Ol Toksave

◼ Stori long olsem wanem ol brata sista i ken tilim ol nupela magasin long teritori bilong ol. Stori gut olsem bikpela samting em ol brata sista i mas i go bek lukim ol man i bin kisim magasin na bai ol inap kirapim ol long kisim ol nupela magasin long olgeta taim. Sapos man bilong haus i kisim ol nupela magasin long olgeta taim, yu ken tokim em long kisim sabskripsen.

◼ Sapos kongrigesen i bin salim sampela kontribusen i go long Sosaiti bilong helpim wok bilong Kingdom, o bilong wokim ol Haus Kingdom, o bilong helpim narapela wok olsem kongrigesen i makim, orait long Statement Sosaiti i salim long kongrigesen long olgeta mun, bai Sosaiti i tok tenkyu long dispela. Wasman bilong kongrigesen i mas tokim brata i kamapim ripot bilong ol akaun long em i mas kamapim dispela tok tenkyu long kongrigesen long taim em i kamapim dispela ripot. Sosaiti i laik bai ol brata sista i ken save, Sosaiti i kisim pinis kontribusen bilong ol na i tenkyu tru long dispela.

◼ Wok Kingdom bilong Jun i toksave olsem buklet Sampela Tok Bilong Baibel Bilong Toktok Wantaim Ol Man Long En, long tok Motu, bai yu no inap kisim moa. Tasol mipela i pasim tok pinis long ol i mas prinim gen dispela buklet​—⁠bai ol i no prinim planti​—⁠na bai ol brata sista inap mekim wok long en long Skul bilong 1994 na long taim bilong autim tok. Ol kongrigesen Motu i ken putim oda bilong en.

◼ Pe bilong sampela kain sabskripsen bilong wanpela yia em i senis olsem: Sabskripsen ol i salim i kam long Ostrelia long rot bilong balus (bilong Wastaua long tok Inglis, tok Motu, tok Pisin, na bilong Kirap! long tok Inglis tasol): Ol pablisa: K17.50; ol painia: K15.00. Long pepa bilong kain sabskripsen olsem, yu mas raitim klia tok “AIRMAIL” na givim long brata i lukautim ol sabskripsen long kongrigesen.

◼ Nupela Buk Yu Inap Kisim:

Buk Baibel​—⁠ol i kolim deluxe; skin bilong en i blakpela na ol i wokim long skin bilong bulmakau, na i gat sipa i pasim tupela arere bilong skin. Arere bilong ol lip ol i bilasim long gol. Pe bilong en: Ol pablisa: K19.00; ol painia: K17.00. Brata bilong lukautim ol buk samting i mas raitim dispela nupela samting long liklik buk bilong em, em buk Pe Bilong Ol Samting. Putim ol oda long rot bilong kongrigesen na kongrigesen i ken raitim oda long pepa S-AB-14 (Literature Order). Dispela buk i gat lo bilong baim kwik, olsem na man i tok em i laik kisim na i putim mani wantaim, kongrigesen i ken putim oda bilong dispela kain man tasol​—⁠kongrigesen i no ken oda nating na bungim i stap long kongrigesen.

◼ Ol Buk Yu No Inap Kisim Moa Long Papua Niugini:

Tok Inglis: Choosing the Best Way of Life; Life Does Have a Purpose; Is the Bible Really the Word of God?; “Your Will Be Done on Earth”; Is This Life All There Is?; God’s Kingdom of a Thousand Years Has Approached. (Ol dispela samting yumi no inap kisim moa, brata bilong lukautim ol buk samting i mas raitim long liklik buk bilong em, em buk Pe Bilong Ol Samting.)

◼ Samting bilong tilim long Oktoba: Sabskripsen bilong Wastaua long tok Pisin o tok Motu, long K6.00, o sabskripsen bilong Kirap! long K3.00. Na yu ken tilim ol wan wan Wastaua na Kirap! tu.

◼ Samting bilong tilim long Novemba: Baibel New World Translation wantaim buk Famili, long K5.00.

◼ Samting bilong tilim long Disemba: Buk Nambawan Man Tru, long K3.00.