Ol Miting Bilong Wok Bilong Novemba
Wik i Kirap long Novemba 1
Singsing 5
10 min: Ol toksave bilong kongrigesen.
20 min: “Givim Bel Yet Long Wok Autim Tok.” Wanpela elda i ken mekim tok na kamapim ol askim. Em i ken toktok wantaim wanpela o tupela brata sista inap sampela yia ol i bin givim bel long mekim wok bilong Kingdom. Wanem samting i bin strongim ol long mekim olsem?
15 min: “Sapos Samting i Kamap Bilong Traim Bilip Bilong Yu Long Haus Sik, Yu Redi Long Sanap Strong?” (Namba 1 Hap) Wanpela elda i ken lukautim dispela hap. Kamapim askim bilong ol wan wan paragraf na ol brata sista i ken bekim. Stori gut long olsem wanem ol dispela tok inap tru long helpim ol.
Singsing 52 na beten.
Wik i Kirap long Novemba 8
Singsing 7
10 min: Ol toksave bilong kongrigesen. Mekim soim long pasin bilong tilim ol nupela magasin, na stori long wanpela tok ol brata sista i ken kamapim taim ol i autim tok long dispela Sarere Sande.
20 min: “Baibel Em i Wanpela Gutpela Samting Tru Long Dispela Taim Nau.” Ol askim na bekim. Wanpela brata i mekim gut wok autim tok na ol gobek em i ken lukautim dispela hap. Long paragraf 3 na 4, mekim tupela soim long pasin bilong kirapim tok olsem i stap long ol dispela paragraf.
15 min: “Sapos Samting i Kamap Bilong Traim Bilip Bilong Yu Long Haus Sik, Yu Redi Long Sanap Strong?” (Namba 2 Hap) Ol askim na bekim. Sapos i gat taim, kaunim ol paragraf.
Singsing 80 na beten.
Wik i Kirap long Novemba 15
Singsing 73
10 min: Ol toksave bilong kongrigesen. Ripot bilong ol akaun. Tok tenkyu long kongrigesen long ol kontribusen ol i bin givim bilong helpim kongrigesen bilong ol yet na bilong helpim wok bilong Sosaiti long wokim ol Haus Kingdom. Toksave long ol bung bilong i go autim tok long dispela wik.
20 min: “Ol Yangpela—Mekim Jehova i Belgut Tru.” (Namba 1 Hap) Tupela elda i ken toktok long ol dispela tok. Stori gut olsem sapos ol yangpela i stap gutpela piksa ol narapela i ken bihainim, ol gutpela samting inap kamap. Sapos i gat taim, stori long ol skripsa.
15 min: “Sapos Samting i Kamap Bilong Traim Bilip Bilong Yu Long Haus Sik, Yu Redi Long Sanap Strong?” (Namba 3 Hap) Wanpela elda i ken lukautim dispela hap. Kamapim ol askim na ol brata sista i ken bekim.
Singsing 90 na beten.
Wik i Kirap long Novemba 22
Singsing 74
10 min: Ol toksave bilong kongrigesen. Kirapim ol brata sista long mekim wok long ol nupela magasin taim ol i autim tok long dispela Sarere Sande. Tokim ol long kisim buk Nambawan Man Tru i kam long Miting Bilong Wok Autim Tok long wik antap.
20 min: “Ol Yangpela—Mekim Jehova i Belgut Tru.” (Namba 2 Hap) Wanpela elda i ken toktok wantaim ol brata sista long ol dispela tok. Singautim wanpela o tupela yangpela pablisa na ol i ken stori long olsem wanem samting papamama i bin mekim bilong helpim ol, na ol yet i save stadi, dispela i bin helpim ol long kamap strong long ol samting bilong spirit.
15 min: “Sapos Samting i Kamap Bilong Traim Bilip Bilong Yu Long Haus Sik, Yu Redi Long Sanap Strong?” (Namba 4 Hap) Ol askim na bekim.
Singsing 108 na beten.
Wik i Kirap long Novemba 29
Singsing 83
10 min: Ol toksave bilong kongrigesen. Toksave long ol bung bilong i go autim tok long dispela wik. Olgeta brata sista inap mekim wok painia haptaim, kirapim ol long mekim long mun Disemba o Janueri.
15 min: “Ol Yangpela—Mekim Jehova i Belgut Tru.” (Namba 3 Hap) Ol askim na bekim. Stori long ol samting ol elda na ol wokman bilong kongrigesen na ol painia inap mekim bilong strongim ol yangpela long kongrigesen.
20 min: Mekim Wok Long Buk Nambawan Man Tru Bilong Helpim Ol Man i Kain Olsem Sipsip. Tokim ol pablisa long lukim buk Nambawan Man Tru ol i holim bilong ol yet. Brata i lukautim dispela hap i ken kamapim sampela tok bilong buk em inap helpim man. Long mun Disemba bai yumi tilim dispela buk. Kamapim ol dispela askim long ol brata sista:
1. Wanem stori bilong wok bilong Jisas o bilong ol samting em i bin mekim long ol narapela i bin kirapim tru tingting bilong yu?
2. Bilong wanem dispela stori i bin kirapim tingting bilong yu?
3. Dispela buk i bin helpim yu olsem wanem?
4. Yu stadi long dispela buk na yu bin lainim wanem samting bilong Jehova?
5. Yu bin tilim dispela buk long husat?
6. Taim yu tilim dispela buk yu bin kamapim wanem ol tok bilong en?
Kamapim pinis ol askim, orait wanpela pablisa i save gut long autim tok i ken mekim soim long pasin bilong tilim buk. Bilong pinisim dispela hap, kirapim ol brata sista long autim tok long dispela Sande.
Singsing 94 na beten.