Ol Samting Bilong Tingim Long Memorial

Memorial long dispela yia bai kamap long Sande, Epril 4. Ol elda i mas tingim ol dispela samting:

◼ Skelim gut taim yupela i makim bilong mekim Memorial bambai yupela i tilim bret na wain bihain long taim san i go daun pinis.

◼ Toksave long olgeta manmeri, na long brata bilong mekim tok bilong Memorial, long taim na ples stret bilong mekim bung.

◼ Yupela i mas wokim bret na baim wain i stret bilong mekim Memorial.​—⁠Lukim Wastaua Februeri 15, 2003, p. 14-15.

◼ Redim ol plet, ol glas, na wanpela gutpela tebol na laplap bilong karamapim tebol. Paslain long bung i kirap, kisim ol dispela samting i kam long Haus Kingdom na putim gut long ples bilong ol.

◼ Paslain long Memorial, klinim gut Haus Kingdom o narapela ples bilong mekim dispela bung.

◼ Paslain long Memorial, makim ol brata bilong mekim wok atendan na bilong tilim bret na wain. Toksave long ol long samting ol bai mekim, na long ol i mas pasim gutpela klos na mekim gut skin.

◼ Sapos 2-pela o 3-pela kongrigesen bai mekim Memorial long wanpela Haus Kingdom tasol, orait ol i mas wok gut wantaim long stretim ol samting bambai ol man i no ken pas pas long dua, long ples wokabaut, na long ples bilong putim ol ka.