Ol Miting Bilong Wok Bilong Novemba
Wik i Kirap Long Novemba 2
Singsing 38
12 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na bilong kongrigesen.
13 min: “Nupela Program Bilong Ol Kibung Bilong 1999.” Kamapim ol tok bilong dispela hap long rot bilong ol askim na bekim.
20 min: “Mi Laik Kirapim Wanpela Baibel-Stadi!” Wasman bilong wok autim tok i mekim dispela tok na kamapim sampela askim. Stori long ol samting kongrigesen bai mekim bilong stretim ol samting bilong mekim bikpela wok moa bilong i go lukim ol gobek. Sapos inap, ol strongpela pablisa i ken wok wantaim ol nupela pablisa. Sapos i no gat planti pablisa long ol ka, ol inap mekim planti gobek moa. Stori long ol tok i stap long pepa yumi kisim wantaim Wok Kingdom, Epril 1998, par. 12-15. Wanpela pablisa i save gut long pasin bilong kirapim Baibel-stadi taim em i mekim gobek, em i ken mekim soim. Kirapim olgeta long wok strong long kirapim nupela Baibel-stadi.
Singsing 35 na beten.
Wik i Kirap Long Novemba 9
Singsing 187
13 min: Ol toksave bilong kongrigesen. Ripot bilong ol akaun. Askim.
15 min: Sampela tok bilong helpim kongrigesen. O kisim ol tok bilong Wastaua, Ogas 15, 1995, p. 3-7 na mekim wanpela tok i stret bilong helpim kongrigesen. Na tu, kisim sampela tok bilong Kirap! Novemba 8, 1989, p. 4-7, na Wastaua (tok Inglis), Me 1, 1991, p. 4-7, i stori long olsem wanem yumi ken karim hevi bilong pasin raskol, na pait na bagarapim man.
17 min: “Strongim Ol Narapela Long Rot Bilong Bekim Tok Long Ol Miting.” Ol askim na bekim. Stori long olsem wanem pasin bilong bekim tok long ol miting inap helpim yumi long kamap strong long ol samting bilong spirit. (Lukim Buk Bilong Skul [tok Inglis], stadi 38, par. 4.) Askim sampela long stori long samting ol i bin mekim bilong daunim pasin bilong sem long bekim tok, na taim ol i kirap long bekim tok long ol miting, dispela i helpim ol olsem wanem.
Singsing 51 na beten.
Wik i Kirap Long Novemba 16
Singsing 182
8 min: Ol toksave bilong kongrigesen.
20 min: “Ol Wasman i Go Pas Long Wok—Wasman Bilong Skul Bilong Wok Autim Tok.” Wasman bilong Skul i mekim dispela tok. Em i ken kamapim ol tok bilong Buk Bilong Skul (tok Inglis), p. 10, 11, par. 6-12.
17 min: “Mekim Gut Wok Autim Tok.” Long rot bilong askim na bekim kamapim ol tok bilong paragraf 1-7 long pepa yumi kisim wantaim Wok Kingdom. Tingting long kamapim gut ol tok i stret long teritori bilong kongrigesen.
Singsing 167 na beten.
Wik i Kirap Long Novemba 23
Singsing 89
8 min: Ol toksave bilong kongrigesen. Stori long ekspiriens i stap long pes 32 bilong Kirap! Ogas 8, 1998, i stori long olsem wanem buk Nambawan Man i bin helpim tru ol manmeri. Olgeta pablisa i mas redi long tilim dispela buk sapos rot i op.
17 min: “Mekim Gut Wok Autim Tok.” Long rot bilong ol askim na bekim stori long ol tok bilong paragraf 8-17 long pepa yumi kisim wantaim Wok Kingdom. Kamapim gut ol tok bilong ol paragraf i stret long teritori bilong kongrigesen.
20 min: Bilong Helpim Yu Long Amamas Long Kaunim Baibel. Kisim ol tok long Wastaua, Me 1, 1995, p. 16, 17, na mekim olsem wanpela tok. Stori long olsem wanem pasin bilong kaunim Baibel long olgeta de inap helpim yumi long ol samting bilong spirit. Stori long ol tok Wastaua i kamapim, na toktok long olsem wanem yumi ken bihainim ol dispela tok. Tupela o 3-pela pablisa i ken stori long olsem wanem pasin bilong kaunim Baibel long olgeta de i wok long helpim ol.
Singsing 46 na beten.
Wik i Kirap Long Novemba 30
Singsing 64
15 min: Ol toksave bilong kongrigesen. Kirapim olgeta long putim ripot bilong wok autim tok. Sapos sampela i no bin kirapim wanpela Baibel-stadi long Novemba, kirapim ol long wok strong yet long Disemba. Wanpela pablisa i save gut, em i ken mekim wok long ol tok bilong blok long buk Save, p. 19 na mekim wanpela soim long pasin bilong mekim gobek; pablisa i stori long olsem wanem buk inap helpim man long save long ol tok bilong Baibel, na nau em i kirapim stadi.
15 min: Mekim Gutpela Wok Long Kalenda Bilong Ol Witnes Bilong Jehova Bilong 1999. Wanpela tok. Stori long ol samting bilong kalenda: (1) ol gutpela gutpela piksa i kamapim stori bilong Baibel, (2) hap bilong Baibel bilong kaunim long haus em sedyul bilong Skul i makim, (3) hap bilong Baibel bilong kaunim wanpela wik paslain long Memorial, (4) ol wik bilong mekim rivyu bilong raitim, na (5) ol toksave bilong kirapim yumi long insait long wok bilong tilim magasin long olgeta taim. Stori long ol samting yumi ken raitim long kalenda, olsem sedyul bilong wok autim tok, ripot bilong wok autim tok na nem bilong ol brata yu pasim tok long wok wantaim ol, ol tok yu bai mekim long Skul o miting samting, de na det samting wasman sekit bai kam lukim kongrigesen na det bilong ol kibung samting. Putim kalenda long ples klia long haus o long ples wok, na ating dispela inap opim rot long yu ken autim tok long ol man. Stori long ekspiriens i stap long yiabuk bilong 1988, p. 8.
15 min: Bilong Wanem Yumi Mas i Gat Laibreri Bilong Yumi Yet? Stori long ol dispela samting: (1) Pasin bilong mekim stadi bilong yumi yet em i bikpela samting long ol Witnes Bilong Jehova. (Jo 17:3) I gutpela long yumi yet sapos long haus bilong yumi yet yumi gat laibreri i gat ol buk bilong Sosaiti bambai yumi ken stadi, na painim bekim bilong ol askim, na redim ol miting. (2) Olgeta wan wan Kristen i mas ‘karim hevi bilong em yet.’ (Ga 6:5) Sapos yumi gat sampela askim, i gutpela sapos yumi yet i stadi bilong painim bekim pastaim, na bihain sapos yumi no painim bekim, orait yumi ken askim ol narapela. Sapos yumi stadi gut long Baibel na mekim gutpela wok long laibreri bilong yumi long haus, bai yumi kisim gutpela tingting na save. (Hi 5:11-14) (3) I gutpela sapos ol papamama i helpim ol pikinini long wokim wanpela laibreri bilong ol yet, na dispela bai helpim ol pikinini long nau na long bihain.
Singsing 121 na beten.