Ol Miting Bilong Wok
Wik i Kirap Long Me 8
Singsing 125
8 min: Ol toksave bilong kongrigesen na sampela Toksave bilong Wok Kingdom.
17 min: Wanem Samting Inap Helpim Marit Long Kamap Gutpela? Stori long 8-pela rot i stap long p. 261, 262 bilong buk Toktok Gut. Skelim taim bilong kaunim na kamapim insait bilong wanpela o tupela bikpela skripsa bilong olgeta wan wan hap bilong dispela rot na stori liklik tasol long tok bilong ol narapela skripsa. Kirapim olgeta marit long kaunim buk Famili i Ken Stap Amamas, sapos ol i no bin mekim yet. Kirapim olgeta long tingim olsem em i bikpela samting long i go long Buk-Stadi Bilong Kongrigesen long olgeta wik nau long dispela taim yumi kirap long stadi long dispela buk.
20 min: Yu Save Putim Ripot? Wanpela elda o wanpela wokman i gat save long mekim gut tok, em i stori olsem long olgeta wik olgeta wan wan pablisa i mas raitim gut olgeta samting bilong wok autim tok long ripot, na long pinis bilong mun ol i mas putim hariap ripot bilong ol. Mekim wok long buk Lo, p. 108, 109 bilong kamapim klia bilong wanem em i bikpela samting long yumi mas putim ripot. Sapos ol pablisa i save putim ripot bihaintaim, orait stori long sampela rot bilong stretim dispela hevi. Olsem: Yumi mas i gat planti pepa bilong raitim ripot na yumi mas tingim wok bilong putim ripot i olsem hap wok bilong spirit yumi mas mekim long olgeta taim. Long ol kongrigesen i save mekim ol miting bilong ol long wanpela de tasol long wik, kirapim ol pablisa long raitim ripot hariap bambai ol i ken putim long laspela de bilong mun, o paslain long namba 6 de bilong narapela mun. Sapos i gat taim, mekim wok long blakbot bilong helpim ol brata sista long save long pasin bilong raitim stret ol samting long pepa Ripot Bilong Wok Autim Tok na Ripot Bilong Stadi, sapos sampela i no save gut long raitim ol dispela ripot.
Singsing 201 na beten.
Wik i Kirap Long Me 15
Singsing 134
10 min: Ol toksave bilong kongrigesen. Ripot bilong ol akaun.
19 min: “ ‘Traim Wok Bilong Ol’—Olsem Wanem?” Wanpela elda i mekim dispela tok. Skelim tok Baibel i mekim long pasin bilong mekim wok long ol wokman insait long kongrigesen. (Lukim buk Insight (tok Inglis), Vol. 2, p. 409.) Kamapim ol mak ol i mas winim bilong kamap wokman. (Lukim buk Lo, p. 55-57.) Stori long ol wok ol i inap long mekim, na kirapim sampela brata moa long traim kisim dispela gutpela wok.
16 min: “Gutpela Wok Ol Yangpela Inap Mekim.” Wanpela tok na stori wantaim ol brata sista. Kamapim sampela ekspiriens i stap long Wastaua bilong Disemba 1, 1996, p. 13, par. 15. Askim ol yangpela long stori long amamas ol i bin kisim taim ol i tilim ol nius. Wanpela o tupela yangpela i ken mekim sotpela soim long pasin bilong tilim nius taim yumi raun long ol haus. Kirapim ol papamama long kisim ol pikinini bilong ol i go wantaim ol long tilim nius long olgeta wik.
Singsing 203 na beten.
Wik i Kirap Long Me 22
Singsing 36
5 min: Ol toksave bilong kongrigesen.
20 min: “Yupela i Mas Was i Stap.” Ol askim na bekim. Stori gut bilong wanem em i bikpela samting long yumi mas was i stap long ol samting bilong spirit, maski yumi no save long wanem de na aua ol samting bai kamap.—Lukim Wastaua bilong Novemba 1, 1995, p. 20.
20 min: Rot Bilong Stretim Ol Hevi Long Pasin Isi. Wanpela elda i mekim olsem wanpela tok em i kisim long Wastaua bilong Novemba 1, 1998, p. 4-7.
Singsing 83 na beten.
Wik i Kirap Long Me 29
Singsing 135
12 min: Ol toksave bilong kongrigesen. Kirapim olgeta brata sista long putim ripot bilong mun Me. Mekim sotpela soim long pasin bilong tilim buklet yumi bai tilim long Jun. Soim ol brata sista long pasin bilong mekim wok long stadi 13 bilong buklet God i Laik Yumi Mas Mekim Wanem? bilong kirapim Baibel-stadi.
15 min: “Amamas Long Mekim Wok Bilong God.” Wanpela tok. Stori long ol as na yumi ken amamas long wok autim tok yumi save mekim.—Lukim buk Insight (tok Inglis), Vol. 2, p. 120.
18 min: Pasin Bilong Kaunim Baibel i Save Helpim Gut Yumi. Wanpela tok na soim em tok bilong en ol i kisim long buk Wanbel, p. 25-28. I gat sedyul bilong kaunim Baibel olsem wanpela hap bilong Skul Bilong Wok Autim Tok na long dispela skul ol i save kamapim bikpela tok bilong dispela hap bilong Baibel. (Wok Kingdom bilong Disemba 1999, p. 7) Mekim soim olsem: Wanpela famili i skelim sampela ves bilong Baibel em Skul i makim bilong kaunim long dispela wik, na ol i skelim ol ves wantaim dispela faipela hap-tok i stap long lista long p. 27 bilong buk Wanbel. Soim ol brata long olsem wanem pasin bilong kaunim Baibel i ken kamap gutpela moa, na dispela bai helpim yumi long “holimpas tok i gat laip.”— Fl 2:16.
Singsing 95 na beten.
Wik i Kirap Long Jun 5
Singsing 37
15 min: Ol toksave bilong kongrigesen. Mekim soim long pasin bilong kirapim wanpela Baibel-stadi long buklet God i Laik Yumi Mas Mekim Wanem? na mekim wok long tok i stap long Wok Kingdom bilong Janueri 1999, p. 3, par. 5.
15 min: Taim Ol Raskol i Holim Gan na i Kam. Wanpela elda i mekim olsem tok. Em i kisim ol tok long Wastaua, Disemba 15, 1998, p. 21-25. Kamapim ol tok i stret long ol samting i wok long kamap long hap yupela i stap long en. Kirapim ol sista long kaunim Kirap! bilong Februeri 8, 1994 i stori long reip.
15 min: Askim. Kamapim stori bilong en.
Singsing 82 na beten.