Ol Miting Bilong Wok
Wik i Kirap Long Disemba 11
Singsing 50
10 min: Ol toksave bilong kongrigesen. Sampela Toksave bilong Wok Kingdom. Sapos kongrigesen i gat sampela buk Nambawan Man Tru long buk-rum, orait stori long olsem wanem ol pablisa inap mekim gutpela wok long en long autim tok long taim bilong Krismas na Nu Yia. Kirapim olgeta long lukim video The Bible—Accurate History, Reliable Prophecy bilong redi long ol tok bai kamap long Miting Bilong Wok long wik i kirap long Disemba 25. Brata bai mekim wok long ol askim i stap long pes 5 long dispela Wok Kingdom. Stretim rot long lukim dispela video wankain olsem yupela i bin mekim taim yupela i lukim video Jehovah’s Witnesses—The Organization Behind the Name.
15 min: “Pret Long Jehova Long Olgeta Taim.”* Stori tu long insait bilong dispela tok pret long God, olsem i stap long Kirap!, Janueri 8, 1998, p. 26. Stori long gutpela samting yumi kisim taim yumi pret long Jehova.
20 min: “Pasin Bilong Ol Wanlain Long Pulim Yu na Wok Bilong Yu Long Autim Tok.” Wanpela tok na toktok wantaim sampela. Askim ol brata sista i bin kisim dispela kain hevi long stori long olsem wanem ol i bin mekim yet wok autim tok maski ol wanlain i laik pulim ol long lusim dispela wok.
Singsing 78 na beten.
Wik i Kirap Long Disemba 18
Singsing 94
15 min: Ol toksave bilong kongrigesen. Ripot bilong ol akaun. Toksave long ol bung bilong mekim bikpela wok bilong autim tok long Disemba 25 na Janueri 1. Bekim dispela askim: Sapos yumi no tingim lotu na yumi insait long ol amamas, yu ting i no gat rong long dispela, maski ol haiden i as bilong en?—Lukim buk Toktok Gut, p. 287,288.
12 min: “Skul Tiokratik Bilong Autim Tok Bilong Yia 2001.” Wasman bilong skul i mekim dispela tok. Strongim olgeta long kaunim hap bilong Baibel sedyul i makim long olgeta wik na ol i mas strong long mekim ol tok ol i kisim bilong mekim long skul.
18 min: “Yu Tokaut Strong Taim Yu Autim Tok?”* Kirapim ol brata sista long stori liklik long ol skripsa i stap long dispela stori. Mekim wok long buk Lo, pes 86, stori long olsem wanem yumi ken kisim pasin bilong tokaut strong na no ken pret na mekim gut wok autim tok.
Singsing 124 na beten.
Wik i Kirap Long Disemba 25
Singsing 126
10 min: Ol toksave bilong kongrigesen. Askim ol brata sista long stori long sampela ekspiriens ol i bin kisim taim ol i autim tok. Stori long buk yumi tilim long Janueri.
10 min: Sampela tok bilong helpim kongrigesen. O mekim hariap ol askim na bekim long “Wok Painia—Rot Bilong Mekim Gutpela Wok Long Taim Bilong Yumi!” i stap long Wok Kingdom bilong Epril 1999, p. 3.
25 min: “Ol Samting Yumi Lainim Long Video The Bible—Accurate History, Reliable Prophecy.” Askim na bekim. Stori long sampela rot yumi ken mekim wok long dispela video long kirapim ol narapela man. (Yiabuk bilong 1999, tok Inglis, p. 51, 52) Long mun Februeri bai yumi stori long narapela video, The Bible—Mankind’s Oldest Modern Book.
Singsing 151 na beten.
Wik i Kirap Long Janueri 1
Singsing 171
8 min: Ol toksave bilong kongrigesen. Sapos taim bilong ol miting bilong yupela long kongrigesen bai senis long nupela yia, orait kirapim olgeta long kam oltaim long ol miting long dispela nupela taim. Toksave long ol Baibel-stadi na ol narapela man i save kam long miting long dispela senis, na mekim wok long ol nupela pepa bilong singautim ol man i kam long ol miting. Stori long ripot bilong wok autim tok bilong kantri na bilong kongrigesen. Toksave long ol pablisa long putim ripot bilong mun Disemba.
17 min: Pasin Bilong Redi Long Mekim Ol Gobek. Wanpela papa i toktok wantaim famili long olsem wanem ol i ken mekim wok autim tok bilong ol i kamap gutpela moa. Em i kamapim ol skripsa i toktok long as na ol i mas go bek lukim olgeta man i bin harim tok. Ol i bihainim ol tok i stap long Wastaua bilong Julai 1, 1999, p. 22, par. 18, na redim ol tok bilong mekim gobek. Olgeta i tok olsem ol i bin bungim ol man em ol i mas i go bek lukim ol. Ol wan wan i ken stori long man bilong haus i bin tok wanem taim ol i bin i go long namba wan taim, na ol narapela i ken kamapim sampela tingting na wanpela skripsa ol i ken mekim wok long en taim ol i mekim gobek. Ol i lukim sampela tok long buklet Yumi Mas Mekim Wanem? em ol i ken mekim wok long en. Papamama i ken larim wanpela pikinini i traim tok em bai mekim long gobek bilong em. Ol i makim taim bilong mekim ol gobek long wik antap.
20 min: Ol Painia Ol i Givim na Kisim Ol Blesing. Wanpela tok, na ol askim na bekim long ol tok i stap long Wastaua, Janueri 15, 1994, p. 21-23. Kirapim ol yangpela brata long tingting long mekim wok painia.
Singsing 212 na beten.
* Kirap bilong tok i no ken abrusim wanpela minit, na bihain mekim ol askim na bekim.