Ol Miting Bilong Wok Bilong Septemba
Wik i Kirap Long Septemba 2
Singsing 98
10 min: Ol toksave bilong kongrigesen. Sampela Toksave bilong Wok Kingdom.
15 min: “Yumi Mas Bilip na Wokabaut.” Ol askim na bekim.
20 min: “Autim Gutnius na Ting Olsem Ol Man Bai Harim Tok.” Mekim wok long paragraf 1 na 2 bilong kirapim tok. Kamapim tok olsem yumi ken mekim wok long buk Stap Oltaim o long buk Famili. Nau kamapim ol tok bilong paragraf 3-6 tasol bilong dispela hap. Mekim gutpela soim long pasin bilong tilim buk Stap Oltaim long taim yumi autim tok na taim yumi go lukim ol wanblut. Mekim soim tu long pasin bilong mekim gobek na long kirapim stadi long buk Save.
Singsing 48 na beten.
Wik i Kirap Long Septemba 9
Singsing 18
12 min: Ol toksave bilong kongrigesen. Ripot bilong ol akaun. Stori long hap “Autim Tok Bilong Kingdom.”
18 min: Stori Long Ripot Bilong Kongrigesen Bilong Yia Bilong Wok Bilong 1996. Wasman bilong wok autim tok i ken mekim gutpela tok bilong strongim ol brata sista. (Lukim buk Lo, p. 100-102.) Stori long sampela gutpela wok kongrigesen i bin mekim na tok amamas long ol brata sista long dispela samting. Stori long olsem wanem wok bilong ol painia oltaim na painia haptaim i bin helpim wok bilong autim tok i go bikpela long kongrigesen. Kolim namba bilong hamas man i save kam long ol miting, na stori olsem em i bikpela samting long kam long miting oltaim. Stori long sampela samting kongrigesen i ken traim long mekim long dispela yia bilong wok.
15 min: “Autim Gutnius na Ting Olsem Ol Man Bai Harim Tok.” Kamapim ol tok bilong paragraf 7-9 tasol, na mekim soim long pasin bilong autim tok long ol stua na long mekim gobek. Kirapim olgeta long mekim hariap ol gobek.
Singsing 123 na beten.
Wik i Kirap Long Septemba 16
Singsing 10
15 min: Ol toksave bilong kongrigesen. Stori long hap “Yu Inap Givim Wanpela Presen?” Mekim sotpela soim long pasin bilong givim buk olsem presen i go long wanwok o long bos.
15 min: “Stap Olsem Gutpela Piksa Long Toktok na Pasin Bilong Yu.” Ol askim na bekim.
15 min: Pasin Kristen Long Skul. Papa i toktok long pikinini man o meri na tokim em long ol samting nogut i save kamap long skul em inap pundaunim em; papa i tokim em olsem em i gat wok long was gut long ol poroman na long abrusim ol pasin nogut. Em i kamapim ol tok i stap long blok long pes 24 bilong buklet Education (o buklet Skul na Ol Witnes Bilong Jehova, p. 8-11), na kamapim klia olsem pikinini i gat wok long stap gutpela piksa olsem wanpela Witnes. Papa i kolim sampela traim i save kamap long pasin bilong kisim drak, prenim man o meri, go long ol bung bilong kisim amamas, insait long ol spot; tupela i stori long rot bilong abrusim ol hevi. Papa i strongim yangpela, taim em i gat hevi em i mas hariap long tokim papa—papa i laik save long ol dispela hevi bambai em i ken helpim pikinini.
Singsing 32 na beten.
Wik i Kirap Long Septemba 23
Singsing 21
5 min: Ol toksave bilong kongrigesen.
20 min: Sampela tok bilong helpim kongrigesen. O mekim wanpela tok, long stori “Lukluk i Go Long Ol Samting Nau Yu No Inap Lukim!” long Wastaua bilong Februeri 15, 1996, p. 27-29.
20 min: “Autim Gutnius Long Olgeta Hap.” Ol askim na bekim. Stori long paragraf 1-15 tasol. Kaunim paragraf 3 na 5. Kamapim sampela ekspiriens bilong gutpela samting i bin kamap taim ol brata sista i autim tok long rot o long ol PMV.
Singsing 215 na beten.
Wik i Kirap Long Septemba 30
Singsing 171
12 min: Ol toksave bilong kongrigesen. Kamapim ol tok bilong Askim.
20 min: “Autim Gutnius Long Olgeta Hap.” Ol askim na bekim. Stori long paragraf 16-35. Stori long olsem wanem yumi inap mekim wok long ol dispela tok. Mekim soim long paragraf 23-25. Kaunim paragraf 34-35.
13 min: Stori Long Ol Samting Bilong Tilim Long Oktoba. Bai yumi tilim nius Wastaua na Kirap! Stori long ol dispela samting, olsem: (1) Wok bilong tupela nius olsem ol i kamapim long pes 2 na 4. (2) Ol i wokim long planti tok ples, na long dispela rot ol man bilong olgeta hap inap kisim save long tok bilong Baibel. (3) Ol i wokim Wastaua bambai ol wan wan man, ol famili, na ol grup i ken stadi long en. (4) Ol man bilong ol narapela lotu i save kaunim. (5) Yumi wan wan bai tilim ol nupela nius long ol man i gat laik tru long kaunim. (6) Dispela tupela nius inap helpim tu ol man i gat planti tumas wok. (7) Ol i kirap wokim Wastaua long 1879; na Kirap! long 1919. Bilong pinisim tok, stori long tok bilong wanpela man i bin amamas long kaunim ol nius.—Lukim Wastaua (tok Inglis), bilong Epril 15, 1986, p. 32.
Singsing 3 na beten.