Ol Samting Bilong Tingim Long Memorial

Memorial long dispela yia bai kamap long Trinde, Epril 12. Ol elda i mas tingim ol dispela samting:

◼ Skelim gut taim yupela i makim bilong mekim Memorial na bai yupela i ken tilim bret na wain long taim san i go daun pinis.

◼ Toksave long olgeta manmeri, na brata bilong mekim tok tu, long taim na ples bilong mekim Memorial.

◼ Wokim bret na baim wain i stret bilong mekim Memorial.​—⁠Lukim Wastaua bilong Februeri 15, 2003, p. 14-15.

◼ Redim ol plet, ol glas, wanpela gutpela tebol, na laplap bilong karamapim tebol. Paslain long bung putim ol dispela samting long ples bilong ol.

◼ Paslain long Memorial, klinim Haus Kingdom o narapela ples yupela bai mekim Memorial long en.

◼ Paslain long Memorial, makim ol brata bilong mekim wok atendan na bilong tilim bret na wain. Toksave long ol long ol samting ol bai mekim, na long ol i mas pasim gutpela klos na mekim gut skin.

◼ Sapos 2-pela o 3-pela kongrigesen bai bung long wanpela Haus Kingdom, orait ol i mas wok gut wantaim long stretim ol samting bambai ol man i no ken pas pas long dua, long ples wokabaut o long ples bilong putim ol ka.