Ol Toksave

◼ Samting bilong tilim long Februeri: Buk Yu Inap i Stap Oltaim Long Paradais Long Graun, long K3.00. Gutpela sapos yu go bek lukim ol man i kisim dispela buk na wok long kirapim Baibel-stadi. Mas: Buk Kamapim Tok Hait​—⁠Bikpela Samting Bilong En i Laik Kamap!, long K3.00. Epril na Me: Sabskripsen bilong Wastaua long K6.00, na sabskripsen bilong Kirap! long K3.00. HARIM: Sapos kongrigesen i no putim yet oda bilong ol dispela buk bilong tilim, orait putim oda long pepa Literature Order (S-AB-14).

◼ Kuskus na wasman bilong wok autim tok i mas skelim wok bilong ol painia oltaim. Sapos sampela i hatwok long winim mak bilong aua, orait, ol elda i ken stretim rot bilong helpim ol. Tingim tu ol tok i stap long pas (S-201) bilong Oktoba 1, 1993, na Oktoba 1, 1992.

◼ Memorial bai kamap long Fraide, Epril 14, 1995. Tok bilong Memorial i ken kirap paslain long taim san i go daun, tasol no ken tilim bret na wain paslain long dispela taim​—⁠mas tilim taim san i go daun pinis. Kisim save long wanem taim san i go daun pinis long hap bilong yu. No ken mekim narapela miting long dispela de​—⁠ken mekim bung bilong autim tok tasol. Sapos kongrigesen i save miting long Fraide, gutpela sapos yu mekim dispela miting long narapela de bilong wik, sapos yu inap.

◼ Long Epril 23, 1995, taim miting bilong kongrigesen i pinis o program bilong kibung sekit o bikpela de kibung i pinis, bai yumi harim wanpela toksave bilong wanpela bikpela wok yumi ken insait long en bilong tilim wanpela liklik nius i gat 4-pela pes na i kamapim ol tok i stret long taim bilong yumi. Dispela toksave bai kirapim ol pablisa long tingim ol man i gat gutpela bel, em ol i tingting planti long ol hevi i painim ol na ol i laik save long gutpela rot bilong helpim ol. Gutpela sapos olgeta pablisa, na ol nupela pablisa i kirap long autim tok long mun Mas, Epril, na Me, ol i ken insait tru long dispela bikpela wok.

◼ Ol pablisa i laik mekim wok painia haptaim long mun Mas, Epril, na Me, gutpela sapos nau ol i stretim rot na putim kwik aplikesen. Dispela bai helpim ol elda long stretim ol samting na bai kongrigesen i gat planti buk samting bilong tilim.

◼ Nupela Buk Yu Inap Kisim:

Tok Hiri Motu: Buka Helaga. Dispela i gat lo bilong baim kwik; ol pablisa, ol narapela man, ol painia: K8.50.