Ol Toksave

◼ Samting bilong tilim long Disemba: Buk Yu Inap i Stap Oltaim Long Paradais Long Graun, long K2.00. Long tok Inglis, tilim dispela buk long K4.00. Wok strong long kirapim Baibel-stadi. Janueri: Buk Yumi Bilong i Stap Nau Tasol? long 25 toea. Februeri: Buk Kamapim Tok Hait​—⁠Bikpela Samting Bilong En i Laik Kamap! long K4.00. Mas: Bai mipela mekim toksave bihain. HARIM: Sapos kongrigesen i no putim yet oda bilong ol dispela buk bilong tilim, orait putim oda long pepa Literature Order (S-AB-14).

◼ Mipela i salim pinis ol pepa bilong mekim wok long en long 1996 bilong olgeta kongrigesen wan wan, na yupela i mas givim long kuskus bilong kongrigesen. Lukautim gut ol dispela pepa. Mekim wok long ol long wok stret bilong en. Mipela bai salim tu ol kat Medical Directive Release na Identity Card i go long yupela. Ol dispela kat yupela i no ken givim i go long ol brata inap long laspela Miting Bilong Wok long Janueri.

◼ Wasman siaman o brata em siaman i bin makim, i mas skelim ol akaun bilong kongrigesen long Disemba 1 o mekim kwiktaim bihain long en. Taim em i mekim pinis, orait toksave long kongrigesen.

◼ Memorial bilong 1997 bai kamap long Sande, Mas 23, taim san i go daun pinis. Mipela toksave paslain tru long det bilong Memorial bilong 1997 bambai ol brata i ken stretim rot o mekim kontrak bilong kisim wanpela haus bung, sapos sampela kongrigesen i mekim wok long wanpela Haus Kingdom na ol i mas painim narapela ples bung.

◼ Olgeta pablisa i baptais pinis na ol i gat 19 i go inap 35 krismas na ol i gat laik long wok long Betel, ol i ken stretim rot long i go long miting bilong wok long Betel long Sarere apinun long dispela kibung distrik nau i laik kamap. Sapos bipo yu bin putim pinis aplikesen na yu gat laik yet long wok long Betel, orait yu no ken lusim tingting long putim nupela aplikesen long olgeta yia wan wan. Olsem bai mipela i save yu gat laik yet long wok long Betel na bai i gat pepa bilong dispela long fail bilong mipela.