Ol Miting Bilong Wok Bilong Septemba
Wik i Kirap Long Septemba 7
Singsing 28
10 min: Ol toksave bilong kongrigesen. Sampela Toksave bilong Wok Kingdom. Tiokratik Nius.
15 min: “Yumi Inap Mekim Bikpela Wok i Winim Wok Bilong Jisas.” Ol askim na bekim. Kirapim olgeta long putim mak ol i ken winim long nupela yia bilong wok na ol i mas wok strong long winim dispela mak.—Lukim buk Lo, p. 116-118.
20 min: “Ol Painia i Helpim Ol Narapela.” Wanpela elda i stori olsem long rot bilong Skul Bilong Wok Autim Tok, yumi lain long mekim wok, na tu, Sosaiti i bin stretim rot pinis bilong ol painia i ken helpim sampela pablisa long mekim wok autim tok. Elda i mekim askim long dispela stori na ol brata sista i ken bekim, na ol painia na ol pablisa i insait long dispela program ol i ken kamapim sampela tok. Stori long ol samting yumi ken mekim na bai dispela wok i ken helpim gut yumi. Ol painia i ken stori long olsem wanem dispela wok i bin helpim ol yet. Ol pablisa i bin kisim dispela helpim ol i ken stori long olsem wanem ol i bin pilim tru dispela helpim ol i bin kisim, na ol i ken stori long ol samting i bin helpim ol long mekim moa yet wok bilong autim tok na kisim amamas long en.
Singsing 172 na beten.
Wik i Kirap Long Septemba 14
Singsing 160
10 min: Ol toksave bilong kongrigesen. Ripot bilong ol akaun.
15 min: “Mekim Gut Wok Bilong Yu Long Lukautim Famili.” Wanpela elda o wanpela wokman i gat save em i ken kisim ol tok bilong Wastaua, Jun 1, 1998, p. 20-23, na kamapim olsem ol papamama i mas wok strong long mekim stadi wantaim ol pikinini bilong ol long olgeta wik. Kamapim klia ol samting ol papamama i ken mekim bilong tingim narapela narapela save bilong ol pikinini na mekim ol stadi i stret long helpim ol wan wan. Tok amamas long hatwok ol papamama i mekim.
20 min: Olsem Wanem Long Wok Bilong Yumi Long Yia i Go Pinis? Kuskus na wasman bilong wok autim tok i stori long ripot bilong wok autim tok bilong kongrigesen long yia i go pinis na hamas manmeri i bin kam long ol miting. Tupela i stori long ol gutpela samting bilong ripot, na ol i kamapim klia ol samting kongrigesen i ken wok strong long en. Olsem wanem? Olgeta pablisa long kongrigesen i bin insait long wok autim tok long mun Ogas? Stori long ol samting ol elda i ken wok strong long mekim insait long ol mun i kam bihain, na long helpim olgeta pablisa long autim tok long olgeta mun. Kamapim sampela tok long ripot bilong wasman sekit i stret long helpim kongrigesen.
Singsing 144 na beten.
Wik i Kirap Long Septemba 21
Singsing 122
8 min: Ol toksave bilong kongrigesen.
17 min: Sampela tok bilong helpim kongrigesen. O kamapim tok bilong buk Lo, p. 74-76, na kamapim ol bikpela tok long olsem wanem Buk-Stadi Bilong Kongrigesen inap helpim yumi. Kirapim olgeta long go oltaim long ol Buk-Stadi.
20 min: “Save Gut Long Ol Brata Bilong Yu.” Ol askim na bekim. Kamapim tu ol tok bilong Wastaua (tok Inglis), Oktoba 1, 1988, p. 10, 11. Kirapim olgeta long painim rot bilong save gut long narapela narapela.
Singsing 34 na beten.
Wik i Kirap Long Septemba 28
Singsing 17
12 min: Ol toksave bilong kongrigesen. Kirapim olgeta pablisa long putim ripot bilong wok autim tok bilong Septemba. Lukim blok “Wanpela Toksave.” Kirapim olgeta long insait moa long wok bilong autim tok long ol haus long mun Oktoba bambai ol inap tilim planti magasin moa. Lukim Wok Kingdom bilong Oktoba 1996, p. 8, long pasin bilong redim ol tok bilong tilim ol magasin. Mekim soim long pasin bilong tilim wanpela nupela magasin, na long kamapim klia olsem wanem yumi ken tokim man bilong haus olsem i gat liklik pe bilong dispela magasin. Kisim sampela magasin bilong tilim long Sarere Sande.
20 min: “Ol Wasman i Go Pas Long Wok—Wasman Bilong Wok Autim Tok.” Wasman bilong wok autim tok i mekim dispela tok. Bihain long em i stori long ol wok em i save mekim, em i ken stori long sampela samting ol brata sista i ken mekim bambai wok autim tok i ken i go bikpela na kamap gutpela moa.
13 min: Wanem Samting Inap Helpim Yumi Long Kamap Gutpela Pablisa Long Kongrigesen? Wanpela tok, na kamapim sampela askim. Bilong kamap gutpela pablisa, i no olsem yumi mas i gat bikpela save long mekim sampela wok samting, nogat; bikpela samting em yumi olgeta i mas i gat pasin bilong redi long mekim wok, pasin sori, pasin daun, pasin bilong givim bel, na pasin bilong pilim tru dispela wok. Askim ol brata sista long kamapim sampela as na i gutpela long yumi mas i gat ol dispela pasin: (1) pasin bilong amamas, (2) go oltaim long ol miting na bekim tok, (3) laik tru long mekim ol wok yumi kisim na inapim dispela wok, (4) wok gut wantaim ol elda na ol wok ol i stretim insait long kongrigesen, (5) laik tru long helpim ol narapela, na (6) autim tok oltaim na putim hariap ripot long olgeta mun.
Singsing 25 na beten.