Ol Miting Bilong Wok Bilong Epril
Wik i Kirap Long Epril 7
Singsing 100
12 min: Ol toksave bilong kongrigesen. Sampela Toksave bilong Wok Kingdom. Stori long sampela gutpela tok bilong ol nupela magasin em yumi inap toktok wantaim ol man long en.
15 min: “Planti Manmeri i Wok Long Kam Insait.” Ol askim na bekim. Stori gen long ol bikpela tok bilong Wastaua, Ogas 15, 1993, p. 12-17.
18 min: “Helpim Ol Man i No Gat Planti Save.” Ol askim na bekim. Stori long ol samting bilong buklet Yumi Mas Mekim Wanem? olsem: pasin bilong stadi long en i no hatwok, ol askim i stret long man, ol gutpela piksa bilong pulim ai, planti skripsa. Tokim ol brata sista, yumi laik kirapim ol stadi long en na bihain mekim stadi long buk Save. Wanpela pablisa i gat save em i ken mekim wok long ol tok i stap long paragraf 4 na mekim soim long olsem wanem yumi ken kirapim stadi. Kirapim olgeta papamama long kongrigesen long stadi long buklet wantaim pikinini bilong ol.
Singsing 130 na beten.
Wik i Kirap Long Epril 14
Singsing 107
10 min: Ol toksave bilong kongrigesen. Ripot bilong ol akaun. Sapos i gat taim, stori liklik long sampela ekspiriens bilong ol brata sista i tilim buklet Yumi Mas Mekim Wanem? o ol i kirapim ol Baibel-stadi long en.
15 min: “Stiaim Ol Baibel-Stadi i Kam Long Oganaisesen Bilong Yumi.” (Paragraf 1-6) Ol askim na bekim. Kaunim paragraf 5-6 na ol skripsa i stap insait long en. Stori long sampela ekspiriens olsem, long hap bilong yupela ol Baibel-stadi i ting olsem wanem taim ol i lukim video Jehovah’s Witnesses—The Organization Behind the Name.
20 min: “Skulim Ol Narapela Long Ol Samting God i Laik Yumi Mas Mekim.” Stori long paragraf 1-4 na mekim sampela askim. Mekim ol soim long ol tok bilong paragraf 5. Mekim 4-pela soim, autim tok long rot, long ol haus, long ol stua, na long pak. Tokim olgeta long kisim ol buklet na magasin bilong mekim wok autim tok paslain long ol i lusim Haus Kingdom.
Singsing 126 na beten.
Wik i Kirap Long Epril 21
Singsing 113
5 min: Ol toksave bilong kongrigesen. Tokim ol brata sista, sapos sampela i laik putim aplikesen bilong mekim wok painia haptaim long Me, ol i ken mekim yet.
15 min: “Stiaim Ol Baibel-Stadi i Kam Long Oganaisesen Bilong Yumi.” (Paragraf 7-14) Ol askim na bekim. Wanpela pablisa i gat gutpela save long mekim wok tisa, em i ken mekim soim long olsem wanem yumi ken toktok gut wantaim Baibel-stadi olsem yumi gat wok long go long ol miting.
25 min: Yu Save Bihainim Tingting Bilong God Long Ol Samting Bilong Dring? Wanpela elda i mekim tok, em i kisim long Wastaua, Disemba 15, 1996, p. 25-29. Lusim bikpela hap taim bilong stori long ol bikpela tok i stap long pes 27-29.
Singsing 128 na beten.
Wik i Kirap Long Epril 28
Singsing 121
15 min: Ol toksave bilong kongrigesen. Kirapim olgeta long putim ripot bilong wok autim tok bilong Epril. Toksave long nem bilong ol brata sista i mekim wok painia haptaim long Me. Toksave long sampela bung moa bilong autim tok long dispela mun. Long Me, yumi ken wok strong long go bek lukim ol man i bin kisim buklet bilong kirapim stadi wantaim ol. Stori liklik long sampela gutpela pasin yumi ken bihainim bilong askim ol man long nem na atres bilong ol taim yumi autim tok long ol long kain kain taim na ples. Yu ken tokim ol long nem na atres bilong yu pastaim, na askim ol sapos ol i gat telefon yu ken ringim ol long en. Askim ol brata sista long stori long ol narapela gutpela rot ol i bin bihainim na ol gutpela samting i bin kamap.
15 min: “Bilong Wanem Ol i Mekim Dispela Wok?” Wanpela elda i stori wantaim 2-pela o 3-pela painia oltaim long ol tok bilong dispela hap. Sapos i no gat ol painia oltaim, orait kisim ol brata sista i save insait planti taim long wok painia haptaim. Kamapim ol bikpela tok bilong stori “Ol Painia Ol i Givim na Kisim Ol Blesing,” long Wastaua, Janueri 15, 1994. Olgeta wan wan i ken stori olsem: I gat wanem as na ol i bin kirap long mekim wok painia. Ol i ken stori long ol ekspiriens i kamapim olsem wanem ol i kisim ol blesing, long wanem, ol i mekim dispela wok.
15 min: Askim. Kamapim ol tok bilong en long rot bilong askim na bekim.
Singsing 129 na beten.