Ol Miting Bilong Wok Bilong Janueri

Wik i Kirap Long Janueri 6

Singsing 6

10 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong mun Septemba, bilong kantri na bilong kongrigesen.

20 min: Taim Bilong Wokim Gen Kat Advance Medical Directive/Release. Wanpela elda i ken stori olsem em i bikpela samting long raitim gut olgeta tok long kat na karim long olgeta taim. Sapos yu yet i no inap toktok taim birua i painim yu, dispela kat inap toksave. (Skelim wantaim Sindaun 22:⁠3.) Yumi mas wokim nupela kat long olgeta yia bilong toksave olsem yumi no laik kisim blut, long wanem, sampela dokta na ol narapela i ting olsem, ol tok bilong olpela kat i winim pinis wanpela yia, em i no kamapim tingting bilong man long dispela taim. Bihain long miting, olgeta pablisa i baptais pinis ol i ken kisim wanpela kat Advance Medical Directive/Release, na ol brata sista i gat ol pikinini i no baptais yet, ol i ken kisim kat Identity bilong wan wan pikinini. Kamapim klia olsem ol i no ken raitim ol tok bilong kat nau long miting. Long haus ol i ken raitim gut olgeta tok, tasol ol i NO KEN sainim. Ol brata sista wantaim witnes bilong ol i ken sainim na raitim det long kat bihain long narapela Buk-Stadi bilong kongrigesen, na wasman bilong Buk-Stadi i ken lukautim dispela samting. Em bai skelim, olgeta brata sista long grup i bin kisim wanpela kat na ol i bin raitim stret ol tok o nogat. Ol brata bilong sainim nem olsem witnes, ol i mas lukim brata o sista i sainim nem bilong em. Long narapela Miting Bilong Wok, ol wasman bilong Buk-Stadi na ol elda bai helpim ol brata sista i no bin i stap long dispela taim long wokim kat bilong ol, inap long olgeta pablisa i baptais pinis ol i raitim gut olgeta tok long kat na sainim nem bilong ol. (Kamapim tok bilong pas bilong Ogas 1, 1992.) Ol pablisa i no baptais yet, ol i ken kisim sampela tok i stap long dispela kat na wokim kat i stret long tingting na bilip bilong ol yet na bilong pikinini bilong ol. Sapos yumi bihainim gutpela tingting na mekim gut dispela bikpela samting, orait Jehova i ken mekim gut long yumi.​—⁠Snd 16:⁠20.

15 min: “Yumi Inap Tru Long Lainim Ol Man.” (Paragraf 1-6) Stori liklik long paragraf 1-2, na kamapim klia, yumi mas bilip olsem, long strong bilong Jehova yumi inap mekim gut wok bilong skulim ol narapela. Fopela pablisa i ken mekim ol soim olsem i stap long paragraf 3-6. Tupela i makim ol pablisa na tupela ol man bilong haus. Ol i ken senis senis bilong mekim ol soim long pasin bilong autim tok long namba wan taim na bilong mekim ol gobek.

Singsing 14 na beten.

Wik i Kirap Long Janueri 13

Singsing 16

15 min: Ol toksave bilong kongrigesen. Ripot bilong ol akaun. Stori long sampela gutpela tok bilong ol nupela magasin em yumi inap toktok wantaim ol man long en. Stori long sampela pasin bilong kirapim tok wantaim ol man taim yu laik autim tok long kain kain taim na ples. Tokim ol brata sista long stori long wanem ol tok ol i bin mekim bilong kirapim tok taim ol i toktok wantaim ol narapela long ol stua, long rot, long pak, long PMV, na long sampela narapela hap.

15 min: “Yumi Inap Tru Long Lainim Ol Man.” (Paragraf 7-9) Stori long ekspiriens bilong mekim ol gobek olsem i stap long yiabuk (tok Inglis) bilong 1995, pes 45, na kamapim klia olsem em i bikpela samting long go bek na lukim ol man i bin amamas long harim tok. Tupela pablisa i gat save long autim tok ol i ken mekim ol soim bilong paragraf 7-8. Maski yumi tilim ol narapela buk taim yumi autim tok, yumi mas tingting strong long kirapim stadi long buk Save. Kirapim olgeta long makim sampela taim long dispela wik bilong mekim ol gobek.

15 min: Mekim wanpela tok long stori, “Yu Helpim Pikinini Bilong Yu Bai Em Yet i Laik Lotuim Jehova?” olsem i stap long Wastaua, Oktoba 1, 1994, p. 26-30.

Singsing 15 na beten.

Wik i Kirap Long Janueri 20

Singsing 21

10 min: Ol toksave bilong kongrigesen.

15 min: “God Bai Kisim Bek Olgeta Kain Man.” Ol askim na bekim. Askim ol brata sista long stori liklik long ol ekspiriens long olsem wanem ol man i bin harim gut tok bilong ol, maski ol man i bilong narapela narapela kain sindaun.

20 min: Sampela tok bilong helpim kongrigesen. O mekim tok “Oltaim Putim Ol Hevi Long Han Bilong Jehova.” Kisim tok long Wastaua, Epril 1, 1996, p. 27-30.

Singsing 23 na beten.

Wik i Kirap Long Janueri 27

Singsing 20

15 min: Ol toksave bilong kongrigesen. Kamapim ol tok bilong Askim.

15 min: “Yumi Autim Tok Bilong God.” Ol askim na bekim. Kamapim sampela tok i stori long bilong wanem yumi save pilim tru ol gutpela tok bilong Baibel.​—⁠Lukim Kirap!, Ogas 8, 1984, p. 9-12.

15 min: Stori Long Ol Samting Bilong Tilim Long Februeri. Stori long ol gutpela samting bilong buk, kain olsem: (1) Ol gutpela het-tok bilong wan wan sapta, (2) ol piksa i gat kala kala, (3) ol blok na ol lista, na (4) ol askim i kirapim tingting. Olsem yumi harim long tok i kamap paslain long dispela tok, kirapim ol brata sista long mekim wok long wanpela gutpela skripsa taim ol i tilim buk. Mekim wanpela o tupela sotpela soim. Kirapim olgeta long kisim ol buk bilong mekim wok long en long dispela wik.

Singsing 26 na beten.