Ol Toksave

◼ Samting bilong tilim long mun Me: Tilim nius Wastaua na Kirap! Holim sampela buklet Yumi Mas Mekim Wanem? bilong tilim long ol man i laik harim tok, na traim long kirapim Baibel-stadi. Jun: Tilim buklet God i Laik Yumi Mas Mekim Wanem? Wok strong long kirapim ol Baibel-stadi. Julai na Ogas: Yupela i ken tilim wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim Yu o Nogutim Yu? Septemba: Buk Rot Bilong Famili i Ken Stap Amamas.

◼ Ol kongrigesen na grup i gat hevi long olgeta taim long kisim ol nius na ol Wok Kingdom ol i mas toksave long brens-ofis.

◼ Mipela i laik kirapim tingting bilong olgeta pablisa long yupela i no ken mekim wok long atres bilong brens-ofis long ol pas bilong yupela yet olsem atres ol man i ken bekim pas bilong yupela long en, em ol kain pas olsem: Ol pas na ol buk samting yupela i salim bilong autim tok long ol man i gat laik long harim tok i tru, na ol pas yupela i raitim i go long ol man yupela i no inap painim long haus taim yupela i raun autim tok, na ol man i stap long ol longwe ples. Taim yupela i laik autim tok long rot bilong pas, mekim wok long atres bilong yupela yet o bilong Haus Kingdom yupela i save go long en. Plis, no ken mekim wok long atres bilong brens-ofis.

◼ Wasman siaman o wanpela brata em wasman i makim, em i mas skelim ol akaun bilong kongrigesen long Jun 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.