Ol Samting Bilong Tingim Long Memorial

Memorial long dispela yia bai kamap long Fonde, Mas 24. Ol elda i mas tingim ol dispela samting:

◼ Skelim gut taim yupela i makim bilong mekim Memorial na bai yupela i ken tilim bret na wain long taim san i go daun.

◼ Toksave long olgeta manmeri na brata bai mekim tok long taim stret na ples bilong mekim Memorial.

◼ Yupela i mas wokim bret na baim wain i stret bilong mekim Memorial.​—Lukim Wastaua bilong Februeri 15, 2003, p. 14-5.

◼ Redim ol plet, ol glas, na wanpela gutpela tebol na laplap bilong karamapim tebol. Paslain long bung putim ol dispela samting long ples bilong ol.

◼ Paslain long Memorial, yupela i mas klinim Haus Kingdom o narapela ples yupela bai mekim Memorial long en.

◼ Paslain long Memorial, yupela i mas makim ol brata bilong mekim wok atendan na bilong tilim bret na wain. Toksave long ol long ol samting ol bai mekim na ol i mas pasim gutpela klos na mekim gut skin.

◼ Sapos 2-pela o 3-pela kongrigesen i save mekim wok long wanpela Haus Kingdom, orait ol i mas wok gut wantaim long stretim ol samting bambai ol man i no ken pas pas long dua, long ples wokabaut, na long ples bilong putim ol ka.