Ol Toksave
◼ Pastaim mipela i tok ol dispela “Ol Man i Stap Olsem Lait” kibung distrik em inap tupela de, tasol mipela i senisim na nau ol inap 3-pela de, olsem: Popondetta: Janueri 22-24, 1993; Kerema: Janueri 15-17, 1993; Lake Murray: Janueri 29-31, 1993.
◼ Mipela laik kirapim ol elda long bihainim ol tok i stap long pepa ol i kisim wantaim Wok Kingdom bilong Julai 1991 (Wastaua tok Inglis bilong Epril 15, 1991, pes 21-23). Em i stori long ol man i bin raus o ol i bin rausim ol yet, em ol elda i ting ol inap helpim ol na bai ol i gat laik long kam bek. Long namba wan miting bilong ol elda long olgeta yia bilong wok, ol elda i mas tingim olgeta wan wan rauspela man em ol i save ol i stap insait long teritori bilong kongrigesen. Ol i mas makim tupela elda (o wanpela elda na wanpela wokman bilong kongrigesen) bilong i go lukim olgeta wan wan, em ol elda i ting ol inap helpim ol.
◼ Olgeta kongrigesen na grup i kisim pinis olgeta pepa bilong kongrigesen bilong wanpela yia. Mipela i salim wantaim dispela Wok Kingdom bilong Oktoba 1992. Mipela i tingim hamas pablisa bilong olgeta wan wan kongrigesen na grup i stap longwe long kongrigesen, na mipela i salim ol pepa inap long skel bilong kongrigesen na grup. Sapos namel long yia kongrigesen i sot long sampela pepa, orait kongrigesen i ken oda long sampela moa. Raitim dispela oda long pepa S-AB-14 (Literature Order). Plis, oda long inap tasol bilong mekim wok long en i go inap long pinis bilong yia bilong wok. Pe bilong prinim ol pepa na salim i kam long rot bilong sip, em kongrigesen i mas baim. Pe bilong ol pepa bai mipela i raitim long Statement (S-76) bilong kongrigesen bilong Ogas, na bai mipela i raitim tok olsem: “ANNUAL FORMS SUPPLY.”
◼ Long olgeta mun Septemba, mipela i salim olgeta pepa bilong ol painia salim na misineri inap long mekim wok long en long yia bilong wok. Sapos ol i lukautim gut, bai ol i no ken singaut long sampela moa namel long yia.
◼ Samting bilong tilim long Oktoba: Sabskripsen bilong Wastaua long K6.00 o sabskripsen bilong Kirap! long K3.00 o tupela wantaim long K9.00.
◼ Samting bilong tilim long Novemba: Buk Bel Isi na buk Nau Tasol, tupela wantaim long 50 toea.
◼ Samting bilong tilim long Disemba: Buk Nambawan Man Tru i Winim Olgeta Narapela Man, long K3.00.