Ol Toksave

◼ Samting bilong tilim long Septemba: Buk Yu Inap i Stap Oltaim Long Paradais Long Graun long K2.00. (Long tok Inglis long K4.00.) O buk Rot Bilong Kamapim Amamas Insait Long Famili, long tok Inglis K1.50 na tok Hiri Motu na tok Pisin long 50 toea. Oktoba: Sabskripsen bilong Wastaua na Kirap! Novemba: Buk Save i Bringim Man Long Laip Oltaim long K1.50. Disemba: Buk Yu Inap i Stap Oltaim Long Paradais Long Graun, long K2.00. (Long tok Inglis long K4.00.) Janueri: Tilim long liklik pe wanpela bilong ol olpela buk i gat 192 pes.

◼ Wasman siaman o brata em siaman i bin makim, em i mas skelim ol akaun bilong kongrigesen long Septemba 1 o mekim kwiktaim bihain long en. Taim em i mekim pinis, orait toksave long kongrigesen.

◼ Ol pablisa i tingting long mekim wok painia haptaim long Oktoba, ol i mas putim hariap aplikesen. Dispela bai helpim ol elda long stretim gut ol samting bilong ol magasin, litresa, na teritori.

◼ Mipela i laik kirapim ol elda long bihainim ol tok i stap long pepa ol i bin kisim wantaim Wok Kingdom bilong Julai 1991 (Wastaua [tok Inglis] bilong Epril 15, 1991, p. 21-23). Em i stori long ol man i bin raus o ol i bin rausim ol yet, em ol elda i ting ol i gat laik long kam bek na ol inap helpim ol.

◼ Long dispela yia kibung distrik em 3-pela de, olsem na no ken lusim Buk-Stadi Bilong Kongrigesen long wik bilong kibung.

◼ Ol elda i ken stretim rot bambai long olgeta taim kongrigesen i gat ol buk Yu Inap i Stap Oltaim Long Paradais Long Graun, na kirapim ol pablisa long tilim ol dispela buk. Sosaiti i gat planti bilong ol dispela buk i stap bilong salim long ol kongrigesen i putim oda.

◼ Sosaiti i no ken wokim moa Noga! long tok Hiri Motu, em i bin kamap long olgeta 4-pela 4-pela mun. Laspela Noga! yumi bai kisim em bilong Julai-Septemba 1996.

◼ Ol Nupela Buk Samting Yu Inap Kisim:

Buk Mekim Singsing Long Jehova (long bikpela rait)​—⁠Tok Inglis

Buk Wanbel Long Lotuim Dispela Wanpela God Tru​—⁠Tok Pisin bilong ol ailan Solomon

◼ Ol Kaset Yu Inap Kisim Gen:

Daniel​—⁠Tok Inglis

Hosea, Joel, Amos, Obadia, Jona, Maika, Nahum, Habakuk, Sefanaia, Hagai, Sekaraia, Malakai​—⁠Tok Inglis