Ol Miting Bilong Wok Bilong Disemba
Wik i Kirap Long Disemba 7
Singsing 186
10 min: Ol toksave bilong kongrigesen. Sampela Toksave bilong Wok Kingdom.
15 min: “Yumi Mas i Go Bek Planti Taim.” Ol askim na bekim. Stori liklik long Esekiel 3:17-19, kamapim klia yumi gat wok yet long toksave long ol man long bagarap bai painim ol.
20 min: “Singautim Ol Man Long Bihainim Nambawan Man Tru.” Toktok wantaim ol brata sista long ol dispela tok. Stretim rot bilong mekim tupela sotpela soim. Stori gut olsem, yumi mas raitim stret ol tok long notbuk taim yumi autim tok long ol haus. Stori liklik long ol samting yumi mas raitim long notbuk.
Singsing 176 na beten.
Wik i Kirap Long Disemba 14
Singsing 206
10 min: Ol toksave bilong kongrigesen. Ripot bilong ol akaun. Kamapim sampela tok long pasin bilong bekim gut tok sapos man i tok “Meri Krismas,” o “Hepi Nu Yia” long yumi. Sapos i gat buk Baibel Stori long kongrigesen, kamapim olsem wanem yumi ken mekim gutpela wok long en taim yumi autim tok long taim bilong Krismas sapos yumi no laik tilim buk Nambawan Man. Yumi ken tilim tu Baibel New World Translation sapos i stret. Toksave long ol bung bilong autim tok long Disemba 25, 27, na Janueri 1.
15 min: “Ol Wasman i Go Pas Long Wok—Wasman Bilong Stadi Wastaua.” Wasman bilong Stadi Wastaua i mekim olsem wanpela tok. Em i stori long ol wok em i save mekim na long olsem wanem olgeta i ken helpim em bambai stadi i ken kamap gutpela na strongim olgeta long ol samting bilong spirit.—Lukim buk Lo, p. 67.
20 min: “Ol i Lukim Yumi i Narapela Kain.” Ol askim na bekim. Stori liklik long olgeta wan wan pasin i mekim yumi i narapela kain. Stori long olsem wanem yumi ken mekim wok long ol dispela tok bilong stiaim ol man i kam long oganaisesen na olsem wanem tok i tru i kamapim ol pasin Kristen long ol man i bihainim tok i tru.
Singsing 146 na beten.
Wik i Kirap Long Disemba 21
Singsing 163
5 min: Ol toksave bilong kongrigesen. Sapos kongrigesen bilong yupela bai senisim taim bilong ol miting long Janueri 1999, long gutpela pasin kirapim olgeta long kam long olgeta miting long ol nupela taim. Tokim ol pablisa long toksave long ol Baibel-stadi na ol nupela sapos i gat sampela senis. Kirapim olgeta pablisa long lukautim gut ol Wok Kingdom na ol pepa yumi kisim wantaim Wok Kingdom. Ating bihain bai yumi mekim wok long ol sampela tok i stap long ol.
15 min: Sampela tok bilong helpim kongrigesen. O kamapim ol tok bilong stori “Olsem Wanem Yu Ken Stretim Gut Laibreri i Gat Ol Buk Bilong Baibel” long Wastaua, Novemba 1, 1994, p. 28-31.
25 min: “Putim Wok Bilong Jehova i Stap Olsem Nambawan Samting Long Laip Bilong Yu.” Ol askim na bekim. Toktok wantaim wanpela man o meri i no marit na wanpela papa, em ol i bin makim taim bilong mekim wok autim tok long olgeta wan wan wik na ol i wok long bihainim gut dispela sedyul. Ol i ken stori long ol samting yumi mas mekim o stretim bambai yumi inap putim ol wok bilong spirit i stap olsem nambawan samting.
Singsing 119 na beten.
Wik i Kirap Long Disemba 28
Singsing 178
5 min: Ol toksave bilong kongrigesen. Kirapim olgeta long putim ripot bilong wok autim tok bilong Disemba. Soim ol buk em ol i bin daunim pe bilong ol na i stap long kongrigesen em yupela inap tilim wantaim buk Stap Oltaim long Janueri. Kirapim ol pablisa long kisim sampela bilong mekim wok long en long dispela Sarere Sande.
15 min: “Skul Bilong Wok Autim Tok Bilong 1999 Inap Helpim Yumi.” Wasman bilong Skul Bilong Wok Autim Tok i mekim olsem wanpela tok. Sampela pablisa i ken stori long sampela gutpela samting i bin kamap taim ol i kaunim long olgeta wik, “Namba Tu Sedyul Bilong Kaunim Baibel.” Strongim olgeta long kaunim Baibel long olgeta de.
25 min: Yu Winim Ol Mak Bilong Kamap Nupela Pablisa? Elda i stori long ol tok bilong buk Lo, p. 97-100. Kaunim sampela hap i stori long mak bilong spirit wanpela nupela man i mas winim bambai em i ken kamap pablisa i no baptais yet. Kirapim ol Baibel-stadi i gat laik long kamap pablisa long toktok wantaim brata o sista i stadi wantaim ol bambai ol i ken stretim rot bilong ol elda i stori wantaim ol long ol mak ol i mas winim. Sapos ol pikinini i gat laik long kamap pablisa, ol i mas toktok wantaim papamama bilong ol.
Singsing 195 na beten.