Ol Miting Bilong Wok Bilong Februeri
Wik i Kirap Long Februeri 5
Singsing 96
10 min: Ol toksave bilong kongrigesen. Sampela Toksave bilong Wok Kingdom. Tiokratik Nius.
15 min: “Autim Tok i Tru Long Olgeta De Olsem Jisas i Bin Mekim.” Ol askim na bekim. Kaunim paragraf 5.
20 min: “Kamapim Tok Hait—I Soim Rot Bilong Stap Amamas Tru.” Stori long ol pasin bilong mekim tok, na mekim wanpela o tupela soim.
Singsing 14 na beten.
Wik i Kirap Long Februeri 12
Singsing 191
8 min: Ol toksave bilong kongrigesen. Ripot bilong ol akaun.
12 min: Redi Long Mekim Wok Long Ol Magasin Long Epril. Kamapim gutpela wok Wastaua na Kirap! i mekim bilong helpim ol man long save long gutnius. Long mun Epril long yia i go pinis yumi bin tilim Kingdom Nius, nau long dispela yia long mun Epril yumi laik mekim bikpela wok long tilim ol magasin. Nau em taim bilong redi. Planti bai tingting long mekim wok painia haptaim. Inap long skel bilong kongrigesen bilong yupela, yupela i mas putim oda long sampela magasin moa bilong mekim wok long en long Epril. Makim sampela de olsem De Magasin na sapos inap olgeta brata sista i ken mekim wok magasin long en—ating long moning, belo, o/na long apinun samting. Yumi olgeta i mas kamap “man bilong bihainim tok.” Olsem tok profet long Mesaia i tok long Song 69:9, mipela tu inap long tok: “Mi laikim tru haus bilong yu, olsem na mi wok strong long mekim dispela haus i stap gut.”—Je 1:22; Jo 2:17.
25 min: “Olsem Wanem Mi Inap Kirapim Man Long Harim Tok?” Ol askim na bekim. Tupela pablisa i ken toktok long olsem wanem ol inap long mekim gutpela pasin amamas moa taim ol i toktok wantaim man, mekim wok long sampela tok i stap long Buk Bilong Skul, p. 41-42, par. 6-10.
Singsing 133 na beten.
Wik i Kirap Long Februeri 19
Singsing 72
10 min: Ol toksave bilong kongrigesen.
15 min: “Nupela Buk i Kamapim Save Bilong God.” Ol askim na bekim. Kirapim olgeta long ol i mas save gut long ol tok i stap insait long buk bambai ol inap long mekim gutpela wok long en taim ol i mekim wok autim tok.
20 min: “Helpim Ol Long Kisim Gut Save.” Stori long ol pasin bilong mekim ol gobek olsem i stap long Wok Kingdom. Wasman bilong wok autim tok o narapela elda i ken stori wantaim 2-pela o 3-pela pablisa long sampela hap bilong buk Kamapim Tok Hait na olsem wanem yumi inap kamapim ol tok bilong en. Mekim wanpela o tupela soim. Kamapim sampela tok long olsem wanem yumi inap kirapim ol man long amamas long ol tok yumi autim long ol na bai yumi ken kirapim Baibel-stadi wantaim ol long buk Save i Bringim Man Long Laip Oltaim.
Singsing 53 na beten.
Wik i Kirap Long Februeri 26
Singsing 28
5 min: Ol toksave bilong kongrigesen.
12 min: “Sapos Samting i Kamap . . . ?” Wasman siaman i stori long ol tok bilong paragraf 4-6, na 23-28.
13 min: Redim Ol Gutpela Tok Bilong Autim Tok. Tripela o fopela pablisa i stori long ol gutpela samting inap kamap taim yumi autim sampela tok i stret long ol man long hap bilong yumi. Olsem: Sampela ripot bilong ol nius i stori long ol samting ol man i mekim bilong helpim sindaun bilong yumi; hevi bilong ol marit i go bikpela; ol pikinini i bikhet; o i hatwok long painim wok; o pasin raskol i go bikpela. Kamapim sampela stori bilong nius long ol samting i bin kamap nau tasol long hap bilong yupela, na olsem wanem yupela inap mekim wok long dispela bilong kirapim tok.
15 min: Tilim Buk Save i Bringim Man Long Laip Oltaim Long Mas. Kamapim sampela gutpela tok bilong buk em yumi inap mekim wok long en bilong kirapim tok. (1) Yu ken soim ol gutpela piksa, olsem long pes 4-5, 86, 124-125, 188-189. (2) Soim ol brata, long pinis bilong olgeta sapta i gat sampela askim bilong tingim gen ol tok, na stori long olsem wanem yumi inap mekim wok long ol bilong kirapim tok bilong yumi. Yu ken askim man bilong haus sapos em i laik save long ol bekim. Stori long sampela askim olsem i stap long pes 11, 22, 61, 149. (3) Lukim blok long pes 102, na kamapim sampela tok long olsem wanem yumi inap mekim wok long hap “Sampela Samting i Makim Taim Bilong Las De” bilong kirapim tingting bilong ol man. (4) Kamapim olsem wanem ol i wokim dispela buk bilong mekim ol stadi. I gat ol sotpela sapta, ol tok i isi long save long en, buk i kamapim ol strongpela skripsa, ol strongpela askim i kamapim ol bikpela tok. Kirapim olgeta long putim mak long tilim buk bilong kirapim Baibel-stadi.
Singsing 151 na beten.