Ol Miting Bilong Wok Bilong Me
Wik i Kirap Long Me 5
Singsing 130
10 min: Ol toksave bilong kongrigesen. Sampela Toksave bilong Wok Kingdom. Stori long blok “Rot Bilong Tilim Ol Magasin.”
12 min: “Bihainim Jisas Oltaim.” Ol askim na bekim. Stori tu long ol ekspiriens i stap long Wastaua, Jun 1, 1993, p. 12.
23 min: “Tingim Tru Olgeta Man i Bin Harim Tok.” Toktok wantaim ol brata sista na kamapim sampela askim. Kamapim klia olsem yumi mas go bek lukim olgeta man i bin harim tok. Stori long sampela gutpela pasin bilong askim ol man yumi bungim long rot o maket samting bilong kisim save long haus o strit samting ol i stap long en bambai yumi ken autim tok moa long ol. Tupela pablisa i gat save ol i ken mekim ol soim bilong paragraf 6-9. Stori gen long ol tok bilong blok, “Olsem Wanem Yu Inap Mekim Gut Ol Gobek” i stap long pes 3 bilong pepa yumi kisim wantaim Wok Kingdom bilong Mas 1997. Kirapim olgeta long makim hap taim long olgeta wik bilong mekim ol gobek.
Singsing 151 na beten.
Wik i Kirap Long Me 12
Singsing 133
10 min: Ol toksave bilong kongrigesen. Ripot bilong ol akaun.
15 min: Askim. Wanpela elda i mekim olsem wanpela tok.
20 min: Stori long hap, “Lotuim Tumbuna” long buk Toktok Gut, p. 241-243. Ol man i save mekim planti samting long nau bilong givim biknem long ol daiman. Ol i litimapim na lotuim sampela man olsem ol i stap laip. Long ol niuspepa, long hap i gat ol toksave, planti taim ol man i raitim ol tok long ol wanblut i dai pinis na ol i mekim olsem ol wanblut i dai pinis inap kaunim dispela tok. Wanpela papa i ken toktok wantaim yangpela (13-19 krismas). Papa i mekim wok long ol tok bilong laspela het-tok bilong pes 241 na namba wan het-tok long pes 242 long buk Toktok Gut. Em i kamapim ol bikpela tok bilong tupela het-tok bilong kamapim klia: Bilong wanem em i no gutpela long lukim ol piksa nogut long televisen i stori long marila posin samting o kamapim tingting olsem ol daiman i save kam bek bilong nogutim ol man i stap laip. Stori long ol samting i painim ol daiman na long kirap bek bilong ol, na soim em olsem wanem dispela i mas helpim yumi long kisim stretpela tingting long ol daiman. Pikinini i kamapim tingting olsem em i no laik insait long ol amamas i helpim wok marila posin samting.
Singsing 162 na beten.
Wik i Kirap Long Me 19
Singsing 139
5 min: Ol toksave bilong kongrigesen.
23 min: “Helpim Ol Baibel-Stadi Long Kamap Strong.” Wanpela brata i gat save, em i ken toktok wantaim wanpela o tupela pablisa i save mekim gut ol Baibel-stadi long ol dispela tok. Ol i mekim wok long sampela hap bilong buk Save, na ol i stori long sampela pasin bilong skulim ol sumatin i bin helpim ol long stadim planti paragraf na i helpim ol long save, sumatin i kisim save pinis long wanem ol samting.—Lukim pepa yumi kisim wantaim Wok Kingdom bilong Jun 1996, par. 5, 8, 12, na 21.
17 min: “Kisim Blut Long Haus Sik,” buk Toktok Gut, p. 79-81. Mekim olsem man i go lukim gobek, na man bilong haus i kamapim ol askim i stap long buk na ol i raitim long strongpela rait. Pablisa i mas kamapim ol bekim olsem buk Toktok Gut i kolim.
Singsing 165 na beten.
Wik i Kirap Long Me 26
Singsing 148
15 min: Ol toksave bilong kongrigesen. Stori long samting bilong tilim long Jun. Mekim wok long buk Save na stori long olsem wanem yumi ken mekim wok long ol tok i stap long paragraf 17-19 long pes 10-11 bilong redim sotpela tok bilong toktok wantaim man long en. Kirapim olgeta long wok strong long kirapim ol stadi. Tokim ol brata sista olsem yumi mas helpim ol Baibel-stadi long kamap strong hariap.—Lukim Wastaua, Janueri 15, 1996, p. 13, 14.
12 min: “Bilong Wanem Yumi Save Go Bek Oltaim?” Ol askim na bekim. Sapos inap, kamapim sampela tok i stap long blok long pes 570 long buk Proclaimers.
18 min: Sampela tok bilong helpim kongrigesen. Wanpela elda i mekim tok o tupela elda i stori long wanpela samting kongrigesen i mas wok strong long en. Kamapim sampela tok bilong Baibel bilong kirapim ol na sampela gutpela tok bilong helpim ol brata sista long kamap strong moa.
Singsing 174 na beten.