“Putim Hap i Stap”

Long kongrigesen Kristen bilong bipo, i gat wok bilong lukautim sampela long ol samting bilong skin. Taim bratasista i kisim mani, ol i mas “putim hap i stap” bilong givim olsem kontribiusen long ol man i sot. (1 Ko. 16:1-3) Pasin bilong ol long givim samting long ol narapela i mekim na olgeta i amamas long “tenkyu moa yet long God.”—2 Ko. 9:11, 12.

Long nau wok bilong lain bilong Jehova long olgeta hap i wok long go bikpela, olsem na i mas i gat planti mani moa bilong mekim ol dispela wok. I stret yumi tu i “putim hap i stap” long olgeta taim bilong helpim dispela wok. (2 Ko. 8:3, 4) I gat kain kain pasin bilong givim. (Lukim Wastaua Novemba 1, 2003, p. 28-29.) Yumi ting dispela i wanpela gutpela wok yumi ken mekim na i save givim amamas tru long yumi.—Ap. 20:35.