Ol Miting Bilong Wok Bilong Julai
Wik i Kirap Long Julai 7
Singsing 6
10 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na bilong kongrigesen.
15 min: “God i Mekim Gut Long Man i Stap Gut Long Wok.” Ol askim na bekim. Kamapim tu ol stori bilong Kirap! (tok Inglis) bilong Janueri 22, 1993, p. 18-21.
20 min: “Mekim Gut Bel Bilong Ol Narapela.” Toktok wantaim ol brata sista na mekim sampela askim. Mekim wanpela o tupela soim. Askim ol brata sista long stori long sampela narapela rot ol i bin bihainim bilong kirapim tok na stori wantaim ol man long ol dispela buklet. Kirapim ol brata sista long mekim ol gutpela tok i no gat hatwok long en bilong kirapim ol man long harim tok. (Lukim Buk Bilong Skul [tok Inglis], p. 7, par. 9-11.) Toksave long ol narapela buklet i stap long kongrigesen na yumi inap tilim.
Singsing 70 na beten.
Wik i Kirap Long Julai 14
Singsing 5
8 min: Ol toksave bilong kongrigesen. Ripot bilong ol akaun.
20 min: Ol Papamama—Skulim Ol Pikinini Taim Ol i Liklik Yet. Elda i stori long ol lo bilong Baibel i kamapim olsem ol papamama i gat wok long skulim ol pikinini kirap long taim ol i liklik yet. (Snd 22:6; 2 Ti 3:14, 15) Sampela papamama i ting ol i no ken strong long skulim ol pikinini inap long taim ol pikinini i bikpela pinis na ol yet inap makim rot ol i laik bihainim. Taim ol papamama i mekim olsem, planti pikinini i kirap long bihainim ol pasin bilong dispela graun. Wok bilong skulim ol pikinini long ol samting bilong spirit i mas kirap taim ol i liklik yet. (g97 3/8 26, 27; w89 3/1 13, 14) Toktok wantaim tupela marit em ol i save tingim tru ol pikinini long ol samting bilong spirit. Kamapim klia olsem wanem papa i save go pas long mekim olsem, tasol tupela wantaim i save mekim wok bilong ol long skulim gut pikinini bilong ol long olgeta taim. Tupela i ken stori long ol samting ol i save mekim bilong skulim ol pikinini long tok i tru, na bihainim ol tok oganaisesen i bin givim long ol bilong helpim ol long skulim gut ol pikinini long haus. Elda i kamapim klia bilong wanem em i bikpela samting long bihainim ol tok bilong Baibel long wok bilong ol papamama.—w85 11/1 26; Ef 6:1-4.
17 min: Wanpela brata i gat save em i ken mekim tok long stori “Yu Ting i Gutpela Pikinini Bilong Yu i Go Long Skul i Gat Ples Slip?” long Wastaua, Mas 15, 1997, p. 25-28. Stori gut long ol samting inap nogutim pikinini long ol samting bilong spirit, wok bilong spirit ol papamama i mas mekim bilong helpim pikinini, na i gat wanem ol narapela rot bilong kisim skul bambai pikinini i no gat wok long go long ples i stap longwe.
Singsing 71 na beten.
Wik i Kirap Long Julai 21
Singsing 14
15 min: Ol toksave bilong kongrigesen. Stori long ol tok bilong Askim, na toksave long kongrigesen sapos i gat sampela buk moa yupela i mas kisim bilong putim long laibreri bilong Haus Kingdom.
10 min: “Bai Yumi Salim Husat?” Wanpela tok bilong kirapim ol brata sista. Kamapim tu ol tok bilong kirapim ol brata sista long mekim wok painia oltaim na kamapim ekspiriens i stap long paragraf 16 na 17 long pepa yumi kisim wantaim Wok Kingdom bilong Februeri 1997. Ol brata sista i no inap mekim wok painia oltaim, ol i ken tingim wanem mun (o ol mun) ol i ken mekim wok painia haptaim long en long narapela yia bilong wok.
20 min: Mas Redi Long Autim Tok Long Kain Kain Taim na Ples. Long olgeta de, rot i save op long yumi ken autim tok long ol man yumi bungim. Taim rot i op olsem, ating yumi no gat Baibel o ol buk na nius samting bilong mekim wok long en. Tingim gut ol samting yu bai mekim. Long haus, putim sampela buk na nius samting klostu long dua bilong haus long hap yu save bungim ol man i kam lukim yu. Putim olkain buk na nius samting long wanpela paus o hanbek o bilum samting na karim wantaim yu, o putim ol long ka, o long ples wok, o long skul. Karim sampela buk samting taim yu kalap long PMV. Taim yu go long narapela hap bilong mekim wok, o long wanpela kibung, o malolo samting, kisim sampela buk samting i go wantaim yu. Stori long sampela samting moa yumi ken mekim olsem i stap long Buk Bilong Skul [tok Inglis], p. 80-82, par. 11-16. Mekim ol sotpela soim long pasin bilong toktok long wanpela wantok, wanwok, wanskul, o wanpela man yu bungim long PMV.
Singsing 72 na beten.
Wik i Kirap Long Julai 28
Singsing 15
12 min: Ol toksave bilong kongrigesen. Kirapim olgeta long putim ripot bilong wok autim tok. Stori long ol samting bilong tilim long Ogas. Long Ogas yumi mas tingting long i go bek lukim ol man i bin kisim buklet long Julai na traim long kirapim Baibel-stadi. Kirapim olgeta long kaunim gen ol tok i stap long pepa yumi kisim wantaim Wok Kingdom bilong Mas 1997. Bilong helpim yumi long mekim gut ol gobek, stori long ol bikpela tok i stap long blok “Olsem Wanem Yu Inap Mekim Gut Ol Gobek.” Yumi ken kirapim ol stadi long buklet Yumi Mas Mekim Wanem? o long buk Save.
15 min: “Autim Tok Long Hap i Gat Ol Man Long En.” Wanpela tok. Sapos i gat taim, yu ken stori long sampela ekspiriens i stap long yiabuk bilong 1997, p. 43-46.
18 min: Wok Strong Long Mekim Wok Autim Tok. Wasman bilong wok autim tok i kisim ol tok bilong buk Lo, p. 5-8 na mekim wanpela tok. Kamapim klia olsem, wok autim tok em i bikpela wok yumi mas mekim, na taim bilong mekim i sot, na kirapim olgeta long mekim gut wok bilong ol olsem wokman bilong God.
Singsing 75 na beten.