wanem sampela pasin longlong yu no ken mekim?
Singsing 130 na beten.
Wik i Kirap long Oktoba 12
Singsing 193
10 min: Ol toksave bilong kongrigesen. Ripot bilong ol akaun.
15 min: “Mekim Stadi Long Buk Nambawan Man Tru i Winim Olgeta Narapela Man.” Ol askim na bekim. Wok yet long kirapim ol brata sista long givim bel long lainim ol tok bilong dispela gutpela buk.
20 min: “Namba Wan Tok Yumi Mekim i Mas Stret Wantaim Buk Samting Yumi Laik Tilim.” Mekim sotpela tok na sampela soim. Makim wanpela yangpela pablisa long mekim soim olsem paragraf 2 i kolim. Taim pablisa i laik kamapim tok bilong Aisaia 65:21-23, em i ken kolim ol tok olsem i stap long paragraf 5. Narapela pablisa i ken mekim soim long pasin bilong tilim wanpela buklet na mekim wok long ol tok i stap long paragraf 3 na 4. Siaman i ken stori long olsem wanem ol tok ol i mekim i stret wantaim samting ol i tilim.
Singsing 191 na beten.
Wik i Kirap long Oktoba 19
Singsing 8
15 min: Ol toksave bilong kongrigesen. Ripot bilong kongrigesen bilong Septemba, em namba wan mun bilong nupela yia bilong wok bilong 1993. Mekim sampela tok amamas long ol gutpela wok ol pablisa i bin mekim. Stori long sampela wok ol i mas wok strong long mekim i kamap gutpela moa. Sapos yumi tingim gut Hap Tok Bilong Baibel Bilong Tingim Long Yia 1992 wantaim sampela tok bilong ol ves i stap klostu, orait dispela bai helpim yumi long kisim bikpela amamas tru taim yumi autim tok na bung wantaim ol brata sista. (Ro 12:9-16) Sapos i gat taim, stori long wanpela o tupela samting ol brata i ken mekim wok long en long taim ol i autim tok long Sarere Sande.
15 min: “Yu Save Tokim Ol Yu Laik Stadi Wantaim Ol Long Baibel?” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en. Makim sampela brata sista long stori long pasin ol i bin mekim bilong kirapim Baibel-stadi taim ol i autim tok long man long namba wan taim o long taim ol i mekim gobek.
15 min: Sampela Tok Bilong Helpim Kongrigesen. Wanpela brata i ken redim sampela tok bilong helpim kongrigesen, o em i ken singautim 3-pela o 4-pela pablisa long stori long wanem samting i kirapim ol long laikim tok i tru. Ating ol i ken stori long sampela hevi ol i winim pinis.
Singsing 184 na beten.
Wik i Kirap long Oktoba 26
Singsing 132
10 min: Ol toksave bilong kongrigesen.
15 min: Askim. Wanpela elda i ken lukautim dispela hap na mekim olsem wanpela tok.
20 min: “Rot Bilong Helpim Famili Long Pas Gut Wantaim.” Paslain long miting, makim wanpela brata i save gut long kaunim tok na em i ken kaunim ol paragraf. Kaunim pinis paragraf, orait kamapim askim bilong en.
Singsing 42 na beten.