Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • km 10/94 p. 3-4
  • Helpim Ol Baibel-Stadi Long Redim Stadi Bilong Ol

No gat vidio bilong dispela seksen.

Sori, popaia kamap long lodim vidio.

  • Helpim Ol Baibel-Stadi Long Redim Stadi Bilong Ol
  • 1994 Wok Kingdom Bilong Yumi
  • Wankain Infomesen
  • Helpim Baibel Sumatin Long Winim Mak na Kisim Baptais—Hap 1
    Wastaua i Tokaut Long Kingdom Bilong Jehova (Stadi Edisen)— (2020)
  • Kamapim Ol Disaipel Long Rot Bilong Buk Save
    1996 Wok Kingdom Bilong Yumi
  • Mekim Ol Baibel Stadi i Save Helpim Ol Man
    2005 Wok Kingdom Bilong Yumi
  • Helpim Ol Baibel Sumatin Long Winim Mak na Kisim Baptais
    Wastaua i Tokaut Long Kingdom Bilong Jehova (Stadi)—2021
Lukim Moa
1994 Wok Kingdom Bilong Yumi
km 10/94 p. 3-4

Helpim Ol Baibel-Stadi Long Redim Stadi Bilong Ol

1 Sapos ol Baibel-stadi i redim stadi bilong ol long olgeta wik, dispela i makim olsem ol i laikim tru stadi na ating bai ol i kamap strong hariap long ol samting bilong spirit, winim ol man i no redim stadi. Sampela taim man i no redim stadi, long wanem, em i no save long pasin bilong mekim olsem. Ating yumi mas lainim em. Yumi ken mekim olsem wanem?

2 Kirap long namba wan stadi, lusim liklik hap taim bilong helpim sumatin long save, bilong redim gut stadi, em yet i mas stadi. Planti man, ol i save long rit, tasol narapela i no bin skulim ol long pasin bilong stadi.

3 Soim Sumatin, Olsem Wanem Pasin Bilong Stadi Inap Helpim Em: Soim buk bilong yu yet long sumatin na sampela hap tok yu bin katim. Helpim em long save, taim em i lukim ol hap olsem yu katim pinis, dispela inap kirapim em long tingim sampela tok em inap bekim long toktok bilong em yet. Sapos em i mekim olsem, orait taim em i bekim tok, bai em i no kaunim tasol planti tok bilong paragaf, nogat. Na sapos pastaim yu skulim em gut, dispela bai helpim em long bekim gut tok long ol miting bilong kongrigesen long bihain. Ol tok em i bekim bai kamapim klia olsem, em i pilim tru ol tok na kisim gut o nogat.

4 Lainim Em Long Mekim Wok Long Baibel: Sumatin i mas lain long pasin bilong painim ol skripsa long Baibel em paragraf i kolim. Taim em inap mekim gut olsem, bai em i pilim moa yet olsem em i wanpela sumatin tru bilong Baibel. Ating pastaim em i mas lukim lista bilong ol 66 buk bilong Baibel, tasol kirapim sumatin long save wanem buk i kamap pastaim na wanem buk i kamap bihain olsem ol i raitim long Baibel. Taim em i opim Baibel na kaunim skripsa, helpim em long save wanem hap bilong dispela skripsa i stret long ol tok bilong paragraf em yutupela i stori long en​—⁠nogut ol narapela hap bilong skripsa, em i no stret long ol tok bilong stadi, i pulim tingting bilong em.

5 Taim sumatin i wok long kamap strong, kirapim em long kaunim olgeta hap bilong Baibel, kirap long namba wan buk i go inap long laspela buk. Stori gut olsem, God i bin kamapim olgeta tok bilong Baibel, na ol Kristen tru i mas kaunim bambai ol inap kisim strong long ol samting bilong spirit.​—⁠Mt 4:4; 2 Ti 3:​16, 17.

6 Soim Em Ol Narapela Buk i Gat Tok Bilong God Long En: Taim sumatin i kamap strong liklik, em i ken mekim wok long ol narapela buk i gat tok bilong God long en. Tingting gut, na kirapim em long lukim ol buk bilong Sosaiti na bai em inap kisim sampela save moa, em ol buk em bai mekim wok long en taim em i kam long ol miting bilong kongrigesen. Sapos em i save long tok Inglis, yu ken lainim em long pasin bilong mekim wok long ol hap bilong Baibel New World Translation, olsem hap bilong “Bible Words Indexed.” Taim em i wok long kisim ol buk bilong Sosaiti, olsem laibreri bilong em yet, soim em olsem wanem em i ken mekim wok long ol buk: Comprehensive Concordance, Reasoning From the Scriptures, Index, na tupela buk Insight.

7 Sapos yumi lainim ol Baibel-stadi long pasin bilong redim gut stadi bilong ol, orait, maski ol i pinisim Baibel-stadi bilong ol, bai ol i wok yet long stadi gut na kisim save long tok i tru.

This article is repeated in km 4/96.

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim