Ol Miting Bilong Wok Bilong Janueri
Wik i Kirap long Janueri 3
Singsing 25
10 min: Ol toksave bilong kongrigesen. Kamapim ol samting bilong tilim long Janueri.
20 min: “Autim Gutpela Tok—Long Rot Bilong Ol Olpela Buk.” Ol askim na bekim. Taim yu stori long paragraf 6 mekim sotpela soim long samting bilong tilim long dispela mun.
15 min: “Nupela Program Bilong Kibung Sekit na Bikpela De Kibung.” Wanpela elda i ken mekim dispela tok.
Singsing 24 na beten.
Wik i Kirap long Janueri 10
Singsing 54
10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Toksave long ol bung bilong i go autim tok long dispela wik.
20 min: “Lain Long Autim Gut Tok.” Ol askim na bekim. Taim yu kamapim ol tok long paragraf 5 na 6, mekim soim long sampela tok i stap long Wastaua tok Inglis bilong Julai 15, 1988, na long buk Reasoning.
15 min: Mi Ken Mekim Wanem na Bai Ol Wanlain i No Ken Pulim Mi? Wanpela elda em inap lukautim gut dispela hap i ken toktok wantaim tupela yangpela i save mekim gutpela pasin. Em i ken toktok wantaim ol long sampela hap bilong sapta 9 long buk Askim Bilong Ol Yangpela. Toktok liklik olsem ol yangpela i gat strongpela laik long bihainim pasin bilong ol wanlain bilong ol bambai ol wanlain i ken laikim ol. Sampela man i bikpela pinis tu i gat dispela hevi. Olsem wanem? Em i hatwok long ol yangpela long sanap strong? Na olsem wanem ol i bin sakim ol dispela traim? Mekim wok long ol askim i stap long hap bilong “Toktok Wantaim Long Ol Dispela Askim” long pes 80. Long rot bilong ol dispela askim kirapim ol yangpela long kamapim tingting bilong ol na soim ol olsem wanem ol i ken kisim strong na bai ol wanlain i no ken pulim ol. Tokaut olsem yumi amamas long gutpela pasin ol yangpela long kongrigesen i mekim. Jehova i amamas long gutpela pasin ol i mekim na dispela i litimapim nem bilong em.—Snd 27:11.
Singsing 63 na beten.
Wik i Kirap long Janueri 17
Singsing 4
10 min: Ol toksave bilong kongrigesen. Toksave long ol bung bilong i go autim tok long dispela wik. Tok tenkyu long kongrigesen long kontribusen ol i bin givim.
15 min: “Wanem Samting i Makim Man i Kristen Tru.” Wanpela elda i ken mekim dispela tok o em i ken toktok long samting bilong helpim kongrigesen. Ol i kisim dispela tok long buk Insight, Volyum 1, pes 440-441. Kamapim gut olsem em i bikpela samting long bihainim pasin bilong Jisas olsem pasin sori na daunim laik bilong yu yet.
20 min: “Mekim Gutpela Wok Long Ol Liklik Nius.” Ol askim na bekim. Taim yu kamapim ol tok long paragraf 5 na 6 mekim tupela soim long olsem wanem yumi ken mekim wok long ol liklik nius bilong kirapim tok long man, olsem tupela nius Husat Tru i Bosim Dispela Graun? na I Gat Wanem As na Yu Inap Bilip Tru Long Baibel? No ken kamapim olgeta tok long Stori Bilong Dispela Mun—soim tasol olsem wanem yu ken skruim kirap bilong tok i go long bikpela tok bilong Stori Bilong Dispela Mun. Kamapim olsem em i bikpela samting long mekim wok long ol liklik nius long olgeta taim.
Singsing 188 na beten.
Wik i Kirap long Janueri 24
Singsing 171
10 min: Ol toksave bilong kongrigesen. Toksave long ol bung bilong i go autim tok long dispela Sarere Sande. Kirapim ol brata sista long kisim ol magasin i go long ol man long olgeta taim. Sarere em bikpela de bilong tilim ol magasin long dispela rot.
20 min: Mekim Gut Ol Gobek. Wasman bilong wok autim tok i ken redim dispela hap. Long nau planti man i laik harim tok bilong Kingdom taim yumi autim tok, olsem na yumi mas redi gut long mekim ol gobek na kirapim tingting bilong ol man i gat laik long harim. Yumi bin lusim planti magasin long ol man na yumi mas go bek lukim ol dispela man i bin kisim magasin. Kirapim ol brata long tingting strong long mekim gobek, na putim mak bilong kirapim wanpela Baibel-stadi. Sampela tok i stap long ol magasin i gutpela tru bilong mekim gut ol gobek. Mekim soim long pasin bilong mekim gobek: Wanpela pablisa i ken kamapim wanpela tok i stap long magasin na kaunim wanpela o tupela skripsa. No ken askim man bilong haus em i kaunim pinis magasin o nogat, o em i laikim magasin o nogat. Mekim liklik tok tasol, no ken mekim planti tok, na tingting olsem man i laik harim. No ken lusim tingting long mak yu bin putim bilong kirapim o redim rot bilong kirapim Baibel-stadi.
15 min: “Helpim Ol Man Long Tingim Baibel i Gutpela Samting Tru.” Ol askim na bekim. Redim gut soim na mekim soim i stap long paragraf 3. Pablisa i no ken kaunim olgeta tok long 2 Timoti 3:1-5, em i mas kamapim sampela tok tasol i stret long hap em i autim tok long en. Taim yu stori long paragraf 4 mekim soim olsem wanpela pablisa i tilim buk Stap Oltaim long wanpela papa o mama.
Singsing 108 na beten.
Wik i Kirap long Janueri 31
Singsing 37
10 min: Ol toksave bilong kongrigesen. Stori long ol bung bilong i go autim tok long dispela wik. Mekim soim long samting bilong tilim long mun Februeri.
20 min: Strongim Pikinini Bilong Yu i Stap Long Skul. Wanpela tok i gat soim, na toktok wantaim tripela yangpela. Planti traim na hevi i save painim ol yangpela Kristen long nau, na planti long kongrigesen i no inap pilim, long wanem, ol dispela hevi i no bin painim ol. Em i bikpela samting tru ol papamama i mas save gut long ol dispela hevi i traim bilip bilong pikinini, na long dispela rot bai ol inap long helpim gut ol pikinini bilong ol long stap strong na karim ol dispela hevi. Toktok wantaim tripela yangpela i gat narapela narapela krismas. I gat wanem ol traim ol i mas sakim long skul long olgeta de? Wanem samting i helpim ol long stap gut wantaim Jehova? Redim soim olsem: Wanpela famili i toktok wantaim long paragraf 2 na 3 bilong pes 11 long buklet Skul. Ol pikinini i tokaut olsem ol wanskul i save tok bilas long ol na ol i save abrusim ol, long wanem, ol i bihainim ol gutpela lo bilong Baibel. Papa bilong famili i laik strongim bel bilong ol pikinini na em i tok em i amamas long ol, long wanem, ol i stap olsem gutpela piksa. Na em i tokim ol, Jehova tu i amamas long ol, long wanem, ol i mekim gutpela pasin. (Snd 27:11) Bilong pinisim tok, brata i lukautim dispela hap i tok amamas long ol yangpela long kongrigesen long gutpela wok ol i save mekim, na em i kirapim ol long toktok gut wantaim papamama bilong ol bambai ol inap sanap strong long dispela yia ol i stap long skul.
15 min: Sampela Tok Bilong Helpim Kongrigesen. Wasman siaman i mekim wanpela tok bilong helpim kongrigesen. O em i ken rivyu long sampela gutpela tok yumi bin lainim long Kibung Distrik, na olsem wanem kongrigesen i ken bihainim ol dispela tok.
Singsing 17 na beten.