Ol Miting Bilong Wok Bilong Novemba
HARIM: Wok Kingdom bai putim sedyul bilong Miting Bilong Wok bilong Novemba, Disemba, na Janueri. Kongrigesen i ken mekim sampela senis taim ol i go long “Tok Profet Bilong God” Kibung Distrik, na long wik bihain long kibung ol i ken makim 30 minit long Miting Bilong Wok bilong kamapim gen ol bikpela tok i bin kamap long kibung. Taim kibung i no kamap yet, makim 3-pela brata em ol inap kamapim ol bikpela tok bilong olgeta wan wan de bilong kibung. Sapos ol i redim gut dispela hap, dispela bai helpim gut kongrigesen long tingim gen ol bikpela tok bilong kibung ol i mas bihainim long wokabaut bilong ol na mekim wok long en taim ol i autim tok. Ol tok na ol ekspiriens ol brata sista i kamapim i mas sotpela na stret.
Wik i Kirap Long Novemba 1
Singsing 156
10 min: Ol toksave bilong kongrigesen. Sampela Toksave bilong Wok Kingdom.
15 min: “Wok Autim Tok i Makim Olsem Yumi Stap Narapela Kain.” Kirap bilong tok i no ken abrusim wanpela minit, na bihain mekim ol askim. Lukim buk Save, p. 173, par. 8, na stori liklik long ol tok yumi ken mekim bilong strongim ol Baibel-stadi long winim ol mak bilong insait long wok autim tok.
20 min: “Husat Bai Orait Long Stadi Long Baibel?” Wanpela tok na ol soim. Stret wantaim ol tok bilong paragraf 4, stori long sampela rot bilong kirapim tingting bilong ol man na bai ol i gat laik long kisim save long ol tok i stap insait long ol buk na nius bilong yumi. Mekim tupela sotpela soim long dispela samting. Askim ol brata sista long stori long olsem wanem ol i bin kirapim ol Baibel-stadi.
Singsing 198 na beten.
Wik i Kirap Long Novemba 8
Singsing 204
10 min: Ol toksave bilong kongrigesen. Ripot bilong ol akaun.
15 min: Askim. Wanpela tok. Stori long ol samting kongrigesen i ken mekim long wok bilong klinim Haus Kingdom na lukautim gut.
20 min: “Bilong Wanem Ol Kristen i No Save Smok o Kaikai Buai?” Ol askim na bekim. Kamapim gut ol skripsa. Stori long ekspiriens i stap long Wastaua, Ogas 1, 1997, p. 7. Na sapos i gat taim yu ken stori long ol ekspiriens bilong yiabuk bilong 1991, p. 240-242.
Singsing 208 na beten.
Wik i Kirap Long Novemba 15
Singsing 211
10 min: Ol toksave bilong kongrigesen na sampela ekspiriens bilong wok autim tok.
15 min: Wanpela elda i gat save em i ken mekim tok “Yumi Mas Nolaik Tru Long Pasin Nogut” long Wastaua, Janueri 1, 1997, p. 26, i go inap long liklik het-tok long p. 27, “Taim Kristen i Dediket Pinis i Mekim Rong.” Bihainim stret ol tok bilong Wastaua. Sapos i no gat elda, ritim tasol dispela tok long kongrigesen na ritim tu ol skripsa em ol i kolim sapta na ves tasol.
20 min: Ol Papamama—Yupela i Save Mekim Famili-Stadi Long Olgeta Taim? Wanpela tok na mekim sampela askim. Kamapim klia i gat wanem as na ol famili i mas stadi wantaim. (Lukim Buk Bilong Skul, p. 9, par. 9 [p. 10, par. 9, olpela buk.]) Stori long ol dispela samting em inap pasim ol long mekim famili-stadi: (1) ol i ting olsem ol pikinini i liklik tumas na ol i no inap kisim gut ol tok bilong stadi, (2) ol i ting pasin bilong go long ol miting bilong kongrigesen em inap, (3) skin bilong ol i les, long wanem, ol i gat planti wok tumas bilong mekim, na (4) pasin bilong lukluk long televisen i pulim ol. (Lukim Wastaua, Me 15, 1994, p. 11-12.) Askim ol papa long stori long ol samting ol i save mekim bilong sakim ol samting i laik pasim ol long mekim famili-stadi long olgeta taim. Kamapim gut olsem, bilong mekim famili-stadi, olgeta i mas wok strong, na wok gut wantaim.
Singsing 217 na beten.
Wik i Kirap Long Novemba 22
Singsing 158
15 min: Ol toksave bilong kongrigesen. Stori long hap “Nupela Program Bilong Ol Kibung.”
15 min: Yu Gat Wanem Tingting Long Ol Wok Yu Kisim? Wanpela elda i mekim olsem wanpela tok. I gat planti samting yumi mas mekim bilong helpim kongrigesen long wok gut: redim ol tok bilong yumi; kisim ol narapela long ka na bringim ol i kam long miting o autim tok; helpim ol lapun; klinim, stretim, na lukautim ol samting bilong Haus Kingdom, na katim gras tu. Yu save mekim wanem taim ol i askim yu long mekim ol dispela wok? Ating sampela i no mekim, na sampela bai mekim, tasol ol i no amamas tumas long mekim, o ol i kirap long mekim tasol ol i no pinisim dispela wok. Stori bilong wanem, taim yumi mekim wanpela wok na mekim gut na pinisim, dispela em i wanpela gutpela samting tru. Strongim olgeta long kongrigesen long bihainim pasin bilong givim bel long mekim wok.—Sng 110:3; Ais 6:8.
15 min: Wanpela elda i gat save em i mekim tok “Yumi Mas Nolaik Tru Long Pasin Nogut” long Wastaua, Janueri 1, 1997, kirap long liklik het-tok long pes 27, “Taim Kristen i Dediket Pinis i Mekim Rong,” i go inap long pinis bilong pes 29. Bihainim stret ol tok bilong Wastaua. Sapos i no gat elda, ritim tasol dispela tok long kongrigesen na ritim tu ol skripsa em ol i kolim sapta na ves tasol.
Singsing 223 na beten.
Wik i Kirap Long Novemba 29
Singsing 215
10 min: Ol toksave bilong kongrigesen. Kirapim tingting bilong ol pablisa long putim ripot bilong Novemba.
15 min: Kirapim Ol Nupela Long Kam Long Ol Miting. Wanpela elda i stori wantaim wanpela o tupela wokman long ol tok bilong buklet Ol Witnes Bilong Jehova, p. 14-15. Stori long i gat wanem as na em i bikpela samting long ol nupela i mas go long ol miting. Long ol miting, ol bai kisim planti tok bilong skulim na strongim na helpim ol. Stori long ol faipela miting i save kamap long olgeta wik na ol dispela miting wan wan i helpim yumi olsem wanem. Stori long olsem wanem ol miting i save helpim yumi long bihainim ol pasin bilong God, helpim yumi long kamap strong long ol samting bilong spirit, helpim yumi long go klostu long oganaisesen, helpim yumi long pas gut wantaim ol narapela, na helpim yumi long save long as na yumi mekim wok autim tok. Strongim ol brata sista long mekim wok long dispela buklet bilong kirapim ol nupela long kam long ol miting.
20 min: Sampela tok bilong helpim kongrigesen o mekim tok “Putim Ol Bikpela Samting i Go Pas Long Ol Narapela Wok,” olsem i stap long Wastaua, Septemba 1, 1998, p. 19-21. Em i ken mekim long pasin bilong strongim ol brata sista.
Singsing 205 na beten.