Ol Miting Bilong Wok

Wik i Kirap Long Mas 13

Singsing 118

10 min: Ol toksave bilong kongrigesen. Sampela Toksave bilong Wok Kingdom.

15 min: “Yumi Autim Gutnius.” Kirap bilong tok i no ken abrusim wanpela minit, na bihain kamapim ol askim na bekim. Kamapim tok bilong sampela gutpela skripsa i stap long buk Save em yumi inap mekim wok long en taim yumi tilim buk.

20 min: “Inap Yumi Mekim Bikpela Wok Moa Long Epril 2000 Winim Olgeta Mun Bipo?” (Paragraf 1-11) Ol askim na bekim. Kolim namba i winim olgeta narapela mun bilong ol brata sista i bin mekim wok painia haptaim long kongrigesen. Sampela i bin insait long wok painia haptaim long dispela mun, ol i ken stori long olsem wanem dispela i bin helpim ol yet taim ol i mekim bikpela wok moa. Kirapim kongrigesen long wok strong long Epril bambai planti brata sista moa i ken mekim wok painia haptaim, winim olgeta narapela mun bipo. Stori long ol mak ol painia haptaim i mas winim olsem buk Lo, p. 113, 114 i kolim. Ol pablisa i laik mekim wok painia haptaim, ol i ken kisim aplikesen bihain long miting.

Singsing 187 na beten.

Wik i Kirap Long Mas 20

Singsing 21

10 min: Ol toksave bilong kongrigesen. Ripot bilong ol akaun. Stori liklik long sampela tok yumi ken mekim olsem i stap long hap “Bai Mi Tok Wanem?” long pes 7.

15 min: “Mi Inap Mekim Wanem?” Wanpela wasman bilong Buk-Stadi i stori long ol tok bilong dispela hap wantaim wanpela o tupela wokman. I gat kain kain samting inap pasim yumi, olsem na ating sampela pablisa i pilim olsem ol i no inap mekim bikpela wok tumas long kongrigesen. Stori long sampela samting yumi olgeta inap mekim bilong strongim kongrigesen na bilong mekim wok bilong Kingdom. Bilong pinisim tok, yu ken stori long olsem wanem “Yumi Ken Insait Long Laspela Ripot.”​—⁠Lukim buk Lo, p. 108, 109.

20 min: “Inap Yumi Mekim Bikpela Wok Moa Long Epril 2000 Winim Olgeta Mun Bipo?” (Paragraf 12-18) Ol askim na bekim. Mekim wanpela sotpela soim long olsem wanem yumi ken singautim wanpela man yumi save long em i kam long Memorial. Stori long ol samting bilong mun Epril long kalenda bilong 2000, na toksave long ol bung bilong wok autim tok em kongrigesen i stretim pinis. Kirapim olgeta wan wan long wokim gutpela sedyul bilong ol i ken insait long wok autim tok long mun Epril inap long skel bilong ol, na long dispela rot olgeta pablisa bilong kongrigesen bai mekim wok. Kirapim olgeta pablisa em ol inap mekim wok painia haptaim long mekim dispela wok, na long kisim aplikesen bihain long miting. Kirapim ol brata long mekim wok long sedyul bilong wok painia i stap long pes 6.

Singsing 65 na beten.

Wik i Kirap Long Mas 27

Singsing 119

10 min: Ol toksave bilong kongrigesen. Kirapim olgeta long putim ripot bilong wok autim tok bilong Mas. Toksave long nem bilong ol brata sista bai mekim wok painia haptaim long Epril. Toksave olsem i gat taim yet long putim aplikesen. Toksave long olgeta bung bilong wok autim tok bai kamap long mun Epril. Kirapim olgeta long insait long wok autim tok long dispela Sarere Sande bambai yumi ken mekim gutpela wok long kirap bilong Epril. Bai yumi tilim Wastaua na Kirap! long dispela mun. Kamapim wanpela tok na wanpela stori bilong nupela Wastaua na Kirap!, em yumi ken mekim wok long en bilong toktok wantaim ol man. Olgeta i mas i gat wanpela buklet Yumi Mas Mekim Wanem? i stap long han paus, na ol i mas wok strong long mekim wok long en bilong kirapim Baibel-stadi wantaim ol man i laik harim tok.

13 min: “Askim Ol Long Helpim Yu.” Elda i mekim olsem wanpela tok na mekim sampela askim. Stori long olsem wanem yumi olgeta i mas kisim sampela kain helpim long sampela taim. Tru, yumi wan wan i mas karim ol hevi bilong yumi yet. (Ga 6:⁠5) Tasol sapos yumi no inap karim ol hevi, yumi no ken surik long askim wanpela strongpela brata o sista bilong kongrigesen long helpim yumi. Askim ol brata sista long stori long sampela ekspiriens i kamapim olsem wanem gutpela helpim ol narapela i givim i bin strongim ol.

10 min: Sampela tok bilong helpim kongrigesen. O mekim wanpela tok long “Ol i Kisim Strong Long Tok Nogat Long Pasin i No Stret,” olsem i stap long Wastaua, Oktoba 1, 1999, p. 28-31.

12 min: Wasman siaman i stori long ol tok bilong buk Lo, pes 173-175, aninit long het-tok “Toksave Bilong Ol Elda Bilong Kongrigesen.” Dispela hap i stori long ol samting ol elda i ken mekim bilong helpim ol nupela manmeri long kamap strong long ol samting bilong spirit. Kirapim ol man i tingting long kisim baptais long toksave long dispela samting long wasman siaman inap sampela wik paslain long narapela kibung sekit o kibung distrik. Dispela bai helpim em long stretim gut ol samting bambai ol elda i ken mekim ol askim bilong kisim baptais.

Singsing 195 na beten.

Wik i Kirap Long Epril 3

Singsing 72

10 min: Ol toksave bilong kongrigesen na sampela ekspiriens bilong wok autim tok. Stori long sampela ekspiriens i bin kamap nau tasol long hap bilong yupela, na ol inap kirapim ol narapela long insait long wok autim tok.

17 min: “Samting Bilong Helpim Famili Bilong Yu.” Ol askim na bekim. Kamapim sampela gutpela tok bilong buk Famili i Ken Stap Amamas. Kirapim olgeta long go long Buk-Stadi Bilong Kongrigesen long olgeta taim.

18 min: Mi Mas Kamapim Bikpela Rong Narapela i Mekim? Wanpela elda i mekim gut dispela tok i go long ol yangpela. Planti hevi i wok long kamap long sindaun bilong ol man long taim bilong yumi, na ol dispela hevi i bagarapim ol yangpela. Olsem: Ol man i no bihainim moa ol gutpela pasin, pasin bilong pait na bagarapim ol man i go bikpela, ol i kalabus long ol drak, na ol i no daun moa long man i gat namba. Sampela yangpela i save mekim gutpela pasin long ai bilong ol man, tasol long pasin hait ol i mekim ol rong. Dispela samting inap bagarapim tru kongrigesen long ol samting bilong spirit. Sampela i mekim bikpela rong tru na ol i no laik ol narapela i save long dispela. Sapos yu save olsem wanpela brata o sista long kongrigesen i bin mekim wanpela bikpela rong i brukim tru lo bilong God, yu mas mekim wanem? Stori long lo i stap long Wok Pris 5:⁠1. (Lukim Wastaua, Ogas 15, 1997, p. 27-30. ) Kamapim tok bilong buk Askim Bilong Ol Yangpela, p. 68, 69, na kamapim klia ol samting yumi ken mekim taim wanpela i mekim rong.

Singsing 68 na beten.