Askim

◼ Yumi mas tingim wanem ol samting taim yumi kaunim ol paragraf long miting?

Bikpela hap taim bilong mekim Stadi Wastaua na Buk-Stadi Bilong Kongrigesen em long kaunim ol paragraf. Olsem na brata ol i makim bilong kaunim ol paragraf em i gat bikpela wok olsem wanpela tisa. Em i mas kaunim long pasin em inap helpim ol manmeri i harim long kisim gut insait bilong ol tok, na dispela bai kirapim ol long bihainim. (Neh 8:8) Olsem na brata i gat wok long redi gut bilong mekim dispela wok. (1 Ti 4:13; lukim sapta 3 long Buk Bilong Skul.) Em hia sampela samting bilong helpim ol brata long kaunim gut ol paragraf.

Kamapim Gut, Kolim Strong Ol Bikpela Tok: Redi gut pastaim na skelim wanem tok o ol hap tok yu bai kolim strong bambai dispela inap kamapim gut insait bilong en.

Kolim Gut Ol Tok: Yu mas kolim stret na kolim gut ol tok. Dispela bai helpim ol manmeri long kisim gut ol tok i save kamap long ol buk na nius samting. Sapos yu no klia gut long pasin bilong kolim sampela tok long narapela tok ples, mekim wok long buk dikseneri o harim ol kaunim bilong Baibel long ol kaset bilong Sosaiti.

Givim Bel na Kaunim Strong Ol Tok: Sapos yu givim bel na kaunim strong ol tok, dispela bai kirapim bel na tingting bilong ol man na ol bai amamas long harim tok.

Mekim Long Gutpela Pasin na Olsem Yu Toktok Tasol: Kolim ol tok long pasin bilong yu yet na bai yu kaunim gut ol tok. Sapos yu redi na lain gut, bai yu stap isi, na ol man bai i amamas long harim tok bilong yu na ol i no les.​—⁠Hab 2:⁠2.

Kaunim Ol Tok Olsem Ol i Raitim: Sapos ol tok i stap long sta daunbilo o insait long banis olsem [ ], i bilong kamapim insait bilong ol tok i stap long paragraf, yu ken kaunim tu ol dispela tok. Tasol no ken kaunim nem bilong ol buk samting ol i kisim ol tok long en. Kaunim ol tok i stap long sta daunbilo long taim yupela i lukim mak bilong en long paragraf, na mekim tok olsem bilong kaunim: “Tok i stap long sta daunbilo i tok . . . ” Taim yu kaunim pinis, go bek long ol tok bilong paragraf na kaunim i go.

Taim yumi kaunim gut ol paragraf, em i wanpela bilong ol gutpela rot yumi ken ‘lainim ol narapela long bihainim olgeta tok’ bilong Bikpela Tisa.​—⁠Mt 28:⁠20.

This article is repeated in km 5/98, 2/99.