Ol Miting Bilong Wok Bilong Jun
Wik i Kirap Long Jun 1
Singsing 223
8 min: Ol toksave bilong kongrigesen. Sampela Toksave bilong Wok Kingdom. Tiokratik Nius.
15 min: “Redi Long Mekim Olgeta Kain Gutpela Wok.” Ol askim na bekim. Sapos inap, kamapim sampela sotpela tok bilong Wastaua (tok Inglis), Februeri 15, 1989, p. 22-24.
22 min: “Autim Tok Long Olgeta Kain Man.” Wanpela elda i stori olsem ol samting bilong tilim long Jun, em buk Nambawan Man o buk Stap Oltaim. Elda na sampela pablisa em ol i gat save, ol i stori long ol tok i stap long Wok Kingdom long pasin bilong toktok wantaim ol man. Stori liklik olsem ol man long hap bilong yupela i gat wanem ol bilip na kamapim bilong wanem yumi mas tingim sampela tok bilong kirapim toktok wantaim ol dispela man i gat ol narapela narapela bilip. Mekim wanpela o tupela sotpela soim.
Singsing 112 na beten.
Wik i Kirap Long Jun 8
Singsing 209
8 min: Ol toksave bilong kongrigesen. Ripot bilong ol akaun.
17 min: “Lukautim Ol Samting Bilong Bikman.” Wanpela elda i mekim dispela tok. Em i kamapim ol tok bilong pepa yumi kisim wantaim Wok Kingdom.
20 min: “Bilong Pinisim Wok, Yumi Olgeta i Mas Wok Wantaim.” Ol askim na bekim. Kamapim bilong wanem ol elda i laik bai planti i mas givim han long mekim ol wok yumi mas mekim. Stori long ol samting kongrigesen i ken tingim, olsem klinim Haus Kingdom na stretim sampela samting i bagarap, helpim ol brata sista i gat sik na ol lapun, na autim tok long olgeta hap bilong teritori. Askim ol elda long stori long olsem wanem ol i pilim tru gutpela pasin bilong planti pablisa long givim bel long mekim wok. Kamapim klia olsem, wok olgeta wan wan i mekim em i bikpela samting.
Singsing 153 na beten.
Wik i Kirap Long Jun 15
Singsing 7
5 min: Ol toksave bilong kongrigesen.
20 min: Yupela i Mas Taitim Bun Tru. Kisim ol tok bilong Wastaua, Septemba 1, 1986, p. 23-28 na mekim olsem wanpela tok. Stori olsem, bilong wanem wok painia oltaim em i bikpela samting na i gutpela long kirap long mekim dispela wok long Septemba 1.
20 min: “Gutpela Pasin Bilong Yumi Inap Helpim Wok Autim Tok.” Ol askim na bekim. Toktok wantaim sampela yangpela i stap olsem gutpela piksa. Ol i stori long olsem wanem ol gutpela pasin Kristen bilong ol i mekim ol narapela i amamas long ol. Kamapim wanpela o tupela ekspiriens i stap long Wastaua, Janueri 1, 1995, p. 24, 25.
Singsing 170 na beten.
Wik i Kirap Long Jun 22
Singsing 61
5 min: Ol toksave bilong kongrigesen. Toksave long wanem taim yupela i bin skelim pinis ol akaun bilong kongrigesen.
17 min: Rot Bilong Kirapim Ol Man Long Kisim Ol Magasin Long Olgeta Taim. Stori long ol samting yu mas mekim: Raitim long notbuk olgeta magasin yumi bin tilim, go bek insait long tupela wik, kamapim sampela tok bilong ol nupela magasin bilong kirapim tingting bilong man long laikim yet ol magasin. Yumi ken bringim ol nupela magasin i go long ol man olsem: Ol man i stap klostu long yumi, ol wanwok, ol man i wok long stua, ol man i wok long ol sevis-tesin, na ol narapela hap. Em i gutpela long yu ken tokim ol man bilong wanem i gutpela sapos ol yet i gat sabskripsen bilong ol magasin. Singautim wanpela o tupela pablisa long stori long wanpela gutpela ekspiriens ol i kisim taim ol i bringim ol nupela magasin i go long ol man.
23 min: Ol Painia i Helpim Ol Narapela. Wasman bilong wok autim tok i mekim dispela tok na em i stori long ol samting kongrigesen i stretim bambai ol painia i ken helpim ol narapela. Stori long olsem wanem ol i bin bihainim dispela pasin long bipo. (jv-E 100; km 8/79 4-6) Winim 1 milion nupela i bin kisim baptais insait long tripela yia i go pinis, ol i mas lain long mekim ol wok. Long dispela wok “Ol Painia i Helpim Ol Narapela,” ol painia oltaim na ol painia salim na ol misineri em ol i go pinis long Skul Bilong Wok Painia, ol i ken mekim wok long save ol i kisim pinis. Samting ol bai mekim i olsem: Insait long wanpela yia, olgeta wan wan painia i ken helpim tupela pablisa long save gut long pasin bilong mekim wok autim tok na long mekim bikpela wok moa. Ol pablisa i no ken pret, long wanem, ol painia bai strongim ol long pasin sori na gutpela pasin. Dispela nupela wok inap helpim planti handet tausen pablisa long save gut long autim tok.
Singsing 207 na beten.
Wik i Kirap Long Jun 29
Singsing 114
7 min: Ol toksave bilong kongrigesen. Kirapim olgeta long putim ripot bilong wok autim tok bilong Jun. Stori long ol samting bilong tilim long Julai.
15 min: Sampela tok bilong helpim kongrigesen. O wanpela elda i kamapim ol tok long stori “Olsem Wanem? Mi Slek Long Mekim Wok?” olsem i stap long Wastaua, Janueri 1, 1988, p. 18, 19, par. 14-16. Kirapim ol brata sista i bin mekim wok bilong God inap planti yia pinis long skelim wok ol i bin mekim. Ol i mekim gut dispela wok na ol i mekim bikpela wok, o olsem wanem?
23 min: Yumi Olgeta Inap Autim Tok Long Kain Kain Taim na Ples. Kisim ol tok bilong Wastaua, Julai 1, 1988, p. 24-31 na mekim olsem wanpela tok na sampela askim na bekim. Stori long olsem wanem ol brata sista i no gat planti taim, long wanem, ol i gat wok skin, o wok long famili, o ol i mas mekim sampela wok bilong ol yet, ol i ken painim rot long olgeta de bilong toktok wantaim ol narapela long gutnius. Kamapim sampela ekspiriens long hap bilong yupela.
Singsing 76 na beten.