Ol Toksave

◼ Klostu nau kibung distrik bai kamap. Olsem wanem? Yu stretim rot pinis long i go long kibung? Gutpela sapos yu sindaun wantaim famili na toktok long olsem wanem yupela i ken i go long kibung. Na toktok long olsem wanem ol gutpela tok na pilai i kamap long kibung bai helpim yu wantaim famili bilong yu.

◼ Ating kongrigesen i putim pinis oda bilong kisim liklik kat bilong “God i Skulim Yumi” Kibung Distrik; em kat bilong raitim nem long en na pasim long klos. Kongrigesen i mas putim dispela oda long pepa “Annual Items” (S-AB-14). Kongrigesen i mas oda inap stret long ol pablisa wantaim ol pikinini bilong ol. Ol pablisa I NO INAP baim ol dispela kat taim ol i kamap long kibung. (Pe bilong baim ol wan wan kat, em 2 toea; plastik bilong putim kat long en, em 10 toea.)

◼ Mipela i laik kirapim kuskus bilong kongrigesen long tingim wok em i mas mekim olsem kodineta bilong kibung long kongrigesen bilong em. Olsem na kuskus bilong kongrigesen i mas lukautim na stretim wok bilong putim ol oda bilong kibung distrik, na raitim ol pas samting, na stretim rot bilong ol brata sista long i go long kibung na long kisim ples slip.

◼ Sapos inap, mipela i laik bai ol pablisa i kisim sabskripsen bilong ol yet long atres bilong kongrigesen. Long dispela rot bai mipela i no ken tromoi bikpela mani tumas long baim ol stem long posofis​—⁠bai mipela i salim ol sabskripsen wantaim insait long wanpela karamap na mipela i no ken salim ol wan wan.

◼ Samting bilong tilim long Novemba: Baibel New World Translation wantaim buk Famili, long K5.00.

◼ Samting bilong tilim long Disemba: Buk Nambawan Man Tru, long K3.00.

◼ Samting bilong tilim long Janueri: Buk Nau Tasol o buk Bel Isi, long 25 toea.

◼ Olsem wanem? Long mun Disemba bai yu inap mekim bikpela wok moa? Sampela yangpela pablisa i baptais pinis, ol bai kisim sampela de malolo moa long skul na ol i laik mekim wok painia haptaim long dispela mun. Sapos sampela elda na wokman bilong kongrigesen na ol narapela pablisa tu i wok wantaim ol long autim tok, bai dispela i strongim ol! Olsem wanem? Sapos yu yet yu no inap mekim wok painia long dispela mun, bai yu inap lusim sampela aua moa long autim tok wantaim ol dispela brata sista i mekim wok painia? Dispela bai strongim ol na strongim yu yet.