Ol Toksave

◼ Samting bilong tilim long Janueri: Ol olpela buk i gat 192 pes ol i bin daunim pe bilong en; tilim long 25 toea o 50 toea. Februeri: Buk Kamapim Tok Hait​—⁠Bikpela Samting Bilong En i Laik Kamap! o wanpela buk i gat 192 pes ol i bin daunim pe bilong en. Mas: Buk Rot Bilong Kamapim Amamas Insait Long Famili. Epril na Me: Tilim sabskripsen bilong Wastaua, o buklet God i Laik Yumi Mas Mekim Wanem?

◼ Long Miting Bilong Wok bilong wik i kirap long Janueri 6, ol pablisa i baptais pinis, ol bai kisim kat Advance Medical Directive/Release na kat Identity bilong ol pikinini bilong ol.

◼ Namel long Februeri 1 na Mas 2, ol wasman sekit bai kirap long mekim nupela pablik-tok nem bilong en, “Husat i Wankain Olsem Jehova, Em God Bilong Yumi?”

◼ Ol kongrigesen i mas redim gut ol samting bilong mekim Memorial bilong dispela yia em bai kamap long Sande, Mas 23, taim san i go daun pinis. Tok bilong Memorial i ken kirap paslain long taim san i go daun, tasol yupela mas tilim bret na wain taim san i go daun pinis. Yupela i no ken mekim ol narapela miting long dispela de, yupela ken mekim bung bilong autim tok tasol, olsem na stretim rot bilong mekim Stadi Wastaua long narapela de. Ol wasman sekit i mas senisim miting bilong Sande na mekim long narapela de i stret long kongrigesen ol i stap long en. Em i gutpela long olgeta wan wan kongrigesen i mekim Memorial bilong ol yet, tasol ating olgeta i no inap mekim olsem. Sapos tupela o tripela kongrigesen i save mekim wok long wanpela Haus Kingdom, ating wanpela o tupela kongrigesen i ken painim narapela hap bilong bung long dispela nait. I no gutpela sapos Memorial i kirap bihain tumas long taim san i go daun na bai ol nupela man i hatwok long kam. Na tu, taim kongrigesen i pinisim Memorial bilong ol, i no gutpela sapos narapela kongrigesen i kirapim hariap Memorial bilong ol​—⁠namel long tupela miting i mas i gat hap taim bilong sekanim ol nupela man, na stretim tok wantaim sampela bilong helpim ol long kisim sampela save moa, na strongim bel bilong narapela narapela. Ol elda i mas skelim gut olgeta samting, na ol i mas stretim ol samting bambai Memorial i ken helpim tru ol man i kam bung long dispela taim.

◼ Bikpela pablik-tok yumi save mekim long taim bilong Memorial, em bai kamap long Sande, Epril 6, 1997. Bai mipela i salim wanpela autlain bihain. Ol kongrigesen i gat raun bilong wasman sekit o kibung sekit o bikpela de kibung long dispela wik, ol bai mekim bikpela pablik-tok long wik bihain. No ken mekim bikpela pablik-tok paslain long Epril 6.

◼ Ol lain elda i mas tingim ol dispela senis long wik bilong bikpela de kibung o kibung sekit bilong ol: Long wik bilong bikpela de kibung, kongrigesen i ken mekim olgeta miting bilong dispela wik, tasol no ken mekim Miting Bilong Pablik-Tok na Stadi Wastaua. Na tu, long wik bilong kibung sekit, yupela i no ken mekim Skul Bilong Wok Autim Tok na Miting Bilong Wok; yupela i ken mekim tasol ol Buk-Stadi long ol wan wan grup.

◼ Ol Nupela Buk Samting Yu Inap Kisim:

The Secret of Family Happiness​—⁠Tok Fiji, Indonisia, Inglis, Japan, Korea, Saina, Sibuano, Tagalok, tok Pisin bilong ol ailan Solomon

God i Laik Yumi Mas Mekim Wanem?​—⁠Tok Bislama, Hiri Motu, Inglis, Saina, Tagalok, tok Pisin bilong ol ailan Solomon, tok Pisin

◼ Ol Narapela Nupela Buk Samting Yu Inap Kisim:

Skelim Sampela Tok Bilong Baibel Long Olgeta De​—⁠1997​—⁠Tok Inglis, tok Pisin bilong ol ailan Solomon

◼ Ol Nupela Kaset Yu Inap Kisim:

God i Laik Yumi Mas Mekim Wanem? (Kongrigesen na ol narapela: K3.00; Ol painia: K2.50)​—⁠Tok Inglis

◼ Ol Buk Samting Yu Inap Kisim Gen:

Good News for All Nations​—⁠Tok Inglis

Wanpela Gavman Em Bai Kamapim Paradais​—⁠Tok Inglis

Tru God i Save Tingim Yumi?​—⁠Tok Korea

Ol Spirit Yumi No Inap Lukim​—⁠Ol i Save Helpim Yumi? o Ol i Bagarapim Yumi? (Buklet i gat 64 pes)​—⁠Tok Pisin