Ol Miting Bilong Wok Bilong Novemba
Wik i Kirap long Novemba 2
Singsing 113
10 min: Ol toksave bilong kongrigesen. Toktok wantaim ol brata sista long sampela tok bilong ol nupela magasin ol i ken kamapim. Kirapim olgeta long autim tok long dispela Sarere Sande.
20 min: “Bilong Mekim Gut Ol Gobek.” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en. Taim yu kamapim pinis ol tok bilong paragraf 5 na 6, mekim tupela soim. (1) Mekim soim long pasin bilong mekim wok long wanpela liklik nius bilong kirapim Baibel-stadi. (2) Mekim soim long pasin bilong mekim wok long wanpela tok bilong buk Reasoning o bilong buklet Sampela Tok Bilong Baibel Bilong Toktok Wantaim Man Long En, bilong bekim wanpela askim bilong man yu go bek lukim em. Kamapim klia olsem, paslain long taim ol brata sista i mekim ol gobek, sapos ol i traim pasin bilong mekim gobek, orait, dispela samting bai helpim ol. Kirapim ol brata sista long go bek lukim olgeta man i harim tok.
15 min: Yu Tingim? Wanpela brata i ken toktok wantaim kongrigesen long ol tok bilong “Yu Tingim,” i stap long pes 30 long Wastaua bilong Epril 15, 1992. Kirapim olgeta brata sista long bihainim gutpela sedyul bilong kaunim ol magasin. Stori long sampela samting bilong helpim ol long mekim olsem.
Singsing 130 na beten.
Wik i Kirap long Novemba 9
Singsing 29
10 min: Ol toksave bilong kongrigesen.
20 min: “Tingting Strong Long Mekim Wok i Kamap Gutpela Moa.” Paslain long miting, makim wanpela brata i save gut long kaunim tok na em i ken redi long kaunim ol paragraf. Kaunim pinis paragraf, orait kamapim askim bilong en.
15 min: Sampela Askim Bilong Ol Yangpela. Wanpela brata i ken mekim tok na kamapim sampela askim long ol tok i stap long pes 60 na 61 bilong buk Sampela Askim Bilong Ol Yangpela—Ol Gutpela Bekim. Em i stori long “Sapos Yu Ranawe Yu Ting Dispela Bai Helpim Yu?”
Singsing 103 na beten.
Wik i Kirap long Novemba 16
Singsing 127
10 min: Ol toksave bilong kongrigesen.
15 min: “Stretim Rot Nau Bilong Kam Long ‘Ol Man i Stap Olsem Lait’ Kibung Distrik Bilong 1992-1993.” Ol askim na bekim. Sapos inap, orait wanpela elda i ken lukautim dispela hap.
20 min: “Ol Samting Bilong Helpim Ol Man i No Lain Gut Yet.” Paslain long miting, makim sampela brata sista i save gut long kaunim tok na ol i ken redi long kaunim ol paragraf. Kaunim pinis paragraf, orait kamapim askim bilong en.
Singsing 42 na beten.
Wik i Kirap long Novemba 23
Singsing 84
10 min: Ol toksave bilong kongrigesen.
20 min: “Lukautim Gut Pikinini na Bai Wok Nogut Bilong Blut i No Ken Painim Em.” Wanpela elda i ken mekim tok long ol tok bilong dispela hap.
15 min: Baptais. Wanpela brata i ken stori long ol tok i stap long pes 54-58 bilong buk Reasoning. Pastaim em i ken stori long ol tok bilong Definition. Mekim soim long pasin ol elda i mas mekim taim ol i laik helpim pablisa i surik long kisim baptais. Kamapim ol bikpela tok i stap long pes 54. Stori gut olsem em bikpela samting long man i mas dediket na kisim baptais long wara. Bilong pinisim tok, stori liklik long ol tok bilong baptais long spirit holi, na baptais long paia.
Sapos yu no inap mekim wok long buk Reasoning, orait mekim wok long buklet Sampela Tok Bilong Baibel Bilong Toktok Wantaim Man Long En, na stori long ol tok bilong hap “A” bilong “Baptais” long pes 4.
Singsing 10 na beten.