Ol Miting Bilong Wok Bilong Ogas
Wik i Kirap Long Ogas 3
Singsing 216
10 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na bilong kongrigesen bilong mun Epril.
15 min: “Olsem Wanem? Mun Ogas Bai Kamap Mun Bilong Mekim Gen Bikpela Wok?” Ol askim na bekim. Kirapim olgeta long insait long wok autim tok long mun Ogas na long olgeta wan wan mun long nupela yia bilong wok.
20 min: “Mekim Wok Long Ol Buklet Bilong Kirapim Tingting na Bel Bilong Man.” Toktok wantaim ol brata sista na kamapim sampela askim. Stori liklik long ol buklet Sosaiti i bin wokim bilong helpim ol man long save long ol bikpela tok bilong Baibel. (Lukim Watch Tower Publications Index 1986-1995, p. 652, 653.) Stori liklik long ol nupela buklet na kamapim wanem kain man inap amamas long kisim wanem buklet. Mekim wanpela o tupela soim long pasin bilong tilim tupela buklet long K1.00 o wanpela long 50 toea.
Singsing 191 na beten.
Wik i Kirap Long Ogas 10
Singsing 127
8 min: Ol toksave bilong kongrigesen. Ripot bilong ol akaun. Stori liklik long mak yumi bin putim olsem olgeta pablisa i mas insait long wok autim tok long mun Ogas.
17 min: Sampela tok bilong helpim kongrigesen. O wanpela elda i kisim tok bilong Wastaua, Februeri 15, 1998, p. 8-11, nem bilong en “Papamama—Lukautim Gut Ol Pikinini Bilong Yupela!,” na mekim olsem wanpela tok.
20 min: “Pasin Bilong i Stap Klin i Save Litimapim Nem Bilong God.” Elda i toktok wantaim ol brata sista na kamapim sampela askim. Stori liklik long tok i stap long Wastaua, Disemba 1, 1989, p. 16-22, na Kirap!, Epril 8, 1989, p. 8-11.
Singsing 37 na beten.
Wik i Kirap Long Ogas 17
Singsing 163
12 min: Ol toksave bilong kongrigesen. Stori long “Askim.”
33 min: “Tingim Yet Dispela Bikpela Wok Bilong Kamapim Ol Disaipel.” Ol askim na bekim. Kaunim paragraf 5, 10 na 11. Stori long wok bilong mekim ol Baibel-stadi long kongrigesen. Kirapim olgeta pablisa i mekim ol Baibel-stadi long kaunim gen pepa yumi kisim wantaim Wok Kingdom bilong Jun 1996, bambai wok tisa bilong ol i ken kamap gutpela moa. Kamapim ol tok bilong paragraf 5 na 25 bilong pepa yumi kisim wantaim Wok Kingdom bilong Jun 1996.
Singsing 108 na beten.
Wik i Kirap Long Ogas 24
Singsing 213
10 min: Ol toksave bilong kongrigesen. Stori long ol tok bilong blok i stap long Wok Kingdom bilong Julai 1998, nem bilong en “Tri Tausen Foa Handet!” I gat wanpela Sarere Sande tasol bilong mun Ogas i stap yet, olsem na kirapim olgeta long insait long wok autim tok paslain long mun i pinis. Askim sampela brata sista long stori long pasin bilong kisim nem na atres bilong man yumi autim tok long em long rot, o long maket, o long sampela narapela hap, bambai yumi ken i go bek lukim em.
20 min: Stap Strong Long Wok Painia. Kisim ol tok bilong Wastaua, Septemba 15, 1993, p. 28-31, na mekim olsem wanpela tok. Toktok wantaim wanpela painia em i bin lain long karim sampela bikpela hevi na em i wok yet long mekim wok painia.
15 min: Mekim Gutpela Wok Long Wok Kingdom Bilong Yumi. Toktok wantaim ol brata sista long ol dispela tok na kamapim sampela askim. Mekim wok long ol nupela Wok Kingdom bilong kamapim sampela gutpela tok yumi kisim long taim stret bilong helpim yumi. Olsem: (1) ol stori i save kirapim yumi long autim tok long olgeta taim; (2) ol ekspiriens i save strongim yumi long mekim wok holi bilong yumi; (3) ol tok i save helpim yumi bambai yumi ken mekim gut wok bilong autim gutnius; (4) ol toksave bilong ol nupela buk samting yumi inap kisim em ol i gutpela bilong mekim wok long en long teritori bilong yumi; (5) ol ripot bilong wok autim tok, em ol i kamapim olsem wanem wok bilong Kingdom i go bikpela; (6) Tiokratik Nius, i kamapim stori bilong wok autim tok i go bikpela long olgeta hap; (7) ol toksave na sedyul i save helpim yumi long tingim ol samting bai kamap; (8) ol ‘Askim’ i save kamapim ol tok bilong bekim ol bikpela askim em yumi mas save long en; na (9) ol pepa yumi kisim wantaim Wok Kingdom i save tokim yumi long ol kibung, sampela bikpela wok samting, na ol narapela samting bilong helpim yumi long was i stap long ol samting bilong spirit. Kirapim olgeta long kaunim olgeta wan wan Wok Kingdom, bihainim ol tok bilong en, bringim i kam long ol Miting Bilong Wok na ol bung bilong autim tok, na putim wanpela long fail bilong mekim wok long en long bihain.
Singsing 210 na beten.
Wik i Kirap Long Ogas 31
Singsing 65
12 min: Ol toksave bilong kongrigesen. Kirapim olgeta long putim ripot bilong wok autim tok bilong Ogas. Ol wasman bilong Buk-Stadi Bilong Kongrigesen i mas askim olgeta pablisa long grup, ol i putim ripot pinis o nogat bambai kongrigesen i ken bungim olgeta ripot paslain long Septemba 6. Stori long ol samting bilong tilim long Septemba. Mekim sotpela soim i kamapim dispela askim: “Bilong wanem yumi mas mekim wok long nem bilong God?” Mekim wok long buk Save, sapta 3, par. 6, bilong bekim dispela askim.
15 min: “Ol Wasman i Go Pas Long Wok—Wasman Siaman.” Wasman siaman i mekim olsem wanpela tok. Bihain long em i stori long ol wok em i save mekim, em i ken tok amamas long ol brata sista long wok gut wantaim ol elda taim ol i lukautim ol sipsip.
18 min: Helpim Pikinini Long Winim Ol Hevi Long Skul. Wanpela elda i stori wantaim 2-pela o 3-pela papa o mama em ol i gat ol pikinini i save i go long skul. Stori liklik long sampela hevi i save painim ol pikinini planti taim, olsem Kirap!, Epril 8, 1995, p. 5-7 i stori long en. Nau kamapim ol tok i stap long pes 8-10 na stori long olsem wanem ol papamama i ken lukautim ol pikinini bilong ol na wok gut wantaim ol tisa.
Singsing 24 na beten.