Ol Tok Yu Ken Mekim Bilong Tilim Ol Nius

Wastaua Janueri 15

“Planti man i save mekim wok long ol imis taim ol i lotu. Yu ting ol imis i gat strong long kisim bek ol man? [Larim man i bekim tok.] Tingim ol samting trupela God bai mekim bilong helpim yumi. [Ritim Kamapim Tok Hait 21:​3, 4.] Trupela God tasol inap mekim ol dispela samting. Dispela nius i kamapim klia trupela God em i husat na olsem wanem pasin bilong bilip long em inap helpim yumi.”

Awake! Janueri 22

“Yumi gat haus bilong yumi yet, tasol ating sampela taim yumi no tingim tumas dispela gutpela samting. Tasol planti milion refiuji long olgeta hap bilong graun ol i raun nabaut, na ol i no painim ples bilong stap bel isi long en. Nius Awake! i skelim i gat wanem as na dispela kain hevi i stap, na tu, nius i stori long tok promis bilong Baibel olsem long wanpela taim bihain olgeta man bai i gat haus bilong ol yet.”

Wastaua Februeri 1

“Planti man i tingting planti long ol samting i save bagarapim graun, win, na wara. Tasol sampela taim yu bin tingting long ol samting i save bagarapim tingting bilong man? [Larim man i bekim tok.] Baibel i kamapim klia olsem em i bikpela samting long stap klin long skin na long ol samting bilong spirit. [Ritim 2 Korin 7:⁠1.] Mi save olsem ol tok bilong dispela nius bai helpim yu tru.”