Ol Samting Bilong Tingim Long Memorial

 Ol samting yupela mas tingim gut paslain long taim bilong mekim Memorial long Tunde, Epril 2:

◼ Toksave long olgeta manmeri, na brata bilong mekim tok bilong Memorial tu, long taim na ples stret bilong mekim bung.

◼ Yupela i mas wokim bret na baim wain i stret bilong mekim Memorial.​—⁠Lukim Wastaua Mas 1, 1985, pes 20.

◼ Redim gutpela tebol, wanpela laplap bilong karamapim tebol, ol plet, na ol glas. Paslain long bung i kirap, kisim ol i kam long Haus Kingdom na putim gut long ples bilong ol.

◼ Klinim gut Haus Kingdom o narapela ples bilong mekim bung long en, paslain long taim bilong mekim Memorial.

◼ Paslain long Memorial, makim ol brata bilong mekim wok atendan na ol brata bilong tilim bret na wain. Toksave long ol long pasin bilong mekim Memorial na ol wan wan wok ol i mas mekim.

◼ Stretim rot bilong kisim bret na wain i go long ol brata em spirit i makim ol, em ol i gat sik na ol i no inap long kam long Memorial.

◼ Sapos 2-pela o 3-pela kongrigesen i mekim Memorial long wanpela Haus Kingdom tasol, orait ol i mas wok gut wantaim long stretim ol samting bambai ol man i no inap long pas pas long rot, na dua, na ples bilong putim ol ka.

This article is repeated in km 3/97, 3/98, 3/99.