Ol Toksave

◼ Samting bilong tilim long Ogas: Wanpela bilong ol dispela buklet long 70 toea: Stap Amamas Oltaim Long Graun!, Wanpela Gavman Em Bai Kamapim Paradais, Harim! Mi Mekim Olgeta Samting i Kamap Nupela!, Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem?, Taim Wanpela Long Famili i Dai, Tewel Bilong Ol Daiman. Septemba: Buk Save i Bringim Man Long Laip Oltaim. Oktoba: Wastaua na Kirap! Taim yu mekim gobek na man i amamas long harim tok, traim long tilim sabskripsen. Novemba: Buklet God i Laik Yumi Mas Mekim Wanem? o buk Save i Bringim Man Long Laip Oltaim. Long ol hap yu tilim pinis dispela buk o buklet, yu ken tilim buk Yu Inap i Stap Oltaim Long Paradais Long Graun. Disemba: Buk Nambawan Man Tru, o buk Baibel Stori, o buk Stap Oltaim.

◼ Long olgeta ples, sampela taim insait long yia ol holide bilong dispela graun i save kamap na ol skulmanki na ol wokman i save malolo. Dispela i save opim rot bilong kongrigesen i ken mekim bikpela wok moa bilong autim tok. Ol elda i mas tingim wanem de ol dispela holide bai kamap na toksave hariap long kongrigesen long ol bung bilong autim tok long dispela taim.

◼ Komiti Bilong Lukautim Wok Bilong Kongrigesen i mas salim hariap ol aplikesen bilong ol pablisa i laik mekim wok painia oltaim. Komiti i no ken holim aplikesen i stap bilong skelim dispela pablisa, em inap winim ol aua em i mas kisim o nogat. Sapos aplikesen i kam bihain long det pablisa i makim bilong kirap mekim wok painia, Sosaiti inap senisim dispela det. Maski aplikesen i kam bihain, Sosaiti i no inap makim dispela mun olsem mun em i bin kirap mekim wok painia, tasol ating ol inap mekim olsem sapos i gat wanpela bikpela as tru long mekim. Sapos kain samting olsem i kamap, orait yupela i mas raitim pas na salim i kam wantaim aplikesen.​—⁠Lukim Wok Kingdom, Septemba 1986, pes 2-3.

◼ Ol kongrigesen i ken kirap long putim oda bilong 2000 Calendar of Jehovah’s Witnesses taim ol i putim oda bilong ol litresa bilong Septemba. Yupela inap kisim tu ol kalenda long ol dispela tok ples, olsem: tok Frans, Japan, Jeman, Korea, Saina, Spen, na Swiden.

◼ Liklik Nius Yu Inap Kisim Gen:

T-15 Gutpela Sindaun Long Nupela Taim​—⁠Tok Pisin