Ol Miting Bilong Wok Bilong Oktoba
Wik i Kirap long Oktoba 4
Singsing 225
10 min: Ol toksave bilong kongrigesen.
15 min: Yu Tingim Gut Haus Yu Save Lotu Long En? Wanpela elda i ken lukim dispela stori long Wastaua bilong Jun 15, 1993 na mekim tok. Helpim kongrigesen long save olsem wanem dispela tok inap helpim ol. Sapos i gat sampela samting kongrigesen i mas wok long stretim, orait long pasin isi kamapim sampela tok i stret long dispela.
20 min: Taim Yu Go Long Ol Haus na Autim Tok Long Mun Oktoba, Mekim Bikpela Wok Moa. Wasman bilong autim tok, o narapela brata em inap lukautim gut dispela hap, em i ken toktok wantaim ol brata sista long olsem wanem wok bilong autim tok long ol haus em i bikpela samting. Ol samting bilong tilim long mun Oktoba i opim rot na bai yumi inap stori long kain kain samting. Soim: (1) Pablisa yet i kirapim tok na dispela tok i stret wantaim wanpela stori long nupela Kirap! o Wastaua. Pablisa i ken tilim sabskripsen na sapos man i no kisim, em i ken tilim ol nupela magasin, na sapos man i no inap kisim magasin, pablisa i ken givim wanpela liklik nius long em. (2) Pablisa i autim tok long kain kain taim na ples na em i mekim wok long wanpela liklik nius bilong kirapim tok, na nau em i tilim ol nupela magasin long dispela man i harim tok. (3) Pablisa i mekim gobek long man i kisim ol nupela magasin long olgeta taim, na em i tingting long tilim sabskripsen long em. Em nau, taim yumi go long haus bilong ol man na autim tok yumi ken mekim kain kain samting na dispela inap kirapim yumi long mekim bikpela wok long mun Oktoba. Ating sampela long kongrigesen bai mekim wok painia haptaim long dispela mun. Sapos yu inap mekim wok painia haptaim tasol yu no putim yet aplikesen, ating i gat hap taim i stap yet bilong yu ken mekim olsem.
Singsing 42 na beten.
Wik i Kirap long Oktoba 11
Singsing 4
10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Tok tenkyu long kongrigesen long ol kontribusen ol i bin givim bilong helpim wok bilong Sosaiti long olgeta hap na bilong helpim kongrigesen bilong ol yet long baim paua samting. Stori liklik long ol bung bilong i go autim tok long dispela wik, na mekim sampela tok amamas long ol gutpela wok ol pablisa i bin mekim.
15 min: “Taim Yumi Autim Tok Long Ol Haus Mekim Wok Long Ol Magasin.” Taim yumi autim tok long ol haus na long kain kain taim na ples, i gat gutpela as na yumi mas givim bel long tilim ol magasin. Tru ol magasin bilong yumi i gat det long en na i gutpela sapos yumi tilim ol nupela long de ol i makim bilong tilim ol magasin long en, tasol sapos yumi gat sampela olpela magasin i stret long man yumi autim tok long en, orait yumi ken tilim ol dispela tu. Bikpela samting em olsem: Ol magasin yumi tilim i mas klin; no ken tilim ol magasin i bruk o doti. Strongpela pablisa i ken mekim soim long pasin bilong autim tok olsem i stap long paragraf 3. Kamapim ol askim bilong ol narapela paragraf na ol brata sista i ken bekim.
20 min: “Save God i Skulim Yumi Long En i Gat Strong.” Ol askim na bekim. Kaunim ol paragraf na ol skripsa i gat taim bilong kaunim.
Singsing 60 na beten.
Wik i Kirap long Oktoba 18
Singsing 65
10 min: Ol toksave bilong kongrigesen.
20 min: “Ol Samting Yu Ken Mekim na Bai ‘God i Skulim Yumi’ Kibung Distrik Bilong 1993-1994 i Helpim Yu Tru.” (Namba Wan Hap) Ol askim na bekim. Wanpela brata i save gut long kamapim tok em i ken lukautim dispela hap.
15 min: “Helpim Ol Man i Harim Tok.” Wanpela tok, na kamapim ol askim. Mekim soim long pasin sampela pablisa i bin mekim long teritori bilong ol bilong kirapim man long harim tok, o pablisa i ken kamapim wanpela ekspiriens, i no longtaim pinis i bin kamap, na i kamapim klia olsem pasin bilong mekim gobek long ol man i kisim Kirap! o Wastaua inap karim gutpela kaikai.
Singsing 60 na beten.
Wik i Kirap long Oktoba 25
Singsing 75
10 min: Ol toksave bilong kongrigesen. Toksave long ol bung bilong i go autim tok long dispela wik, na stori long sampela tok bilong ol nupela magasin ol brata sista i ken kamapim taim ol i autim tok. Sapos i gat taim, mekim wanpela o tupela liklik soim long pasin bilong tilim ol magasin em i stret long teritori bilong yu. Kirapim tingting bilong ol brata sista long ol i mas i go bek lukim olgeta man i bin kamapim bel bilong ol olsem ol i laik harim tok.
15 min: “Redi Long Mekim Gut Bel Bilong Man i Krai Long Man i Dai Pinis.” Strongpela brata i gat bikpela krismas i mas mekim dispela tok, na gutpela sapos em i wanpela elda. Ol tok daunbilo i kam long wanpela pas bilong Sosaiti (Oktoba 27, 1986), “Sampela Tok Long Ol Pasin Bilong Planim Man i Dai Pinis.” Brata i lukautim dispela hap i mas kamapim gut olsem ol Witnes Bilong Jehova ol i no sakim olgeta pasin bilong tingim man i dai pinis. Mekim soim long pasin Witnes i ken mekim bilong tokim wanwok bilong em long as na ol Witnes Bilong Jehova i save abrusim sampela pasin bilong ol tumbuna bilong tingim man i dai pinis.
20 min: “Mekim Baibel-Stadi.” Ol askim na bekim. Redim gut na mekim soim long pasin pablisa i ken mekim bilong helpim Baibel-stadi long save olsem wanem tok bilong ol skripsa i stret wantaim ol tok bilong paragraf. Na long dispela soim, pablisa i ken kamapim sampela askim moa bilong helpim sumatin long pilim gut tok i tru. Mekim wok long sampela paragraf bilong buk Wanbel o buk Stap Oltaim.
Singsing 78 na beten.