Ol Miting Bilong Wok Bilong Ogas

Wik i Kirap Long Ogas 2

Singsing 39

8 min: Ol toksave bilong kongrigesen. Sampela Toksave bilong Wok Kingdom. Stori long laspela ripot bilong wok autim tok bilong kantri na bilong kongrigesen. Kirapim olgeta pablisa long insait long wok autim tok long mun Ogas.

17 min: “Tingim Tru Naispela Nem Bilong Jehova.” Kirap bilong tok i no ken abrusim 1 minit, na bihain kamapim ol tok long rot bilong ol askim na bekim. Kamapim ol skripsa em paragraf i no kamapim tok bilong en.​—⁠Lukim buk Stap Oltaim, p. 184-185.

20 min: “Bihainim Savepasin Long Tilim Ol Buk na Nius Bilong Yumi.” Ol askim na bekim. Taim yu stori pinis long ol tok bilong paragraf 7, mekim tupela o tripela sotpela soim long sampela tok bilong paragraf 4-7.

Singsing 148 na beten.

Wik i Kirap Long Ogas 9

Singsing 138

8 min: Ol toksave bilong kongrigesen. Ripot bilong ol akaun.

12 min: Ol Painia i Helpim Ol Narapela​—⁠Wanem Ol Gutpela Samting i Bin Kamap? Wasman bilong wok autim tok i mekim dispela tok na em i toktok wantaim sampela. Stori long ol tok bilong Wok Kingdom bilong Septemba 1998, p. 4. Stori long ol samting kongrigesen i bin mekim bilong stretim dispela wok, na stori long olsem wanem dispela wok i bin helpim ol pablisa em ol painia i bin helpim ol. Toktok wantaim wanpela o tupela painia na sampela pablisa em ol i bin kisim helpim. Strongim ol pablisa i no kisim yet dispela helpim long wok gut wantaim ol painia i helpim ol long bihain.

25 min: “Olsem Wanem? Rot i Op Nau Long Yu Mekim Wok Painia?” Wanpela elda i ken mekim long rot bilong ol askim na bekim. Helpim ol brata sista long save olsem i gat rot long planti pablisa moa i ken mekim wok painia. Toktok wantaim sampela painia na ol i ken kamapim ol ekspiriens bilong ol yet long olsem wanem ol bin winim ol hevi i save painim ol painia, na ol i mekim gut wok painia. Stori long “Sampela Sedyul Bilong Wok Painia Oltaim,” na kamapim klia olsem sapos ol i stretim gut ol samting, dispela bai helpim ol long winim ol aua. Tokim ol brata sista, sapos wanpela i laik kisim aplikesen bilong mekim wok painia, em i ken kisim wanpela bihain long miting.

Singsing 202 na beten.

Wik i Kirap Long Ogas 16

Singsing 131

10 min: Ol toksave bilong kongrigesen. I gat tupela Sarere Sande tasol i stap yet, olsem na kirapim olgeta brata sista long insait long wok autim tok paslain long mun i pinis. Stori long Askim.

15 min: Sampela tok bilong helpim kongrigesen. O elda i ken kamapim ol tok bilong stori “Wok Long Kamap Strong Moa Long Ol Samting Bilong Spirit!” long Wastaua, Oktoba 1, 1998, p. 28-​31.

20 min: Yu Insait Long Wok Bilong Kamapim Ol Disaipel? Brata i mekim dispela tok na em i kamapim sampela askim. Yumi save tilim planti buk na nius samting, olsem na yumi mas tingting long kirapim ol Baibel-stadi bambai yumi ken helpim ol man na bai ol buk na nius ol i bin kisim em i ken helpim ol. Askim ol pablisa long stori long ol hevi i save pasim ol na ol i no save mekim planti Baibel-stadi: (1) I hatwok long painim ol man i gat laik long stadi. (2) Sampela manmeri i amamas long harim tok, tasol ol i tok ol i gat planti wok tumas na ol i no gat taim bilong stadi. (3) Bihain long taim yumi kirapim pinis stadi, planti taim man i no stap long haus bambai yumi ken mekim stadi long olgeta taim. Stori tu long tingting bilong sampela pablisa long wok bilong mekim ol Baibel-stadi: (1) ‘Mi no ting mi wanpela gutpela tisa.’ (2) ‘Mi no gat taim bilong mekim Baibel-stadi long olgeta wik.’ (3) ‘Mi no laik long lusim taim bilong mi long helpim narapela man.’ (4) ‘Mi amamas long insait long sampela narapela hap wok bilong autim tok.’ Kamapim sampela gutpela tok bilong helpim ol long winim ol dispela hevi bambai ol i ken insait long wok bilong kamapim ol disaipel. Askim ol pablisa i save mekim gut ol Baibel-stadi long stori long amamas ol i kisim long wok bilong mekim ol Baibel-stadi.​—⁠Lukim pepa yumi kisim wantaim Wok Kingdom, Epril 1998, par. 3-8, 15.

Singsing 100 na beten.

Wik i Kirap Long Ogas 23

Singsing 94

8 min: Ol toksave bilong kongrigesen.

20 min: Helpim Ol Nupela Man Long Pilim Tru Olsem Marit i Samting Holi. Elda i kisim ol tok long buk Toktok Gut, p. 256-258, na em i toktok wantaim ol brata sista na mekim sampela askim. Yumi save bungim sampela man na meri i amamas long harim tok bilong Kingdom, tasol ol i no save kamap strong hariap, long wanem, ol i no marit stret​—⁠ol i sindaun nating wantaim. Stori long olsem wanem yumi ken helpim ol long save gut bilong wanem ol Kristen i mas bihainim stretpela pasin bilong marit. (Lukim Wastaua, Jun 15, 1998, p. 9-11.) Stori long ol tok yumi ken mekim bilong helpim ol long save ol i no inap i stap insait long kongrigesen sapos ol i no marit stret olsem lo bilong gavman i makim.

17 min: “Skul na Ol Wok Bilong Spirit Yu Laik Mekim.” Wanpela papa i stori wantaim pikinini man o pikinini meri long ol dispela tok. Ol i kamapim tu sampela tok bilong Wastaua, Februeri 1, 1996, p. 9-14.

Singsing 133 na beten.

Wik i Kirap Long Ogas 30

Singsing 99

10 min: Ol toksave bilong kongrigesen. Ol brata i lukautim Buk-Stadi ol i mas tokim ol pablisa long grup bilong ol long putim ripot bilong wok autim tok bilong Ogas.

17 min: Yumi Laikim Ol Brata Bilong Yumi. Wanpela elda i mekim dispela tok, na em i ken kamapim ol tok bilong Wastaua, Disemba 1, 1995, p. 16-17, par. 7-11, na mekim sampela askim. Stori olsem, taim yumi save gut long ol brata bilong yumi na strongim narapela narapela, na helpim narapela narapela long karim ol hevi, dispela pasin i save helpim yumi olgeta. Kamapim sampela tok long olsem wanem yumi ken bihainim moa yet dispela pasin. Askim ol brata sista long stori olsem taim ol narapela i mekim pasin sori long ol na strongim ol, dispela i bin givim nupela strong long ol na strongim bel bilong ol.

18 min: Kamapim Klia As Bilong Bilip Bilong Yu. Elda i ken toktok wantaim wanpela o tupela yangpela em ol i stap long skul, na ol i save bihainim gutpela pasin. Ol wanlain bilong ol long skul i save askim ol planti taim bilong wanem ol i no save insait wantaim ol long sampela samting ol i mekim. Tru, kain samting olsem i save opim rot long ol i ken kamapim klia bilip bilong ol em Baibel i as bilong en, tasol ol yangpela bilong yumi i mas strong tu long sakim ol dispela samting ol wanlain bilong ol i laik pulim ol long mekim. Ol i stori long ol samting ol i ken mekim taim ol narapela i laik givim smok o drak long ol. Kamapim sampela tok bilong buk Sampela Askim Bilong Ol Yangpela, pes 277-​281. Kamapim klia olsem taim ol i sanap strong long sakim ol pasin nogut na bihainim ol stretpela pasin, dispela i save lukautim ol na i litimapim nem bilong God.

Singsing 129 na beten.