Yu Inap Givim Wanpela Presen?
1 Long Septemba, bai yumi mekim wok long buk Yu Inap i Stap Oltaim Long Paradais Long Graun. I gat planti gutpela tok i stap long dispela gutpela buk. Em inap helpim tru ol man long ol samting bilong spirit.
2 Yumi ken save bilong wanem em i bikpela samting long givim ol olpela buk i go long ol man, taim yumi tingim ekspiriens bilong wanpela man i bin kisim wanpela olpela buk olsem presen long meri bilong em, em wanpela Witnes. Inap long dispela taim, dispela man bilong meri Witnes em i no laik save long Baibel. Meri i kirap nogut long man bilong em i kaunim dispela olpela buk long wanpela nait tasol. Dispela i mekim na nau em i bilip tru olsem Baibel em i Tok Bilong God, olsem na em i go long namba wan miting bihain long em i kaunim buk, na em i tokaut olsem em i laik stadi long Baibel. Tripela mun bihain em i go autim tok na nau em i baptais pinis.
3 Wanpela gutpela rot bilong tilim buk Stap Oltaim em taim yumi go long ol haus. Tasol em i wanpela gutpela presen tu. Ating yu laik givim long ol bisnisman yu save long ol, ol wanwok, ol wanskul, ol dokta, ol tisa, ol man i stap klostu long yu, o long ol man yu laik mekim gut long ol. Ating yu gat ol bubu, tumbuna pikinini, o sampela narapela wanblut em ol bai laikim dispela presen. Yumi ken strongim tu ol nupela man long givim dispela buk long ol pren o wanblut bilong ol olsem presen.
4 Taim yu givim dispela buk olsem presen, ating yu laik raitim liklik tok bilong yu yet long namba wan pes bilong buk. Planti man bai amamas tru long kain gutpela pasin olsem yumi mekim bilong tingim ol. Na ol man i kaunim gut dispela buk bai kisim gutpela blesing.
This article is unique to PNG.