Ol Miting Bilong Wok

Wik i Kirap Long Disemba 10

Singsing 205

13 min: Ol toksave bilong kongrigesen. Sampela Toksave bilong Wok Kingdom. Olsem bipo, yupela i mas stretim rot bilong lukim video To the Ends of the Earth bilong redi long hap bilong Miting Bilong Wok long wik i kirap long Disemba 24. Bihainim tok i stap long p. 5, na kamapim tupela soim ol i bin redim gut long pasin bilong tilim ol nius​—⁠mekim wanpela soim long Wastaua na narapela long Kirap! Sapos yupela i mas mekim, yupela i ken bihainim tok i stap long Wok Kingdom bilong Novemba.

12 min: Sampela tok bilong helpim kongrigesen.

20 min: “Pilim Tru Pasin Sori Bilong Jehova na Kisim Ol Blesing​—⁠Hap 2.”a Taim yu toktok long par. 2-5, kirapim kongrigesen long stori long ol ekspiriens ol i bin kisim taim ol i autim tok bilong mekim gut bel bilong ol man i bel hevi o i wari long pasin raskol na pasin bilong bagarapim ol man i stap long hap bilong ol na long olgeta hap bilong graun. Stretim tok paslain wantaim sampela pablisa bilong mekim wanpela o tupela soim long dispela kain pasin bilong autim tok.

Singsing 222 na beten.

Wik i Kirap Long Disemba 17

Singsing 211

10 min: Ol toksave bilong kongrigesen. Ripot bilong ol akaun. Stori long ol bung bilong wok autim tok bai kamap long ol pablik holide. Kamapim sampela tok yumi ken mekim taim man i tok “Meri Krismas” o “Hepi Nu Yia” long yumi.

22 min: “Autim Stret Tok Bilong God.”b Bihainim tok i stap long par. 4 na mekim wanpela soim i kamapim ol tok i save kamap tru taim yumi autim tok. Mekim wanpela gutpela soim long pasin bilong strongim na mekim gut bel bilong ol man i bel hevi long ol samting nogut i kamap nau long graun. Bihainim rot ol pablisa long hap bilong yupela i bin yusim na i wok gut. Wanpela inap kamapim sotpela ekspiriens long dispela samting. Bihain, askim odiens long i gat wanem as na ol i ting pasin bilong yusim Baibel i mekim wok autim tok bilong yumi i kamap gutpela moa.

13 min: ‘Yu Beten Wantaim Mi Pastaim.’ Ol askim na bekim long buk Toktok Gut, p. 59. Sapos wanpela man i tokim yumi long beten wantaim em pastaim na bihain yumi ken autim tok, yumi ken tok wanem long em? Paslain tru stretim tok wantaim sampela pablisa long kamapim ol bekim buk i makim na mekim long pasin bilong ol yet long toktok.

Singsing 225 na beten.

Wik i Kirap Long Disemba 24

Singsing 218

10 min: Ol toksave bilong kongrigesen. Stori long samting yumi bai tilim long Janueri na kirapim olgeta long kisim ol buk na nius bihain long miting. Na tokim ol tu olsem em i bikpela samting long tokim ol man yumi tilim ol buk na nius long ol, olsem yumi save kisim ol kontribiusen bilong helpim wok bilong yumi long olgeta hap. Kirapim olgeta long bihainim ol tok i stap long p. 6 bilong tilim ol nius.

10 min: “Skul Tiokratik Bilong Autim Tok Bilong 2002.” Wasman skul i mekim olsem wanpela tok. Strongim olgeta long givim bel long mekim ol tok bilong ol.

25 min: “Autim Tok Long Olgeta Hap Bilong Graun.” Ol askim na bekim. Kirapim olgeta long tingim ol samting ol i ken mekim bilong autim gutnius long planti man moa, long hap bilong ol o long hap ol i sot long ol man bilong autim gutnius. Long Februeri bai yumi lukim video Noah​​—⁠He Walked With God.

Singsing 24 na beten.

Wik i Kirap Long Disemba 31

Singsing 140

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Disemba. Sapos kongrigesen bilong yupela bai senisim taim bilong ol miting long nupela yia, long gutpela pasin kirapim olgeta long kam oltaim long ol miting long ol dispela nupela taim kongrigesen i makim. Ol man i laik harim tok na ol man i lusim wok autim tok, ol tu i mas save long senis i kamap long taim bilong ol miting.

15 min: I Stret Yumi Mas Tingim Gut Ol Elda. Sapos inap, tupela o tripela kongrigesen sevent i toktok wantaim long Wastaua, Jun 1, 1999, p. 18-19. Ol i stori long planti wok ol elda i mas mekim, olsem wok mani, lukautim famili, na ol wok tiokratik bilong ol. Stori long ol samting yumi olgeta i ken mekim bilong strongim ol elda, helpim ol long mekim wok, na bihainim tok bilong ol. Ol kongrigesen sevent i wanbel long tok olsem ol elda i mekim gutpela wok tru na i stret yumi tingim ol na “belgut tru long ol na laikim ol tru.”​—⁠1 Te. 5:​12, 13.

20 min: Ol Witnes Bilong Jehova i Gat Wanem Tingting Long Pasin Bilong Vot? Elda i save gut long mekim ol tok bai i mekim tok long Askim i stap long Wastaua, Novemba 1, 1999, p. 28-29. Kamapim klia ol tok bilong Baibel bilong stiaim tingting i stap long dispela stori.

Singsing 219 na beten.

Wik i Kirap Long Janueri 7

Singsing 20

10 min: Ol toksave bilong kongrigesen.

20 min: Mekim Gutpela Wok Long i Stap Bilong Yu. Famili i toktok wantaim long Wastaua, Ogas 15, 1998, p. 8-9. Papa i laik bai famili i bihainim rot i givim amamas long ol na i no mekim ol i bel hevi. Ol i skelim ol tok bilong Baibel em nius i kamapim bilong soim olsem wanem ol i ken stap amamas, bihainim pasin bilong skelim gut ol samting, tingim wanem ol samting i bikpela samting, na bilip long Jehova. Ol i stori long sampela senis famili inap mekim.

15 min: Tingim Gut Haus Kingdom Bilong Yumi. Wanpela elda i mekim olsem wanpela tok. Lukluk raun na skelim Haus Kingdom i stap olsem wanem. Yupela i tingting long mekim wanem bilong klinim gut Haus Kingdom paslain long Memorial? Yupela i mas stretim wanem ol samting paslain long dispela taim? Stori gut long olsem wanem kongrigesen i ken helpim dispela wok. Stori gut olsem ples bilong lotu i mas kamapim klia ol gutpela samting yumi ting i mas i stap long haus bilong Jehova.​—⁠Sng. 84:⁠1.

Singsing 126 na beten.

[Ol Futnot]