Ol Miting Bilong Wok Bilong Ogas

Wik i Kirap Long Ogas 4

Singsing 16

7 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na bilong kongrigesen.

13 min: “Ol Miting i Save Kirapim Yumi Long Mekim Gutpela Wok.” Ol askim na bekim. Stori long olsem wanem pasin bilong toktok gut wantaim ol narapela paslain na bihain long ol miting em inap helpim yumi.​—⁠Lukim Buk Bilong Skul (tok Inglis), p. 82, par. 17, 18.

25 min: “Wetim Jehova Long Mekim Ol Samting i Go Bikpela.” Wanpela tok na sampela soim. Kamapim klia olsem yumi mas mekim ol gobek long ol man i bin kisim buklet. Redim gut tupela soim long pasin bilong kirapim Baibel-stadi. Kamapim tu sampela tok bilong pepa yumi kisim wantaim Wok Kingdom bilong Mas 1997, par. 7-​11.

Singsing 78 na beten.

Wik i Kirap Long Ogas 11

Singsing 20

7 min: Ol toksave bilong kongrigesen. Ripot bilong ol akaun.

15 min: “Ol Lapun i Save Wok Strong Long Autim Tok.” Ol askim na bekim. Kamapim tu ekspiriens bilong wanpela lapun meri em i bin mekim wok painia haptaim, olsem i stap long Wastaua (tok Inglis), Julai 1, 1988, p. 13.

23 min: “ ‘Bilip Long Tok Bilong God’ Kibung Distrik Bilong 1997.” (Paragraf 1-15) Ol askim na bekim. Kaunim paragraf 8, 10, na 13. Stori gut olsem em i bikpela samting long yumi mas bihainim ol lo bilong Baibel long pasin bilong ol Kristen long bilas na bihainim ol stretpela pasin na long lukautim gut ol pikinini.

Singsing 71 na beten.

Wik i Kirap Long Ogas 18

Singsing 14

5 min: Ol toksave bilong kongrigesen.

20 min: “ ‘Bilip Long Tok Bilong God’ Kibung Distrik Bilong 1997.” (Paragraf 16-​22) Ol askim na bekim. Kaunim paragraf 16 na ol skripsa. Kamapim klia olsem yumi mas stretim gut ol samting na tingim gut ol narapela, na yumi mas mekim moa yet long taim bilong painim ples sindaun. Bilong pinisim tok, yu ken stori liklik long “Sampela Samting Bilong Kibung Distrik Yumi Mas Tingim.”

20 min: Mekim Ol Gobek Long Buklet Taim Wanpela Long Famili i Dai. Stori long olsem wanem yumi ken kamapim wanpela askim na bekim dispela askim long rot bilong buklet. Olsem: Buklet i gat bekim bilong ol dispela askim: Yumi inap bilip olsem bai yumi lukim ol gen? (Pes 5 na 6) Olsem wanem? I gat rong long yumi krai sori? (Pes 8 na 9) Olsem wanem man i ken karim dispela hevi? (Pes 18) Ol narapela inap mekim wanem? (Pes 20-23) Olsem wanem yumi ken helpim ol pikinini long save gut long indai? (Pes 25) Baibel i gat wanem ol tok bilong strongim yumi? (Pes 27) Nau yu ken stori liklik wantaim tupela pablisa long olsem wanem tupela i bin mekim gobek long dispela buklet na bekim sampela askim bilong ol man long indai. Mekim wanpela soim long olsem wanem yumi ken mekim wok long dispela buklet bilong mekim gobek.

Singsing 94 na beten.

Wik i Kirap Long Ogas 25

Singsing 23

10 min: Ol toksave bilong kongrigesen. Kirapim olgeta long putim ripot bilong wok autim tok. Stori long hap “Olsem Wanem Long Pasin Bilong Yu Long Mekim Wok?”

15 min: “Yupela Mas Skul Gut.” Papa i stori wantaim ol pikinini long ol dispela tok, na em i stori tu long sampela gutpela tok bilong Kirap!, Me 8, 1996, p. 7-​11.

20 min: Autim Tok Bilong Helpim Ol Man. Wanpela elda na wanpela o tupela wokman i stori gen long sampela tok bilong buk Lo, p. 8-​12. Stori long ol bikpela as na yumi mas holimpas stretpela tingting long wok autim tok bilong yumi na wok gut wantaim oganaisesen long olgeta taim.

Singsing 100 na beten.