Rivyu Bilong Skul Bilong Wok Autim Tok
Rivyu bilong ol tok i bin kamap insait long Skul, kirap long Septemba 4 i go inap long Disemba 18, 2000. Long narapela hap pepa, traim raitim planti bekim insait long taim bilong mekim rivyu.
[Harim: Long taim bilong mekim rivyu long Skul, yu ken lukim Baibel tasol bilong helpim yu long bekim ol askim. Long pinis bilong ol askim i gat mak bilong ol buk samting, na taim yu kisim dispela pepa i go long haus paslain long taim bilong mekim rivyu, yu ken lukim ol dispela buk samting bilong helpim yu long raitim stret ol bekim bilong rivyu long Skul. Sampela taim ol i no putim namba bilong pes na paragraf bilong Wastaua.]
Makim ol dispela tok I Stret o I No Stret:
1. Devit i pasim Abisai long kilim i dai Simei, long wanem, Devit i gat asua long ol tok Simei i sutim long em. (2 Sml 16:5-13) [2, Hap bilong Baibel yumi kaunim long olgeta wik; lukim w99 5/1 p. 32 par. 3.] I No Stret. Devit i no gat asua long ol tok Simei i sutim long em, na long pasin daun em i sakim dispela traim bilong bekim nogut long Simei. Em i larim dispela hevi long han bilong Jehova.
2. Taim yumi skulim gut bel bilong yumi na bel i stap klin (olsem bel i no gat tok), bai yumi inap pas gut wantaim God; na tu, yumi mas mekim olsem bambai yumi ken kisim laip i stap oltaim. (Hi 10:22; 1 Pi 1:15, 16) [3, w98 9/1 p. 4 par. 4] I Stret.
3. Stori bilong 1 King inap helpim ol Kristen long save long ol samting i bin kamap long bipo na em tasol, long wanem, taim Solomon i dai pinis, long ol 14 king i mekim wok king long Juda na Israel, tupela tasol i mekim stretpela pasin long ai bilong Jehova. [5, bsi00 p. 20 par. 1] I No Stret. Taim yumi skelim ol strongpela tok na ol tok profet na ol tok piksa bilong en, yumi save dispela buk em i kamapim nambawan bikpela tok bilong Baibel, em Kingdom. (2 Ti 3:16, 17)
4. Long Taim Bilong Wan Tausen Yia Bilong Krais i Stap King em bai wankain olsem long taim Solomon i bosim lain Israel inap 40 yia. Taim Solomon i stap king, ol Israel i stap bel isi na ol i stap gutpela na ol i gat gutpela sindaun. (1 Kin 4:24, 25, 29) [6, Hap bilong Baibel yumi kaunim long olgeta wik; lukim w91 2/1 p. 6 par. 4.] I Stret.
5. Ol i planim gut Abiya na dispela i kamapim klia olsem em wanpela tasol long olgeta lain famili bilong Jeroboam em i gutpela man bilong lotuim Jehova. (1 Kin 14:10, 13) [9, Hap bilong Baibel yumi kaunim long olgeta wik; lukim w95 4/1 p. 12 par. 11.] I No Stret. Em i bin i dai olsem ol narapela lain nogut bilong Jeroboam. Tasol Jehova i lukim wanpela “gutpela pasin” long bel bilong Abiya na Em i mekim dispela samting.
6. Taim wanpela i kisim pinis baptais Kristen, dispela i makim olsem em i kamap wanpela wokboi bilong God i bikpela pinis long ol samting bilong spirit. [10, w98 10/1 p. 28 par. 2] I No Stret. Baptais em i kirap tasol bilong ol samting em i mas mekim olsem wanpela Kristen; Kristen i baptais pinis em i mas wok yet long “kamap strong,” na “kisim olkain skul bilong ol man i bikpela pinis” long rot bilong kisim stretpela save. (Hi 6:1, 2; Ef 4:13)
7. Jehova i bin givim narapela kain strongpela bel long Elaija, olsem na em i no inap pret. (1 Kin 18:17, 18, 21, 40, 46) [11, Hap bilong Baibel yumi kaunim long olgeta wik; lukim w98 1/1 p. 31 par. 2.] I No Stret. “Elaija em i man wankain olsem yumi.” Em i save pret na bel hevi tu. (Je 5:17; 1 Kin 19:4)
8. Tempel bilong Solomon em i nambawan gutpela haus ol i wokim long ol samting i gat bikpela pe, tasol nambawan bikpela samting bilong en i olsem: Em i makim tempel spirit bilong Jehova, em i gutpela moa yet. [12, bsi00 p. 23 par. 26] I Stret.
9. Elisa i tok na ai bilong ol Siria i kamap tudak na ol i no inap lukluk, tasol em i no tudak bilong ai tru tru, nogat, em i tudak bilong tingting, long wanem, ol inap lukim Elisa, tasol ol i no inap luksave long em. (2 Ki 6:18, 19) [14, Hap bilong Baibel yumi kaunim long olgeta wik; lukim si-E p. 70 par. 10.] I Stret.
10. Namba 2 King 11:12 i tok ol “i givim Joas wanpela buk i gat tok bilong lo” na dispela i makim olsem taim king i kamapim insait bilong Lo bilong God, ol man i no inap sakim—ol i mas bihainim. [16, Hap bilong Baibel yumi kaunim long olgeta wik; lukim w91-E 2/1 p. 31 par. 6.] I No Stret. King yet i mas stadi na bihainim Lo bilong God long olgeta de em i stap laip, olsem na ating dispela tok i makim olsem king i no winim Lo bilong Jehova na em tu i mas daun na bihainim tok bilong Lo. (Lo 17:18-20)
Bekim ol dispela askim:
11. Ol papamama i stap aninit long God ol i mas kirapim ol pikinini bilong ol long abrusim wanem tingting taim ol i laik makim wanem kain wok mani ol i laik mekim, olsem 1 Jon 2:15-17 i makim? [1, w98 7/15 p. 5 par. 3] Ol papamama i mas strongim ol pikinini bambai ol i no ken wok strong long kisim namba na mani kago long ‘dispela graun i laik pinis.’
12. Wanem insait bilong tok bilong 2 Samuel 18:8, em i tok: “Namba bilong ol man i dai long bus i winim namba bilong ol man i dai long pait”? [2, Hap bilong Baibel yumi kaunim long olgeta wik; lukim w87-E 3/15 p. 31 par. 2.] Em i stori long ol soldia bilong Apsalom ol i lus long pait, na ol i longlong na ranawe i go long bus i gat ol bikpela ston long en na ol i pundaun insait long ol baret i no stap ples klia na ol i pas long ol rop samting bilong bus. (2 Sml 18:9)
13. Long nau husat i kain olsem ol lain bilong Goliat, em ol Refaim, na ol i laik mekim wanem? (2 Sml 21:15-22) [3, Hap bilong Baibel yumi kaunim long olgeta wik; lukim w89 6/1 p. 16 par. 8.] Sampela strongpela man bilong gavman long dispela graun bilong Satan ol i kain olsem ol Refaim. Ol dispela strongpela gavman i bikhet long Jehova na tok bilas long em, na ol i mekim nogut long ol Witnes bilong em bambai ol Witnes i daun olgeta long ol. (Kain tok olsem em inap)
14. Wanem gutpela lo bilong Baibel yumi inap lainim long 2 Samuel 6:6, 7? [4, bsi00 p. 20 par. 30] Maski sapos man i ting samting em i mekim i gutpela, dispela i no inap senisim ol lo em God i putim pinis.
15. Yumi kisim save long wanem bikpela lo bilong stiaim tingting bilong yumi taim yumi tingim samting i painim wanpela man Israel i bin brukim lo bilong Sabat na ol i kilim em i dai? (Nam 15:35) [6, w98 9/1 p. 20 par. 2] Ol Kristen i mas putim ol bikpela samting, olsem ol samting bilong lotuim Jehova, i go pas long ol narapela wok.
16. Yumi inap mekim wanem bilong bihainim pasin kwin bilong Seba i bin mekim long kam longwe bilong harim Solomon i autim save bilong em? (1 Kin 10:1-9) [8, Hap bilong Baibel yumi kaunim long olgeta wik; lukim w99 7/1 p. 31 par. 1, 2.] Yumi mas skelim gut pasin na tingting bilong Jisas, em man i winim Solomon, na yumi mas bihainim tok bilong em long mekim olgeta lain manmeri i kamap disaipel. (Mt 12:42)
17. Olsem tok bilong 1 King 17:3, 4, 7-9, 17-24 i kamapim, long wanem 3-pela rot Elaija i bin kamapim olsem em i bilip long Jehova? [10, Hap bilong Baibel yumi kaunim long olgeta wik; lukim w92 4/1 p. 19 par. 4.] Elaija i kamapim bilip bilong em taim em i wetim Jehova i lukautim em long kaikai samting, na em i bihainim tok bilong Jehova, na wetim Jehova i mekim holi nem bilong Em.
18. Nabot i bikhet na em i no laik givim gaden wain bilong em long Ahap o olsem wanem? (1 Kin 21:2, 3) [12, Hap bilong Baibel yumi kaunim long olgeta wik; lukim w97 8/1 p. 13 par. 18.] Nabot em i stap gut long God na bihainim Lo Bilong Moses i tok, hap graun ol Israel i kisim long ol lain tumbuna, ol i no ken baim i go long narapela man bilong holim oltaim. (Wkp 25:23-28)
19. Olsem wanem tok bilong 2 King 6:16 i wok long strongim ol wokboi bilong Jehova long nau? [14, Hap bilong Baibel yumi kaunim long olgeta wik; lukim w98 6/15 p. 18 par. 5.] Dispela tok i strongim ol wokboi bilong God long mekim yet wok autim tok maski ol man i bin tok long kilim ol i dai, o ol i laik pretim ol, o ol i paitim ol, o putim ol long kalabus o long ol banis kalabus nogut, o kilim ol i dai.
20. Olsem wanem ol Kristen tru long nau ol i mas lukaut long dispela pasin olsem bilong Saimon? [14, w98 11/15 p. 28 par. 5] Ol Kristen tru long nau ol i mas lukaut long dispela pasin olsem bilong Saimon. Olsem: Ating wanpela bai litimapim tru nem bilong ol man em ol inap givim bikpela wok long em i gat namba long en, na em i givim ol gutpela gutpela presen long ol. Na tu, ol man ol inap givim dispela namba long man, ating ol bai givim namba long ol man ol inap givim planti presen long ol na ol i amamas long mekim olsem.
Raitim wanem hap tok i stret bilong pinisim ol dispela tok:
21. Trupela Kristen i no ken pret long ol man na insait long sampela pasin God i no laikim. (Snd 29:25; Mt 10:28) [2, w98 7/15 p. 20 par. 5]
22. Taim Pol i toktok long King Agripa, em i bihainim gutpela tingting na em i kamapim gut ol tok em na Agripa i wanbel long en. (Ap 26:2, 3, 26, 27) [7, w98 9/1 p. 31 par. 3]
23. Ol man i no inap lukim God long ai, olsem na ating sampela i pilim olsem God i no wanpela man i stap tru, tasol sapos planti taim yu stadi long Baibel na yu stadi gut, bai yu tingim Jehova olsem wanpela man i stap tru. (Hi 11:27) [9, w98 9/15 p. 21 par. 3, 4]
24. Taim man i mekim pasin daun, em inap kisim gutpela samting tru long en. Dispela i kamap klia long samting i bin painim Naman, em wanpela kepten long ami bilong Siria. [14, Hap bilong Baibel yumi kaunim long olgeta wik; lukim w99 2/1 p. 3 par. 6–p. 4 par. 1.]
25. Olsem Jonadap i bin wanbel wantaim King Jehu long bipo, long nau bikpela lain i wanbel na i wok gut wantaim man i winim Jehu, em Jisas Krais, na i gat wanpela lain long graun i olsem maus bilong em, em ol Kristen God i bin makim ol. (2 Kin 10:15, 16) [16, Hap bilong Baibel yumi kaunim long olgeta wik; lukim w98 1/1 p. 13 par. 5, 6.]
Makim wanem tok i stret:
26. (Satan; Jehova; Joap) i bin kirapim Devit long mekim rong na kaunim ol manmeri bilong Israel. (Skelim 2 Samuel 24:1 wantaim 1 Stori 21:1.) [4, Hap bilong Baibel yumi kaunim long olgeta wik; lukim w92 7/15 p. 5 par. 2.]
27. Olsem 1 King 8:1 na Saveman 1:1 i tok, Solomon i bungim ol manmeri bilong (sanapim tempel; ranim ol birua bilong Israel; lotuim Jehova). [7, Hap bilong Baibel yumi kaunim long olgeta wik; lukim si-E p. 112 par. 3.]
28. Dispela 20 yia Solomon i bin wok long sanapim haus lotu bilong Jehova na haus bilong king long Jerusalem i kain olsem sampela bikpela senis i bin kamap long lain bilong Jehova long bilip bilong ol na long oganaisesen i wok olsem wanem kirap long yia (1919; 1923; 1931) i go inap long (1938; 1942; 1950). (1 Kin 9:10) [8, Hap bilong Baibel yumi kaunim long olgeta wik; lukim w92 3/1 p. 20 blok.]
29. Long 2 King 2:11, dispela tok “heven” i makim (ples spirit em God i save stap long en; skai; ples antap klostu long graun, em ol pisin i save raun long en na i gat win). [13, Hap bilong Baibel yumi kaunim long olgeta wik; lukim w97 9/15 p. 15 blok.]
30. (King Herot; Sisar Ogastus; Sisar Taiberius) i putim wanpela lo long ol i mas kisim nem bilong olgeta manmeri, na long dispela as mama i karim Jisas long Betlehem, i no long Nasaret. [16, w98 12/15 p. 7 blok]
Putim wanem skripsa i stret long ol dispela tok:
Sng 15:4; 2 Sml 12:28; 2 Sml 15:18-22; 2 Kin 3:11; Kl 3:13
31. Jehova i save bosim oganaisesen bilong em long pasin tiokratik, olsem na yumi mas daun long ol man em i makim bilong mekim wok bos. [2 Sml 12:28] [4, bsi00 p. 20 par. 30]
32. Yumi mas bihainim pasin bilong i stap gut long oganaisesen bilong Jehova na ol man em i makim bilong mekim wok. [2 Sml 15:18-22] [4, bsi00 p. 20 par. 30]
33. Pasin bilong pilim tru marimari bilong Jehova em inap kirapim yumi long daunim pasin bilong belhat na lusim sin bilong narapela. [Kl 3:13] [11, w98 11/1 p. 6 par. 3]
34. Em i wanpela gutpela samting long mekim wok bilong helpim na mekim gut long ol wokboi bilong Jehova, em ol i stap gut long em na ol i mekim wok bilong God long olgeta de. [2 Kin 3:11] [13, Hap bilong Baibel yumi kaunim long olgeta wik; lukim w97 11/1 p. 31 par. 1.]
35. Man i pret long God em i save wok strong long truim tok promis bilong em long bekim ol dinau, maski sampela samting i kamap na em i no bin tingim na nau em i hatwok moa long bekim. [Sng 15:4] [15, w98 11/15 p. 27 par. 1]