Ol Miting Bilong Wok Bilong Mas
Wik i Kirap Long Mas 3
Singsing 53
15 min: Ol toksave bilong kongrigesen. Sampela Toksave bilong Wok Kingdom. Kirapim olgeta long kirap nau long tokim ol man i laik harim tok long i kam long Memorial long Mas 23. Soim pepa bilong singautim man i kam long Memorial, na kirapim olgeta long kisim sampela na kirap long tilim long dispela wik. Stori long “Mekim Stadi Long Buk Nambawan Man Tru i Winim Olgeta Narapela Man.”
15 min: “Strongim Famili Bilong Yu.” Ol askim na bekim. Stori tu long sampela ekspiriens bilong yiabuk bilong 1995, p. 228.
15 min: “Helpim Ol Famili Long i Stap Oltaim Long Bihain.” (Paragraf 1-5) Stori liklik long paragraf 1, na stori olsem wanem yumi ken kirapim man long laikim buk Famili taim yumi mekim wok long nem bilong ol sapta na ol piksa long buk. Ol pablisa i gat save i ken mekim ol soim bilong paragraf 2-5. Kirapim olgeta long wok strong long tilim buk long ol famili i bin amamas long harim tok.
Singsing 71 na beten.
Wik i Kirap Long Mas 10
Singsing 56
10 min: Ol toksave bilong kongrigesen. Ripot bilong ol akaun. Tokim olgeta gen long kaunim hap bilong Baibel olsem i stap long buk Skelim Sampela Tok Bilong Baibel Long Olgeta De bilong kaunim long taim bilong Memorial long Mas 18-23.
20 min: “Yupela i Mas Tenkyu Long God.” Ol askim na bekim. Olgeta i mas wok strong long singautim ol Baibel-stadi, ol man i laik harim tok, ol wanfamili i laik harim tok, na ol brata na sista i no save bung tumas wantaim kongrigesen long i kam long Memorial. Mekim sotpela soim long pablisa i singautim man i kam long Memorial, em i mekim wok long pepa bilong singautim man i kam long Memorial. Kamapim sampela tok bilong Wastaua (tok Inglis), Julai 1, 1988, p. 11, par. 16, 17. Kirapim olgeta long mekim wok painia haptaim long Epril na Me, sapos ol inap.
15 min: “Helpim Ol Famili Long i Stap Oltaim Long Bihain.” (Paragraf 6-8) Kamapim sampela tok long olsem wanem yumi ken tilim buk Famili taim yumi autim tok long ples wok, long skul, long pak, long ol PMV, na tu long taim yumi go lukim ol wantok. Wanpela pablisa i gat save, em i ken mekim soim bilong paragraf 6 na 7. Ol tok yu mekim taim yu mekim gobek i mas helpim man long pilim olsem wanem pasin bilong stadi long Baibel inap strongim ol famili long pas gut wantaim. Mekim stadi long buklet God i laik Yumi Mas Mekim Wanem? na bihain senisim i go long buk Save, o kirapim stadi stret long buk Save.
Singsing 72 na beten.
Wik i Kirap Long Mas 17
Singsing 63
15 min: Ol toksave bilong kongrigesen. Stori long “Ol Samting Bilong Tingim Long Memorial,” na stori long ol samting bilong Memorial bilong kongrigesen. Olgeta i mas stretim rot bilong helpim ol Baibel-stadi na ol man i laik harim tok long i kam.
15 min: Sampela tok bilong helpim kongrigesen. O wanpela elda i mekim tok “Yu Mas Tok Sori o Nogat?” olsem i stap long Wastaua, Septemba 15, 1996, p. 22-24.
15 min: Mekim Gut Wok Long Buklet Skul. Papa i stori long ol het-tok i stap long pes 2 wantaim meri na ol pikinini i save go long skul. Em i stori long bilong wanem em i bikpela samting long ol papamama na ol pikinini long save gut long ol tok bilong buklet. Kaunim tok long pes 3 i stori long wok bilong dispela buklet. Papa i stori long olsem wanem ol bai lusim sampela minit long taim bilong kaikai long olgeta de bilong kaunim sampela tok bilong buklet Skul na mekim teks bilong de wantaim.
Singsing 75 na beten.
Wik i Kirap Long Mas 24
Singsing 67
9 min: Ol toksave bilong kongrigesen. Stori olsem, sapos sampela i laik mekim wok painia haptaim long Epril, ol i ken putim yet aplikesen. Stori long sampela narapela bung bilong autim tok em kongrigesen i makim long dispela mun.
24 min: “Strongim Bel Long Mekim Ol Gobek.” (Paragraf 1-19) Ol askim na bekim. Mekim sotpela soim long paragraf 16.
12 min: Helpim Nupela Pablisa Long Kirap Mekim Wok. Stori long paragraf 19 long pepa yumi bin kisim wantaim Wok Kingdom bilong Jun 1996. Mekim soim long olsem wanem wanpela pablisa i gat save em i helpim Baibel-stadi em nau tasol ol elda i bin tok orait long em long kamap pablisa i no baptais yet. Ol i stori long ol tok bilong buk Lo, p. 111, par. 2. Pablisa i gat save em i stori long ol kain hevi yumi inap painim taim yumi autim tok long ol haus, tasol yumi no ken bel hevi sapos planti i no laik harim tok. Pablisa i stori long wanpela gutpela ekspiriens i kamapim amamas yumi save kisim taim yumi painim wanpela gutpela man i laik harim tok. Tupela i redim wanpela sotpela tok long pasin bilong tilim magasin na tupela i mekim traim. Brata i mekim gutpela tok amamas long em na tupela i makim taim bilong autim tok wantaim long dispela wik.
Singsing 89 na beten.
Wik i Kirap Long Mas 31
Singsing 70
15 min: Ol toksave bilong kongrigesen. Singautim olgeta man i laik harim tok long i kam long bikpela pablik-tok long Epril 6. Kirapim olgeta long putim ripot bilong wok autim tok bilong Mas. Toksave long nem bilong ol brata sista i mekim wok painia haptaim long Epril.
20 min: “Strongim Bel Long Mekim Ol Gobek.” (Paragraf 20-34) Ol askim na bekim. Stori long blok long pes 3. Kirapim olgeta long raitim olgeta gobek ol i bin mekim insait long mun, taim ol i wokim ripot bilong wok autim tok.
10 min: Stori Long Samting Bilong Tilim Long Epril. Tilim sabskripsen bilong Wastaua. Stori liklik long sampela pasin bilong redim tok bilong tilim magasin olsem i stap long Wok Kingdom, Oktoba 1996, p. 4, par. 3, 4, na 8. Tupela pablisa i ken mekim wanpela o tupela sotpela soim. Ol pablisa i mas raitim nem bilong ol man i bin kisim magasin na i go lukim ol bilong tilim magasin oltaim long ol.
Singsing 92 na beten.