Ol Miting Bilong Wok Bilong Oktoba
HARIM: Wok Kingdom bai putim sedyul bilong ol Miting Bilong Wok bilong olgeta wan wan wik bilong ol mun i gat ol kibung distrik long en. Ol kongrigesen i ken mekim sampela senis taim ol i go long “Bihainim Rot God i Makim” Kibung Distrik, na long wik bihain long kibung ol i ken makim 30 minit long Miting Bilong Wok bilong kamapim gen ol bikpela tok i bin kamap long kibung. Taim kibung i no kamap yet makim 3-pela brata em ol inap kamapim ol bikpela tok bilong olgeta wan wan de bilong kibung. Sapos ol i redim gut dispela hap, dispela bai helpim kongrigesen long tingim gen ol bikpela tok bilong kibung ol i mas bihainim long wokabaut bilong ol na mekim wok long en taim ol i autim tok. Ol tok na ol ekspiriens ol brata sista i kamapim i mas sotpela na stret.
Wik i Kirap Long Oktoba 5
Singsing 199
10 min: Ol toksave bilong kongrigesen. Sampela Toksave bilong Wok Kingdom.
15 min: “Ol Wasman i Go Pas Long Wok—Kuskus.” Kuskus bilong kongrigesen i mekim dispela tok na em i stori long ol wok em i save mekim. Em i kirapim ol brata sista long wok gut wantaim em na putim hariap ripot bilong wok autim tok.
20 min: “ ‘Planim Pikinini Kaikai’ Long Rot Bilong Sabskripsen na Ol Nupela Magasin.” Toktok wantaim ol brata sista na mekim sampela askim. Askim sampela pablisa long stori long olsem wanem ol i kirapim wok bilong bringim ol nupela magasin long ol man long olgeta taim. Na mekim wanpela soim long pablisa i tilim magasin na em i stretim rot bilong i go bek lukim man na bringim ol nupela magasin. Na kongrigesen i mas i gat planti pepa bilong wokim sabskripsen bambai ol brata sista i ken mekim wok long en.
Singsing 133 na beten.
Wik i Kirap Long Oktoba 12
Singsing 42
10 min: Ol toksave bilong kongrigesen. Ripot bilong ol akaun.
15 min: “Bihainim Tok Bilong God Insait Long Famili i No Wanbel Long Lotu.” Kisim tok long Wastaua, Jun 1, 1995, p. 26-29 na mekim olsem wanpela tok. Long gutpela pasin kamapim ol tok bilong strongim ol lain em poroman marit bilong ol i no stap long tok i tru, na bai ol i gat stretpela tingting long olgeta taim na stap strong long kongrigesen.
20 min: “Yu Save Kaunim Ol Magasin?” Ol askim na bekim. Kamapim ol tok bilong Buk Bilong Skul, stadi 2, par. 3-9, em i kamapim ol gutpela tok long olsem wanem yumi ken makim taim bilong kaunim ol magasin samting.
Singsing 107 na beten.
Wik i Kirap Long Oktoba 19
Singsing 16
7 min: Ol toksave bilong kongrigesen. Kamapim sampela gutpela tok bilong ol nupela magasin em yumi inap toktok wantaim ol man long en. Stori long ol ekspiriens i stap long yiabuk bilong 1997, p. 45, o Kirap!, Novemba 8, 1996, p. 32. Kirapim olgeta long insait long wok bilong tilim sabskripsen long dispela Sarere Sande.
20 min: “ ‘Bihainim Rot God i Makim’ Ol Kibung Distrik na Kibung Intenesenel Bilong 1998.” (Paragraf 1-16) Ol askim na bekim. Kaunim paragraf 11 na 12. Stori gut olsem em i bikpela samting long yumi mas bihainim gut ol lo bilong Baibel long bilas na pasin bilong yumi, na long lukautim gut ol pikinini bilong yumi.
18 min: Rot Bilong Redim Stadi Wastaua. Wasman bilong Stadi Wastaua i lukautim dispela hap na em i mekim sampela askim. Em i kisim ol tok bilong Wastaua (tok Inglis), Me 15, 1986, p. 19, 20, par. 16-18 na Buk Bilong Skul, stadi 4, par. 8, na stadi 9, par. 3-5. Askim ol brata sista long stori long ol dispela askim: (1) Bilong wanem em i bikpela samting long yumi mas kisim tru ol tok bilong olgeta wan wan Wastaua? (2) Yumi mas mekim wanem taim yumi kisim nupela Wastaua? (3) Wanem pasin bilong redim Wastaua em i gutpela rot yumi ken bihainim? (4) Olsem wanem long ol skripsa i stap long paragraf tasol ol i no kamapim ol tok bilong en? (5) Olsem wanem yumi ken mekim rivyu long ol samting yumi lainim pinis? (6) Wanem ol bikpela tok yumi ken tingim tingim long bel taim yumi pinisim stadi bilong yumi? (7) Yumi mas redim ol bekim bilong yumi olsem wanem? (8) Olsem wanem yumi ken kamapim narapela narapela bekim bilong wanpela askim? Askim sampela long stori long ol yet i bin mekim wanem bambai Stadi Wastaua i ken helpim gut ol.—Lukim tu buk Lo, p. 65-67.
Singsing 95 na beten.
Wik i Kirap Long Oktoba 26
Singsing 98
8 min: Ol toksave bilong kongrigesen. Tokaut long wanem ol olpela buk samting i stap yet long kongrigesen na ol brata sista i ken tilim long taim bilong wok autim tok sapos rot i op.
22 min: “ ‘Bihainim Rot God i Makim’ Ol Kibung Distrik na Kibung Intenesenel Bilong 1998.” (Paragraf 17-22) Ol askim na bekim. Kaunim paragraf 17 na ol skripsa ol i raitim long paragraf. Kamapim klia olsem yumi gat wok long stretim gut ol samting na tingim gut ol narapela, na yumi ken mekim moa yet taim yumi laik painim ples sindaun. Bilong pinisim tok, stori liklik long “Sampela Samting Bilong Kibung Distrik Yumi Mas Tingim.”
15 min: Kam Long Ol Miting Long Taim Stret. Toktok wantaim tupela o tripela wasman bilong Buk-Stadi Bilong Kongrigesen o ol wokman, long hevi bilong i kam bihaintaim long ol miting. Ol i tok olsem i gat sampela hevi inap kamap, olsem bikpela ren samting, planti ka tumas long rot, na dispela inap pasim yumi olgeta long kam hariap long ol miting. Tasol em pasin bilong sampela long kam bihaintaim. Long pasin bilong strongim ol brata, ol i stori long ol samting yumi ken mekim bambai yumi kam hariap long ol miting: (1) yumi pilim tru gutpela samting bilong ol miting na long kaikai bilong spirit na ol gutpela poroman yumi inap painim long ol miting, (2) redi na stretim gut ol samting bilong yumi yet, (3) olgeta wan wan insait long famili i mas wok gut wantaim, (4) lusim haus hariap, na sapos sampela hevi i kamap bai i gat bikpela hap taim yet bilong yumi i kam, na (5) yumi tingim tru ol narapela na yumi no laik pulim tingting na ai bilong ol taim yumi kam bihaintaim. Olgeta i wanbel olsem yumi inap stretim dispela hevi sapos oltaim yumi wok strong long kam long ol miting long taim stret.
Singsing 86 na beten.